గుండె ఆగిపోయే దృశ్యం..! కింగ్ కోబ్రాకు నోటితో నీళ్లు తాగించిన వ్యక్తి..వైరల్ వీడియోలో షాకింగ్ సీన్
సోషల్ మీడియా యుగంలో నిత్యం ఎన్నో రకాల వింతలు, విశేషాలకు సంబంధించిన వీడియోలు వైరల్ అవుతుంటాయి. అయితే కొన్ని వీడియోలు మాత్రం చూసే వారికి ఒక్కసారిగా గుండె ఆగినంత పని చేస్తాయి. తాజాగా వైరల్ అవుతున్న ఒక వీడియో కూడా అచ్చం అలాంటిదే. ప్రపంచంలోనే అత్యంత పొడవైన, అత్యంత విషపూరితమైన పాముగా పేరుగాంచిన కింగ్ కోబ్రాకు ఒక వ్యక్తి ఏకంగా తన నోటితో నీరు తాగిస్తున్న దృశ్యం ఇప్పుడు ఇంటర్నెట్‌ను షేక్ చేస్తోంది. వీడియో చూసిన ప్రతి ఒక్కరినీ తీవ్ర భయాందోళనలకు, ఆశ్చర్యానికి గురిచేస్తోంది. ఇంతకీ వైరల్ వీడియోలో ఏముంది?
Updated on: Jun 26, 2026 | 4:00 PM
సోషల్ మీడియా ప్రపంచంలో నమ్మశక్యం కాని వీడియోలు అనేకం బయటపడతాయి. కొందరు ప్రమాదంతో ఎంతగా చెలగాటం ఆడుతారంటే, అది చూసేవారికి ఒళ్లు గగుర్పాటుకు గురి చేస్తుంది. అలాంటి ఒక షాకింగ్ వీడియో ఇంటర్నెట్‌లో వేగంగా వైరల్ అవుతోంది . ఈ వీడియోలో ప్రపంచంలోని అత్యంత ప్రమాదకరమైన పాములలో ఒకటైన కింగ్ కోబ్రాతో ఒక వ్యక్తి ఊహకందని పని చేస్తూ కనిపిస్తున్నాడు. ప్రపంచంలోనే అత్యంత విషపూరితమైన కింగ్ కోబ్రా పాముకు ఒక వ్యక్తి నేరుగా తన నోటితో నీరు తాగిస్తున్న దృశ్యం ఇందులో కనిపిస్తోంది.
వైరల్ వీడియో ప్రకారం..
ఈ షాకింగ్ వీడియోలో ఒక వ్యక్తి కింగ్ కోబ్రా ముందు నిలబడి ఉన్నాడు. అతను తన నోటి నిండా నీటిని ఉంచుకుని, నెమ్మదిగా ఆ నీటిని కిందకు వదులుతుంటే, ఆ భారీ పాము తన తలను పైకెత్తి అతని నోటి నుండి వస్తున్న నీటిని ఎంతో ఆశగా తాగుతోంది. సాధారణంగా కింగ్ కోబ్రా ఒక్కసారి కాటు వేస్తే ఏనుగు సైతం నిమిషాల్లో ప్రాణాలు కోల్పోతుంది. అలాంటి భయంకరమైన సర్పం, ఆ వ్యక్తిపై ఎలాంటి కోపాన్ని ప్రదర్శించకుండా కేవలం నీటిని తాగడంపైనే దృష్టి పెట్టడం గమనార్హం. ఈ భయానక దృశ్యం మొత్తంలో ఆ వ్యక్తి ముఖంలో భయం ఛాయలు ఏమాత్రం కనిపించలేదు. దానికి బదులుగా, అతను నవ్వుతూ ఉన్నాడు.
నెటిజన్ల రియాక్షన్:
ఈ వీడియోను @junglesurvivor7 అనే అకౌంట్ ఇన్‌స్టాగ్రామ్‌లో షేర్ చేయగా, ప్రజలు దీనిపై విపరీతంగా కామెంట్లు చేస్తున్నారు. ఈ వీడియో చూసిన నెటిజన్లు రకరకాలుగా స్పందిస్తున్నారు. కొందరు ఆ వ్యక్తి ధైర్యానికి అబ్బురపడుతుంటే, మరికొందరు ఇది అత్యంత ప్రమాదకరమైన స్టంట్ అని, ఇలాంటివి ప్రాణాలకే ముప్పని హెచ్చరిస్తున్నారు. ఇది ధైర్యం కాదు, పిచ్చితనం అని ఒకరు కామెంట్ చేయగా, బహుశా ఆ పాము విపరీతమైన దాహంతో ఉండటం వల్లే శాంతించి ఉండవచ్చు అని మరొకరు అభిప్రాయపడ్డారు.
వీడియో ఇక్కడ చూడండి..
View this post on Instagram
నిపుణుల హెచ్చరిక:
వన్యప్రాణి నిపుణుల ప్రకారం.. వేసవి కాలంలో లేదా అడవుల్లో నీరు దొరకనప్పుడు పాములు కూడా తీవ్రమైన దాహానికి గురవుతాయి. అటువంటి సమయాల్లో అవి నీటి కోసం జనావాసాల్లోకి వస్తుంటాయి. గతంలో కూడా బాటిళ్లతో పాములకు నీళ్లు తాగించిన వీడియోలు వచ్చాయి. అయితే, ఇలా నేరుగా నోటితో లేదా చేతులతో వన్యప్రాణులను, ముఖ్యంగా విషసర్పాలను అప్రోచ్ అవ్వడం చట్టరీత్యా నేరం, ప్రాణాంతకం. ఎలాంటి శిక్షణ లేని సాధారణ ప్రజలు ఇటువంటి పనులు అస్సలు చేయకూడదని నిపుణులు హెచ్చరిస్తున్నారు. ఈ వీడియో ఎక్కడ, ఎప్పుడు చిత్రీకరించబడిందనే పూర్తి వివరాలు తెలియనప్పటికీ, ప్రస్తుతం ఈ క్లిప్ మాత్రం సామాజిక మాధ్యమాల్లో విపరీతమైన వ్యూస్, షేర్లతో దూసుకుపోతోంది.
