KTR: రెండుగా విడిపోయినా.. ప్రేమాభిమానాలు అలాగే ఉంటాయి.. మంత్రి కేటీఆర్ ట్వీట్
ఏపీ మంత్రులు, నేతల నుంచి లభిస్తున్న సోదర ప్రేమకు ఎంతో పొంగిపోయానని తెలంగాణ(Telangana) ఐటీ, పురపాలక శాఖ మంత్రి కేటీఆర్(KTR) అన్నారు. తెలంగాణ, ఆంధ్రప్రదేశ్ లు భౌగోళికంగా విడిపోయినా..
ఏపీ మంత్రులు, నేతల నుంచి లభిస్తున్న సోదర ప్రేమకు ఎంతో పొంగిపోయానని తెలంగాణ(Telangana) ఐటీ, పురపాలక శాఖ మంత్రి కేటీఆర్(KTR) అన్నారు. తెలంగాణ, ఆంధ్రప్రదేశ్ లు భౌగోళికంగా విడిపోయినా.. మన మధ్య ప్రేమాభిమానాలు అలాగే ఉంటాయని వెల్లడించారు. “నిన్న ఏపీ పురపాలకశాఖ మంత్రి బొత్స సత్యనారాయణ కుమారుడి వివాహానికి వెళ్లాను. వారి నుంచి లభించిన ప్రేమాభిమానాలు చూసి పొంగిపోయాను.” అని ట్విట్టర్(Twitter) వేదికగా సామాజిక మాధ్యమాల్లో పంచుకున్నారు.
హైద‌రాబాద్‌లోని హైటెక్స్‌లో ఆంధ్రప్రదేశ్ రాష్ట్ర మున్సిప‌ల్ శాఖ మంత్రి బొత్స సత్యనారాయణ కుమారుడు సందీప్ వివాహానికి తెలంగాణ మంత్రి కేటీఆర్ హాజరయ్యారు. ఈ వేడుక‌లో మంత్రులు కేటీఆర్, జ‌గ‌దీశ్ రెడ్డి, త‌ల‌సాని శ్రీనివాస్ యాద‌వ్‌తో పాటు కాంగ్రెస్ నాయ‌కులు శ్రీధ‌ర్ బాబు, సుద‌ర్శన్ రెడ్డి పాల్గొన్నారు. నూత‌న వ‌ధూవ‌రులను ఆశీర్వదించారు.
Also Read
Viral: మత్స్యకారుల వలకు చిక్కిన అరుదైన చేప.. బరువెంతో తెలిస్తే మతిపోతుంది.!