Fake Delivery: 22 వేల ఖరీదైన సెల్ ఫోన్ ఆర్డర్ చేస్తే రాళ్లు డెలివరీ.. సారీ అంటూ చేతులు దులిపేసుకున్న ఇ-కామర్స్ సంస్థ

Flipkart Fake Delivery Of Phone

ప్రస్తుతం ప్రజలు ఆన్‌లైన్‌లో వస్తువులను ఆర్డర్ చేయడానికి ఇష్టపడుతున్నారు. ఇష్టమైన వస్తువులను ఇంటి నుండి ఆర్డర్ చేయవచ్చు. హోమ్ డెలివరీ కూడా అందుబాటులో ఉంది. అయితే ఒక్కోసారి కస్టమర్లకు ఊహించని విధంగా ఏదో జరిగి షాక్ ఇస్తుంది. కస్టమర్ ఫోన్‌ని ఆర్డర్ చేయగా.. డెలివరీ సమయంలో అతను ఫోన్‌కు బదులుగా రాళ్లను వచ్చిన సంఘటనలు గురించి చాలాసార్లు వింటూనే ఉన్నాం. ఈ ఘటన మరోసారి చోటుచేసుకుంది. ఈసారి ఘజియాబాద్‌కు చెందిన వ్యక్తి ఫ్లిప్‌కార్ట్ లో ఫోన్ ఆర్డర్ చేయగా డెలివరీలో రాళ్లు వచ్చాయి.

ఫ్లిప్‌కార్ట్ ఒక ప్రసిద్ధ ఇ-కామర్స్ సంస్థ. ఇక్కడ నుండి ఎవరైనా సరే ఆన్‌లైన్‌లో వివిధ రకాల ఉత్పత్తులను ఆర్డర్ చేయవచ్చు. అయితే చాలా సార్లు కస్టమర్లు తాము ఆర్డర్ ఇచ్చిన వస్తువులకు బదులు తప్పుడు వస్తువులు అందుకుని సమస్యల బారిన పడుతున్నారు. తాజాగా ఘజియాబాద్‌కు చెందిన వ్యక్తికి జరిగిన సంఘటన ఆ వ్యక్తినే కాకుండా కంపెనీని కూడా ఆశ్చర్యపరిచింది.

ఈ విషయం సోషల్ మీడియాలో చక్కర్లు కొడుతోంది

సోషల్ మీడియా ప్లాట్‌ఫారమ్ X (గతంలో ట్విట్టర్)లో ఒక వినియోగదారు ఈ సంఘటనను పేర్కొన్నారు. Xలో, ఘజియాబాద్‌కు చెందిన ఒక కస్టమర్ ఫ్లిప్‌కార్ట్ నుండి రూ. 22,000 విలువైన స్మార్ట్‌ఫోన్‌ను ఆర్డర్ చేసినట్లు వినియోగదారు రాశారు. డెలివరీ బాక్స్ ఆ వ్యక్తి వద్దకు చేరుకోగా..  అందులో ఫోన్‌కు బదులు రాళ్లు ఉన్నాయి. ఆ రాయిని చూడగానే కస్టమర్ తన సెల్ ఫోన్ డెలివరీ విషయంలో ఏదో తప్పు జరిగిందని గ్రహించాడు.

కస్టమర్ ఫ్లిప్‌కార్ట్ నుండి Infinix Zero 30 5G స్మార్ట్‌ఫోన్‌ను కొనుగోలు చేశాడు. దీని రంగు వేరియంట్ గోల్డెన్ అవర్, ఇది 256GB మెమరీ కలిగి ఉంది. అతిపెద్ద సమస్య ఏమిటంటే.. తనకు సెల్ బదులుగా రాయి వచ్చిన తర్వాత తిరిగి ఇవ్వడానికి ప్రయత్నించినప్పుడు..  ఫ్లిప్‌కార్ట్ రిటర్న్‌ను తిరస్కరించింది. దీని తర్వాత కస్టమర్ కష్టాలు మరింత పెరిగాయి.

స్పందించిన ఫ్లిప్‌కార్ట్

మీరు ఆర్డర్ చేసినవి తప్ప మరేమీ మీరు పొందాలని మేము ఎప్పటికీ కోరుకోము.. మీకు కలిగిన అసౌకర్యానికి  చాలా చింతిస్తున్నాము. మీకు మరింత సహాయం చేయడానికి  దయచేసి మీ ఆర్డర్ వివరాలను ప్రైవేట్ చాట్ ద్వారా మాకు అందించండి. ఆ వివరాలు మేము గోప్యంగా ఉంచుతాం..మీ స్పందన కోసం ఎదురుచూస్తున్నా. మని ప్లిప్ కార్డు సిబ్బంది స్పందించారు.

రిప్లై ఇస్తూనే ఫ్లిప్‌కార్ట్ కస్టమర్‌ని హెచ్చరించింది. తమ సంస్థ పేరుతో ఉన్న తప్పుడు ఖాతాలు, నకిలీ సోషల్ మీడియా హ్యాండిల్స్‌పై స్పందించవద్దని కంపెనీ తెలిపింది.

అయితే ఫోన్‌కు బదులు రాయి వచ్చిన విషయం సోషల్ మీడియాలో వైరల్‌గా మారింది. చాలా మంది తమ అనుభవాలను కూడా పంచుకున్నారు. @savanurvX హ్యాండిల్ నుంచి ఒక వినియోగదారుడు తనకు కూడా  సరిగ్గా అదే జరిగిందని రాశారు. ఆ తప్పుడు డెలివరీ ఇప్పటికీ భర్తీ చేయబడలేదని పేర్కొన్నాడు. ఫ్లిప్‌కార్ట్‌ తనను మోసం చేసిందని వినియోగదారు ఆరోపించారు.

ఫ్లిప్‌కార్ట్ రిటర్న్ పాలసీ ఏమిటంటే

ఫ్లిప్‌కార్ట్ రిటర్న్ పాలసీ ప్రకారం, Apple, Google, Motorola, Infinix, Redmi, Mi, Vivo, Poco, Realme , Samsung ఫోన్‌లకు 7 రోజుల సర్వీస్ సెంటర్ రీప్లేస్‌మెంట్/రిపేర్ సౌకర్యం ఉంది. మీరు ఆన్‌లైన్‌లో వస్తువులను కొనుగోలు చేసే ప్లాట్‌ఫారమ్ మాత్రమే అని ఫ్లిప్‌కార్ట్ స్పష్టంగా చెబుతోంది. ఈ బ్రాండ్‌ల లోపభూయిష్ట పరికరాల భర్తీకి విక్రేత , బ్రాండ్ మాత్రమే బాధ్యత వహిస్తుందని పేర్కొంది.

మరిన్ని ట్రెండింగ్ వార్తల కోసం ఇక్కడ క్లిక్ చేయండి..