Viral Video: వ్యాన్‌కు వేలాడుతూ పాము షికారు.. వీడియో చూస్తూ ఫ్యూజులు ఔట్..!
Viral Video: ఈ పాము ఫ్రీగా కారు షికారీ చేయాలనుకుందో ఏమోగానీ, నెమ్మదిగా ఓ వ్యాన్‌లో నక్కింది. ఆ తర్వాత ఊపిరాడలేదో ఏమో..
Viral Video: ఈ పాము ఫ్రీగా కారు షికారీ చేయాలనుకుందో ఏమోగానీ, నెమ్మదిగా ఓ వ్యాన్‌లో నక్కింది. ఆ తర్వాత ఊపిరాడలేదో ఏమో.. మెల్లిగా గాలి పీల్చుకోడానికి అన్నట్టుగా బయటకొచ్చింది.. కానీ, పాపం ప్రమాదంలో పడింది. ఆ వ్యాన్ యజమాని కొంత దూరం వెళ్లిన తర్వాత.. బయటకు వచ్చి హడలగొట్టింది. హై స్పీడ్‌లో వెళ్తున్న వాహనంలోంచి.. పడిపోతాననే భయం కూడా లేకుండా ఆ పాము కాసేపు థ్రిల్‌గా ఫీలైంది. ఇంగ్లాండ్‌లోని స్టాఫోర్డ్‌షైర్‌లో ఈ ఘటన చోటుచేసుకుంది.
చార్లీ బ్రిస్టోన్ అనే యువకుడు తన తండ్రితో కలిసి వ్యాన్‌లో వెళ్తున్నాడు. ఇంతలో వ్యాన్ బానెట్‌లో నుంచి ఓ పాము బయటకు వచ్చింది. ఆ తర్వాత అది వ్యాన్ కుడివైపు అద్దం వైపుకు పాకింది. ఆ సమయానికి వ్యాన్ సుమారు 70 కిలో మీటర్ల వేగంతో ప్రయాణిస్తోంది..అయితే, కాసేపు జర్నీని ఎంజాయ్ చేసిన ఆ పాము అలా ప్రయాణించడం ప్రమాదమని భావించిందో ఏమో.. మళ్లీ బానెట్ వైపునుకు వెళ్దామని ప్రయత్నించింది. కానీ, పట్టుతప్పి రోడ్డు మీద పడిపోయింది. ఆ తర్వాత ఏమైందనేది మాత్రం తెలియరాలేదు. ఈ వీడియో ఇప్పుడు నెట్టింట వైరల్‌గా చక్కర్లు కొడుతోంది.
Also read:
Telangana Group 1: నిరుద్యోగులకు శుభవార్త.. గ్రూప్ 1 నోటిఫికేషన్ వచ్చేసింది.. పూర్తి వివరాలివే..
Andhra Pradesh: అనిల్ ఇంటికి వెళ్లిన మంత్రి కాకాని.. కలిసిన చేతులు.. కలవని చూపులు..!
Andhra Pradesh: సంసారానికి దూరంగా భర్త.. నిలదీస్తే ఒకటే ఏడుపు.. కృష్ణా నదిలో భార్య నిరసన..!