Breaking News
  • భద్రాద్రి: పాల్వంచ, బూర్గంపాడు మండలాల్లో భూప్రకంపనలు. టీచర్స్‌కాలనీ, బొడ్డుగూడెం, గట్టాయిగూడెం కాలనీల్లో భూప్రకంపనలు. అంజనాపురం, లక్ష్మీపురం, టేకులచెరువులో భూప్రకంపనలు. భయాందోళనలో స్థానికులు.
  • హైదరాబాద్‌: నగరంలో మంత్రి తలసాని పర్యటన. నిర్విరామంగా విధులు నిర్వహిస్తున్న పారిశుద్ధ్య కార్మికులు.. పోలీసులు, వైద్య సిబ్బందికి గులాబీ పూలు ఇచ్చి అభినందించిన తలసాని. ఎనర్జీ డ్రింక్‌, మంచినీళ్లు, శానిటైజర్లు అందజేసిన మంత్రి తలసాని. రోడ్లపైనే విధులు నిర్వహిస్తున్న సిబ్బందిని కలుసుకుంటూ.. హైదరాబాద్‌లో పర్యటిస్తున్న మంత్రి తలసాని శ్రీనివాస్‌ యాదవ్‌.
  • కరోనా వైరస్‌ను ఏపీ ప్రభుత్వం లైట్‌గా తీసుకుంటుంది. విపత్తు సాయం, నిత్యావసర సరుకుల పంపిణీని.. రాజకీయ ప్రచారం కోసం వాడుకుంటున్నారు-విష్ణువర్ధన్‌రెడ్డి. వైసీపీ నేతలకు సహకరిస్తున్న అధికారులను తొలగించాలి. ఏపీలో కరోనా కేసులు పెరగడానికి కారణం అంజాద్‌బాషా, ముస్తాఫానే. తక్షణమే అంజాద్‌బాషా తన పదవికి రాజీనామా చేయాలి -ఏపీ బీజేపీ ఉపాధ్యక్షుడు విష్ణువర్ధన్‌రెడ్డి.c
  • కరోనాపై మనమంతా కలిసికట్టుగా పోరాటాన్ని కొనసాగిద్దాం. రా.9 గంటలకు దీపాలు వెలిగించి కరోనా చీకట్లను పారద్రోలడంతో పాటు.. భారతీయులమంతా ఏకతాటిపైకి వచ్చి పోరాటం చేస్తున్నామని చాటిచెబుదాం. ఈ ప్రయత్నం ద్వారా కరోనాపై పోరాటాన్ని ముందుండి నడిపిస్తున్న.. వైద్యులు, పారిశుద్ధ్య సిబ్బందికి సంఘీభావాన్ని తెలుపుదాం. వ్యక్తిగత శుభ్రత, సామాజిక దూరాన్ని పాటిస్తూ.. కరోనాపై పోరాటాన్ని ఇదే స్ఫూర్తితో కొనసాగిద్దాం -ట్విట్టర్‌లో ఉపరాష్ట్రపతి వెంకయ్యనాయుడు.
  • రైతు చెంతకే వెళ్లి ధాన్యాన్ని కొనుగోలు చేస్తాం-కన్నబాబు. గ్రామ సచివాలయ వాలంటీర్లకు సమాచారం ఇస్తే.. ధాన్యం, మొక్కజొన్న కొనుగోలు చేస్తాం-మంత్రి కన్నబాబు. టమోటా, అరటిని మార్కెటింగ్‌ ద్వారా కొనుగోలు చేస్తున్నాం. ధర పడిపోయిన చోట్ల ప్రభుత్వమే కొనుగోలు చేయాలని సీఎం ఆదేశించారు. మామిడి ధరలు పడిపోకుండా చూడాలని అధికారులను ఆదేశించాం. పంట దిగుబడుల క్యాలెండర్‌ను రూపొందిస్తున్నాం-మంత్రి కన్నబాబు. టీడీపీ నేతలు కరోనాను కూడా రాజయకీయంగా వాడుకుంటున్నారు. ఇప్పటికైనా చౌకబారు విమర్శలు మానుకోండి-మంత్రి కన్నబాబు.

Trivikram: త్రివిక్రమ్‌ను వెంటాడుతోన్న ‘మైత్రీ’ ఇష్యూ..!

'అల వైకుంఠపురములో' మూవీతో మరో హిట్‌ను ఖాతాలో వేసుకున్న త్రివిక్రమ్.. ఇటీవలే ఎన్టీఆర్‌తో రెండో సినిమాను ప్రకటించారు. ఎన్టీఆర్ 30వ చిత్రంగా తెరకెక్కబోతున్న ఈ చిత్రానికి సంబంధించి ప్రస్తుతం స్క్రిప్ట్‌ను తయారుచేసే పనిలో ఆయన పడ్డారు.
Trivikram issue with top production house, Trivikram: త్రివిక్రమ్‌ను వెంటాడుతోన్న ‘మైత్రీ’ ఇష్యూ..!

‘అల వైకుంఠపురములో’ మూవీతో మరో హిట్‌ను ఖాతాలో వేసుకున్న త్రివిక్రమ్.. ఇటీవలే ఎన్టీఆర్‌తో రెండో సినిమాను ప్రకటించారు. ఎన్టీఆర్ 30వ చిత్రంగా తెరకెక్కబోతున్న ఈ చిత్రానికి సంబంధించి ప్రస్తుతం స్క్రిప్ట్‌ను తయారుచేసే పనిలో ఆయన పడ్డారు. అయితే ఆయన కెరీర్‌ విజయవంతంగా కొనసాగుతున్నప్పటికీ.. కొన్ని వివాదాలు త్రివిక్రమ్‌ను వెంటాడుతున్నాయి. ముఖ్యంగా అఆ సినిమా నుంచి కాపీ మరకలు ఆయనపై ఎక్కువవుతున్నాయి(అతడు, జులాయి, అత్తారింటికి దారేది సినిమాల్లోనూ కాపీ వివాదం నడిచినప్పటికీ.. అవి కొన్ని సీన్లకు మాత్రమే పరిమితమైన విషయం తెలిసిందే ). ఇక నిన్నటికి నిన్న అల వైకుంఠపురములో విషయంలోనూ ఆ కథ తనదేనంటూ ఓ రచయిత వార్తలకెక్కారు. అయితే ఈ కాపీ వివాదం పక్కనపెడితే ఇప్పుడు మరో వివాదం త్రివిక్రమ్‌ను వెంటాడుతోందట.

ఇప్పుడు టాలీవుడ్‌లో బడా నిర్మాతగా పేరొందిన మైత్రీ మూవీ మేకర్స్.. నిర్మాణ రంగంలోకి వచ్చిన కొత్తలోనే త్రివిక్రమ్‌కు కొంత అడ్వాన్స్ ఇచ్చి, ఓ సినిమాను అగ్రిమెంట్ చేయించుకుందట. అయితే కొన్ని కారణాల వలన ఆ నిర్మాణ సంస్థతో సినిమాను చేయలేకపోయారట త్రివిక్రమ్. మరోవైపు హారిక అండ్ హాసిని క్రియేషన్స్ ఆయనకు హోం బ్యానర్‌లా మారిపోవడంతో.. ఆ సంస్థతోనే వరుస సినిమాలు చేస్తూ, దాన్ని వదిలి త్రివిక్రమ్ బయటకు రాలేకపోతున్నారట. అయితే తాము ఇచ్చిన అడ్వాన్స్‌ను వెనక్కి ఇచ్చేయాలని మైత్రీ సంస్థ ఎప్పటినుంచో త్రివిక్రమ్‌ను అడుగుతుందోట. దీంతో ఈ వివాదాన్ని సద్దుమణిగించేందుకు మధ్యవర్తిత్వం తీసుకున్న హారిక సంస్థ మైత్రీ వారు ఇచ్చిన అడ్వాన్స్ కంటే రెట్టింపు ఇస్తామని అన్నారట. కానీ దానికి మైత్రీ సంస్థ వారు ఒప్పుకోలేదట. ఇక ఇప్పుడు ఎన్టీఆర్ సినిమా ప్రకటన తరువాత మరోసారి మైత్రీ సంస్థ, త్రివిక్రమ్‌కు తమ అడ్వాన్స్ ఇవ్వాలని డిమాండ్ చేస్తున్నారట. అంతేకాదు ఇచ్చిన అడ్వాన్స్‌కు మూడు రెట్లు ఎక్కువగా ఇవ్వాలని వారు అంటున్నారట. దీంతో మళ్లీ హారిక సంస్థ లైన్‌లోకి వచ్చిందట. ఈ నేపథ్యంలో త్వరలోనే త్రివిక్రమ్‌ సమస్యను తీరనున్నది సమాచారం.

Related Tags