Lockdown: సంయమనం కోల్పోతున్న అధికారులు.. దుకాణదారుడిపై చేయి చేసుకున్న అదనపు కలెక్టర్.. వీడియో..

Shajapur Adm Slapping Shopkeeper

Additional Collector Slapping Shopkeeper: కరోనా కేసులు పెరుతుండటంతో చాలా రాష్ట్రాల్లో లాక్‌డౌన్ విధించి చర్యలు తీసుకుంటున్నారు. ఈ నేపథ్యంలో కోవిడ్-19 నిబంధనల అమల్లో అధికారులు సంయమనం కోల్పోతున్నారు. ఇటీవల ఛత్తీస్‌గఢ్ సూరజ్‌పూర్ కలెక్టర్ ఓ వ్యక్తి చెంప చెళ్లుమనిపంచగా.. స్వయంగా ముఖ్యమంత్రే దీనిపై స్పందించి అతన్ని సస్పెండ్ చేసిన సంగతి తెలిసిందే. ఇది మరిచిపోకముందే..ఇలాంటి ఘటనే మరొకటి చోటుచేసుకుంది. లాక్ డౌన్ నిబంధనలు ఉల్లంఘించారంటూ.. దుకాణంలో ఉన్న ఓ వ్యక్తిపై అదనపు జిల్లా కలెక్టర్ దాడి చేశారు. ఈ ఘటన మధ్యప్రదేశ్ రాష్ట్రంలోని షాజాపూర్‌లో రెండు రోజుల క్రితం జరిగింది.

మధ్యప్రదేశ్ షాజాపూర్‌లో అదనపు జిల్లా కలెక్టర్ మంజూషా విక్రాంత్ రాయ్ పరిస్థితిని పర్యవేక్షిస్తున్నారు. ఈ క్రమంలో షాజూపూర్ లోని ఓ ప్రాంతంలో చెప్పుల షాపు తెరిచి ఉండడాన్ని ఆమె గ్రహించారు. వెంటనే అక్కడకు చేరుకోని దుకాణదారుడితో మాట్లాడారు. లాక్ డౌన్ నిబంధనలు ఉల్లంఘించారంటూ.. ఆ దుకాణంలో ఉన్న వ్యక్తి చెంప చెళ్లుమనిపించారు. దీనికి సంబంధించిన వీడియో ప్రస్తుతం సోషల్ మీడియాలో వైరల్‌గా మారింది. దానిలో అదనపు జిల్లా కలెక్టర్ మంజూషా విక్రాంత్ రాయ్.. దుకాణదారుడిని ప్రశ్నిస్తుంటారు.. ఆ బాలుడు సమాధానం చెప్పేలోపే అతని తలపై కొడతారు. అనంతరం పోలీసులు కూడా ఆ బాలుడిని కర్రలతో కొడతారు. అనంతరం దుకాణాన్ని బంద్ చేయాలని చెప్పి వెళతారు. దీనిపై మధ్యప్రదేశ్ రాష్ట్ర మంత్రి ఇందర్ సింగ్ స్పందించారు. కలెక్టర్‌పై చర్యలు తీసుకుంటామని స్పష్టం చేశారు.

వీడియో..

Also Read:

Volcanic Eruption: కాంగో అగ్నిపర్వతం విస్ఫోటనం.. 32కు చేరిన మృతుల సంఖ్య.. కొనసాగుతున్న సహాయచర్యలు

Lunar Eclipse 2021: రేపు సంపూర్ణ చంద్రగ్రహణం.. ఏ సమయంలో ఎక్కడెక్కడ కనిపిస్తుంది..? 2021లో సంభవించే గ్రహాలు ఇవే