Breaking News
  • ఢిల్లీ భారత్ లో విజృంభిస్తున్న కరోనా వైరస్. ఒక లక్ష 98 వేల మార్క్ ని దాటినా కరోనా పాజిటివ్ కేస్ లు. 2 లక్షలకు చేరువ లో కరోనా కేస్ లు. దేశవ్యాప్తంగా కరోనా పాజిటివ్ కేసులు : 198706. దేశ వ్యాప్తంగా యాక్టీవ్ కేసులు: 97581. కరోనా నుంచి డిశ్చార్జ్ అయిన బాధితులు: 95526. దేశం మొత్తం కరోనా తో మృతుల సంఖ్య : 5598. కేంద్ర ఆరోగ్య మంత్రిత్వ శాఖ.
  • రాజేంద్రనగర్ గ్రే హౌండ్స్ ప్రాంతంలో మళ్లీ చిరుత తిరుగుతూ సిసి కెమెరాకు చిక్కిన ఆనవాళ్లు. గ్రే హౌండ్స్ కాంపౌండ్ లోపల ఉన్నట్టు గుర్తింపు. 700ఎకరాల్లో పోలీస్ గ్రే హౌండ్స్ . గ్రే హౌండ్స్ ఉన్నతాధికారుల నుండి అనుమతి వచ్చిన తర్వాతే బొన్లు ఏర్పాటు చేస్తామని చెబుతున్న అటవీశాఖ అధికారులు. గ్రే హౌండ్స్ చుట్టూ జూ సిబ్బంది, షూటర్స్, ట్రాప్ కెమెరా లతో అప్రమత్తం.
  • రెండు రాష్ట్రా ప్రభుత్వాలకు ఈనెల 4న జరిగే కృష్ణా నది యజమాన్య బోర్డు మీటింగ్ ఏజెండాలను పంపిన కృష్ణా నీటీ యాజమాన్య బోర్డ్. ఏజెండాలో ప్రధానంగా 5 అంశాల ప్రస్తావన. తెలంగాణ, ఏపీ ప్రభుత్వాలు చేపడుతున్న ప్రాజెక్టు లు , అభ్యంతరాలు , ప్రాజెక్టుల డీపీఆర్ లు.
  • టిటిడి : తిరుమలలో శ్రీవారి దర్శనానికి రాష్ట్ర ప్రభుత్వం గ్రీన్ సిగ్నల్. టిటిడి ఉద్యోగాలు, స్థానికులతో ట్రయల్ రన్ నడిపేందుకు రాష్ట్ర ప్రభుత్వం అనుమతి. 6 అడుగుల భౌతిక దూరం పాటిస్తూ దర్శనం కల్పించాలని సూచన. టీటీడీ ఈవో లేఖకు స్పందించిన ఏపీ ప్రభుత్వం. ఉత్తర్వులు జారీ చేసిన ప్రభుత్వ ప్రత్యేక ప్రధాన కార్యదర్శి జే.ఎస్.వి ప్రసాద్.
  • తూ. గో.జిల్లా: కోనసీమలో కరోన కలకలం. కోనసీమను గజ గజ లాడిస్తున్న ..ముంబై నుంచి వచ్చిన వలస కూలీలు . ఈరోజు ఒక్కరోజులో 28 కరోన పోసిటివ్ కేసులు నమోదు.
  • టీవీ9 తో ఉస్మానియా మెడికల్ కాలేజ్ ప్రిన్సిపాల్ శిశి కళ . ఉస్మానియా మెడికల్ కాలేజీ లో 12 మందికి కోవిడ్ పాజిటివ్. భయం గుప్పెట్లో ఉస్మానియా పీజీలు. ఇప్పటికే రిడింగ్ రూమ్ ను మోసివేసిన కాలేజ్ యాజమాన్యం. ప్రతి ఒక్క పీజీ ని ppe కిట్స్ వెస్కొమని సూచిస్తున్న ప్రిన్సిపల్ శశికళ. జూనియర్ డాక్టర్స్ కు పాజిటివ్ రావటం తో హాస్టల్ ను శానిటేషన్ చేసిన ghmc.

టీఆర్ఎస్‌ పార్టీలో ముసలం తప్పినట్టేనా..!

Unrest in TRS goes with Minister Etela Rajender issue solved by KCR, టీఆర్ఎస్‌ పార్టీలో ముసలం తప్పినట్టేనా..!

మొత్తానికి తెలంగాణలో 18 మంత్రులతో.. మంత్రి వర్గం కొలువుతీరింది. మరో ఆరుగురు మంత్రులతో ఆదివారం.. కేసీఆర్ సమక్షంలో గవర్నర్ సౌందర రాజన్ ప్రమాణ స్వీకారం చేయించారు. మంత్రులుగా.. హరీశ్ రావు, కేటీఆర్, సబితా ఇంద్రారెడ్డి, సత్యవతి రాథోడ్, గంగుల కమలాకర్, పువ్వాడ అజయ్ కుమార్‌లు ప్రమాణ స్వీకారం చేశారు. ఈ కార్యక్రమానికి ఈటెల రాజేందర్ కూడా హాజరయ్యారు.

అసలు మంత్రుల ప్రమాణ స్వీకార కార్యక్రమానికి ఈటెల వస్తారో.. రారో.. అని ఓ సందేహం ఉండేది. కానీ.. ఆయన రావడంతో.. కొంతమేర ఈ అనుమానం పటాపంచలైంది. కొంత కాలంగా.. మంత్రి ఈటెల కామెంట్స్‌పై తెలంగాణలో రచ్చ రచ్చ జరుగుతోంది. ముందు ఈటెల హాట్ కామెంట్స్.. ఆపై కీలక కేబినెట్ మీటింగ్‌కు వెళ్లకపోవడంపై.. పలు రకాల వార్తలు ఒకేసారి గుప్పుమన్నాయి. ఈటెల పార్టీ మారబోతున్నారని.. ఆయనకు.. బీజేపీ స్నేహ హస్తం చాచిందనే వదంతులు జోరుగా షికారు చేశాయి. ఈటెల కామెంట్స్‌పై టీఆర్‌ఎస్ వర్కింగ్ ప్రెసిడెంట్ కేటీఆర్ కూడా.. స్పందించారు. కొంతమందికి పదవులు వచ్చాక.. పెద్ద పెద్ద మాటలు మాట్లాడుతున్నారని.. కేటీఆర్.. ఈటెలను ఉద్ధేశించి కామెంట్స్ చేసిన విషయం తెలిసిందే.

అంతేకాకుండా.. ఈటెల మంత్రి పదవిపై కూడా.. పలు వార్తలు మీడియాల్లో ప్రచురితం అయ్యాయి. ఈటెల పదవి నుంచి తొలగించవచ్చని.. ఆ పదవిని హరీశ్‌కి ఇస్తున్నారని.. మొదట వార్తలు వచ్చినప్పటికీ ఆయనతో పాటు ఎవరికీ.. కేసీఆర్ ఉద్వాసన పలకలేదు.

ఎట్టకేలకు.. ఈటెల.. కేసీఆర్‌ మధ్య కోల్డ్ వార్‌కి తెరపడినట్టే అయింది. మంత్రుల ప్రమాణ స్వీకారం అనంతరం.. ఈటెలను.. దగ్గరుండి.. కేసీఆర్ గవర్నర్‌కి కూడా పరిచయం చేయడం. వారు కలివిడిగా మాట్లాడుకోవడం చూసి.. మొత్తానికి వీరి మధ్య మళ్లీ సఖ్యత కుదిరిందని స్పష్టమవుతోంది. అటు.. ఈటెల పదవి పోలేదు.. ఇటు హరీశ్‌కి పదవి వచ్చింది. ఈ నేపథ్యంలో.. టీఆర్ఎస్ ‌పార్టీకి ఇప్పట్లో తిరుగుబాటు ముప్పు తప్పినట్లేనని రాజకీయ విశ్లేషకులు చెబుతున్నారు. అలాగే.. పార్టీలో అసంతృప్తికి కళ్లెం వేసి గులాబీ బాస్ కేసీఆర్.. తనదైన వ్యూహంతో ముందుకు వెళ్లారని అంటున్నారు.

Related Tags