Watch: చిరుతను వెంటాడిన పులి.. వాయువేగంతో పంజా విసిరింది.. క్లైమాక్స్‌లో ట్విస్ట్‌
సోషల్ మీడియాలో వీడియో మాత్రం దూసుకుపోతుంది. పులులు సైతం మ‌నుగ‌డ సాగించేందుకు స్లిమ్‌గా ఉండాల‌ని పులి తిరుగాడే ప్రాంతంలో చిరుత ఎలా తనను తాను
సోషల్ మీడియాలో అనేక వీడియోలు వైరల్ అవుతుంటాయి. ముఖ్యంగా జంతువులకు సంబంధించిన వీడియోలు ఎక్కువగా వైరల్ అవుతాయి. తాజాగా ఒకే జాతికి చెందిన పులి, చిరుత పులికి చెందిన ఓ వీడియో సోషల్ మీడియాలో వైరల్ అవుతోంది. ఈ వైరల్ వీడియోలో పులి బారి నుంచి త‌ప్పించుకున్న చిరుతపులి చాకచక్యం కనిపించింది. కానీ, క్లైమాక్స్‌లో ట్విస్ట్‌ మాత్రం ఊహించనిది. అయితే, పులి బారి నుంచి చిరుత తృటిలో త‌ప్పించుకున్న వీడియోను ఐఎఫ్ఎస్ అధికారి సుశాంత నంద ట్విట్ట‌ర్‌లో షేర్ చేశారు. ప్రస్తుతం ఈ వీడియో నెటిజన్లను బాగా ఆకట్టుకుంటోంది. ఈ వీడియో సోషల్ మీడియాలో షేర్ చేసిన‌ప్ప‌టి నుంచి ఇప్ప‌టివ‌ర‌కూ 35,000 మందికి పైగా వీక్షించారు.
30 సెకండ్ల నిడివి క‌లిగిన ఈ వీడియోలో చిరుతను వెంటాడేందుకు పులి వేగంగా దూసుకురావ‌డం క‌నిపిస్తుంది. అయితే, చిరుతను వాయువేగంతో పులి వెంబ‌డించ‌గా చిరుత అమాంతం చెట్టుపైకి ఎక్క‌డం క‌నిపిస్తుంది. ఆపై చిరుతను వెంటాడుతూ చెట్టు కొంతభాగంపైకి ఎక్కిన పులి ఇక అంతకు మించి పైకి ఎక్కలేకపోతుంది. దాంతో ప్రయత్నం విరమించుకుంటుంది. ఇక లాభం లేదని భావించి వెనుతిరుగుతుంది. సోషల్ మీడియాలో వీడియో మాత్రం దూసుకుపోతుంది. పులులు సైతం మ‌నుగ‌డ సాగించేందుకు స్లిమ్‌గా ఉండాల‌ని పులి తిరుగాడే ప్రాంతంలో చిరుత ఎలా తనను తాను కాపాడుకుందో తెలుస్తోంద‌ని ఈ పోస్ట్‌కు సుశాంత్ నందా క్యాప్ష‌న్ ఇచ్చారు.
ఇక వీడియో షేర్ చేసిన సుశాంత్ నందా..పులులు సుల‌భంగా చెట్లు ఎక్క‌గ‌లుగుతాయ‌ని అయితే వ‌య‌సు పెరిగేకొద్దీ వాటి శ‌ర‌రీ బరువు చెట్లు ఎక్కేందుకు స‌హ‌క‌రించ‌వ‌ని చెప్పుకొచ్చారు. ఇకపోతే, తనను వెంబ‌డిస్తున్న పులి నుంచి త‌ప్పించుకునేందుకు చిరుత వాయువేగంతో చెట్టుపైకి ఎక్క‌డం అద్భుత‌మ‌ని పలువురు యూజ‌ర్లు కామెంట్ చేశారు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి..