Viral Video: పాపం అమ్మాయిలు.! స్నాక్స్ తింటుండగా ఏంటి ఇలా జరిగింది.. ఆ తర్వాత..
ఎంతటి సాధు స్వభావులైనప్పటికీ వారిలోనూ ఒక్కోసారి కోపం కట్టలు తెంచుకుంటుంది. ఇది మనుషుల స్వభావం.. ఇక జంతువుల గురించి వేరే చెప్పనక్కర్లేదు. అయితే సాధారణంగా ఆవులను సాధు జంతువులుగా మనం చూస్తాం. కానీ ఎంత సాధుజీవులు అయినా ఆవుల్లోనూ జంతు ప్రవృత్తి ఉంటుందనే..
ఎంతటి సాధు స్వభావులైనప్పటికీ వారిలోనూ ఒక్కోసారి కోపం కట్టలు తెంచుకుంటుంది. ఇది మనుషుల స్వభావం.. ఇక జంతువుల గురించి వేరే చెప్పనక్కర్లేదు. అయితే సాధారణంగా ఆవులను సాధు జంతువులుగా మనం చూస్తాం. కానీ ఎంత సాధుజీవులు అయినా ఆవుల్లోనూ జంతు ప్రవృత్తి ఉంటుందనే విషయం మరోసారి నిరూపణ అయింది. ఢిల్లీలోని ఓ వీధిలో పట్టపగలే రెండు ఆవులు కుమ్ముకుంటూ షాప్ బయట కూర్చున్న ముగ్గురు యువతులపైకి హఠాత్తుగా దూసుకెళ్లిన ఘటన చోటుచేసుకుంది. షాప్ ముందున్న సీసీటీవీలో రికార్డయిన ఈ దృశ్యం నెటిజన్లను షాక్‌కు గురిచేసింది. ప్రస్తుతం ఈ వీడియో సోషల్ మీడియాలో తెగ వైరల్‌ అవుతోంది.
ఆ వీడియోలో ముగ్గురు యువతులు ఓ షాప్ బయట స్నాక్స్ తింటున్నారు. వారిలో ఇద్దరు కూర్చోగా మరో యువతి నిలబడింది. ఇంతలో హఠాత్తుగా రెండు ఆవులు కుమ్ముకుంటూ వారిపైకి దూసుకెళ్లాయి. దీంతో వారంతా ఒక్కసారిగా కిందపడిపోయారు. అయినా ఆవులు ఆగకుండా కుమ్ముకుంటూనే ఉన్నాయి. ఈ క్రమంలో ఒక ఆవు గిట్టలకింద ఓ యువతి చిక్కుకుపోయింది. అటుగా వెళ్తున్న వ్యక్తులు వెంటనే స్పందించారు. ఒకరు ఆవులను చెదరగొట్టగా మరొకరు కిందపడ్డ యువతిని పైకిలేపి పక్కకు తీసుకెళ్లారు. ఈ వీడియోను చూసిన నెటిజన్లు సకాలంలో స్పందించిన యువకులను ప్రశంసించారు. అలాగే రోడ్లపై ఆవులు తిరగకుండా ప్రభుత్వం కఠిన చర్యలు తీసుకోవాలని కోరారు. నెట్టింట వైరల్‌ అవుతున్న ఈ వీడియోను ఇప్పటికే 20 లక్షల మంది వీక్షించారు. వీడియోపై తమదైనశైలిలో స్పందించారు.
😰😰😰
pic.twitter.com/SZCdo3f20O— Ghar Ke Kalesh (@gharkekalesh) May 17, 2024
Also Read: పైకి చూస్తే అదొక గుడిసె.. కానీ లోపలకెళ్లి చూడగా మతిపోవాల్సిందే.!
మరిన్ని ట్రెండింగ్ వార్తల కోసం..