ఏదైనా అల్లరి పనులు చేస్తే కోతి చేష్టలంటూ సంభోదిస్తారు గానీ.. కనీసం వాటికి ఉన్న తెలివి కూడా మనకు లేకుండా పోతోంది. మనుషులు తమ చేష్టలతో భూమిపై కాలుష్యాన్ని పెంచుతూ పర్యావరణాన్ని చెడగొడుతుంటే.. ఓ కోతి మాత్రం మనం చేయాల్సిన సామాజిక బాధ్యతను గుర్తు చేసింది. వృథాగా పోతున్న నీటిని ఆపేందుకు చాలా సేపే ప్రయత్నించింది. కింద ఉన్న రాళ్లు, ఆకులు, మట్టితో ఆ నల్లాను మూసేందుకు ప్రయత్నించింది. దీనికి సంబంధించిన వీడియోను ఓ నెటిజన్ సోషల్ మీడియాలో షేర్ చేయగా.. అది కాస్త వైరల్గా మారింది.
If other beings of the #wild can have such #grace, #intelligence and #sensitivity …then I really don't know what went wrong with us #humans ..#whoaretherealanimals ?@AdityaPanda @ParveenKaswan pic.twitter.com/cSzFtZm4FY
— Niharika Sidheshwari Singh (@Niharika_nsp) October 10, 2019
‘‘వంద నిర్ణయాలను తీసుకోవడం కంటే ఒక గొప్ప పనిని ఆచరణలో పెట్టడం చాలా గ్రేట్. నీటిని కాపాడండి’’.. ‘‘నిన్ను చూసి మేము చాలా నేర్చుకోవాలి’’.. ‘‘నువ్వే నిజమైన హీరోవు’’.. ‘‘అసలు జంతువులం మనమే.. ఈ కోతిని చూసి నేర్చుకుందాం’’ అంటూ నెటిజన్లు కామెంట్లు పెడుతున్నారు. కాగా ఆ మధ్య కాలంలో కోతికి సంబంధించిన ఒక వీడియో సోషల్ మీడియాలో వైరల్గా మారిన విషయం తెలిసిందే. అందులో నీటిని త్రాగిన కోతి.. ఆ తరువాత నల్లాను ఆపుతుంది. ఈ వీడియో కూడా నెటిజన్లను తెగ ఆకట్టుకుంది.
https://twitter.com/Aham_Brhmasmi1/status/1156117398107258881