Viral Video: ఇది చూసి నవ్వుకుంటారో.. తిట్టుకుంటారో మీ ఇష్టం… ఢిల్లీ వాసులు మాత్రం ఓ రేంజ్లో వణికిపోయారు
అమెరికా, యూరప్ కంట్రీస్లోని కొన్ని ప్రాంతాల్లో హాలోవీన్ను జరుపుకునేందుకు ఎంతో మంది ఉత్సాహంగా ముందుకొస్తుంటారు. భారత్లో కూడా పాశ్చాత్య సంస్కృతి పెరిగిపోవడంతో ఇక్కడా కూడా విచిత్ర వేషధారణలతో వీధుల మీద హల్చల్ చేస్తున్నారు. తాజాగా ఢిల్లీకి చెందిన మేకప్ ఆర్టిస్ట్ వీడియో సోషల్ మీడియాలో వైరల్...
అమెరికా, యూరప్ కంట్రీస్లోని కొన్ని ప్రాంతాల్లో హాలోవీన్ను జరుపుకునేందుకు ఎంతో మంది ఉత్సాహంగా ముందుకొస్తుంటారు. భారత్లో కూడా పాశ్చాత్య సంస్కృతి పెరిగిపోవడంతో ఇక్కడా కూడా విచిత్ర వేషధారణలతో వీధుల మీద హల్చల్ చేస్తున్నారు. తాజాగా ఢిల్లీకి చెందిన మేకప్ ఆర్టిస్ట్ వీడియో సోషల్ మీడియాలో వైరల్ అవుతోంది. ఈ వీడియోలో ఆమె ది కంజురింగ్ యూనివర్స్ నుండి భయంకరమైన అన్నాబెల్లె బొమ్మతో తనను తాను అలంకరించుకుంది. ఆమె తన అన్నాబెల్లె లుక్లో ఢిల్లీ వీధుల్లో నడుస్తున్నప్పుడు అక్కడి స్థానికులు భయాందోళనకు గురయ్యారు.
ఈ వీడియో సోషల్ మీడియాలో వైరల్ అయిన తర్వాత నెటిజన్స్ ఉత్సాహంగా స్పందిస్తున్నారు. దశాబ్దాలుగా పాశ్చాత్య దేశాలలోనే కాకుండా ప్రపంచవ్యాప్తంగా పాప్ సంస్కృతిలో హాలోవీన్ అంతర్భాగంగా మారిందని గుర్తు చేస్తున్నారు. అక్టోబర్ 31న, హాలోవీన్ పార్టీలలో ప్రజలు తమకు నచ్చిన దుస్తులు ధరించి, ఓ భయంకరమైన మేకప్తో బయట తిరుగుతారు.
వీడియో చూడండి:
ఆ వీడియోలో ఒక మహిళ అన్నాబెల్లె వేషంలో ఢిల్లీలోని రద్దీ వీధుల్లో తిరుగుతున్నట్లు చూడొచ్చు. ఆమె ముఖంపై దయ్యాలను పోలే అలంకరణ, కళ్ళు ముదురు రంగులో కనిపిస్తాయి. ఆమె జుట్టు అన్నాబెల్లె సిగ్నేచర్ జడలతో కట్టుకుని ఉంది. తెల్లటి ఫ్రాక్ మరియు ఎరుపు రిబ్బన్ ధరించి బహిరంగంగా నడిచినప్పుడు ప్రజలు తమ ఫోన్లలో ఆ క్షణాన్ని బంధించడానికి పోటీ పడ్డారు. మరికొందరు భయంతో ఆరుచుకుంటూ పరిగెత్తారు.మరికొందరు బిగ్గరగా నవ్వుతారు. ఆమె కళాత్మకతను ప్రశంసిస్తారు. ఆ స్త్రీ అన్నాబెల్లె రూపాన్ని గమనించిన ఒక బాటసారుడు, “నాకు ఈ లుక్ చాలా ఇష్టం” అని ఆశ్చర్యపోతాడు.
ఇప్పటివరకు ఈ వీడియోకు ఐదు మిలియన్ల వీక్షణలు, 250,000 కంటే ఎక్కువ లైక్లు మరియు 1,200 కంటే ఎక్కువ కామెంట్స్ వచ్చాయి. ఒక వినియోగదారు పోస్ట్పై “ఓహ్, నాకు భయంగా ఉంది” అని వ్యాఖ్యానించారు. “మీరు చేసిన పనిని చేయడానికి చాలా ధైర్యం అవసరం” మరొకరు అని రాశారు.