డేటింగ్ సైట్లో కలిసిన జంట.. ప్రేమించి పెళ్లి చేసుకోవాలనుకున్నారు.. డీఎన్ఏ టెస్ట్తో మైండ్బ్లాక్!
కొన్ని ప్రేమకథలు సినిమాలను తలపిస్తాయి. అయితే బ్రిటన్కు చెందిన పాల్, లీ ప్రేమకథ మాత్రం నిజ జీవితంలో జరిగిన అత్యంత ఆశ్చర్యకరమైన సంఘటనగా నిలిచింది. ఒక డేటింగ్ వెబ్సైట్ ద్వారా పరిచయమైన ఈ ఇద్దరు యువకులు క్రమంగా ప్రేమలో పడ్డారు. వారి బంధం మూడు సంవత్సరాల పాటు కొనసాగింది. ఒకరినొకరు బాగా అర్థం చేసుకున్న తర్వాత వివాహం చేసుకోవాలని కూడా నిర్ణయించుకున్నారు.
కొన్ని ప్రేమకథలు సినిమాలను తలపిస్తాయి. అయితే బ్రిటన్కు చెందిన పాల్, లీ ప్రేమకథ మాత్రం నిజ జీవితంలో జరిగిన అత్యంత ఆశ్చర్యకరమైన సంఘటనగా నిలిచింది. ఒక డేటింగ్ వెబ్సైట్ ద్వారా పరిచయమైన ఈ ఇద్దరు యువకులు క్రమంగా ప్రేమలో పడ్డారు. వారి బంధం మూడు సంవత్సరాల పాటు కొనసాగింది. ఒకరినొకరు బాగా అర్థం చేసుకున్న తర్వాత వివాహం చేసుకోవాలని కూడా నిర్ణయించుకున్నారు.
అయితే వారి జీవితాన్ని పూర్తిగా మార్చేసే ఒక ఊహించని మలుపు ఎదురైంది. లీ తన కుటుంబ సభ్యులకు పాల్ను పరిచయం చేసిన సమయంలో కొందరు బంధువులు ఆశ్చర్యకరమైన విషయాన్ని గమనించారు. పాల్ ముఖం, లీ తల్లి మాజీ భర్త రాన్ను పోలి ఉండటమే కాకుండా, వారిద్దరి ఇంటి పేర్లు కూడా ఒకేలా ఉండటం అనుమానాలకు తావిచ్చింది.
నిజం ఏంటో తెలుసుకోవాలని భావించిన ఈ జంట 2012లో బ్రిటన్లో ప్రసిద్ధి చెందిన “ది జెరెమీ కైల్ షో”లో పాల్గొన్నారు. డీఎన్ఏ పరీక్ష ద్వారా తమ అనుమానాలు తొలగిపోతాయని, ఆ తర్వాత ఎలాంటి అడ్డంకులు లేకుండా పెళ్లి చేసుకోవచ్చని వారు ఆశించారు. కానీ ఫలితాలు వచ్చిన తర్వాత వారి జీవితమే తలకిందులైంది. లైవ్ షోలో డీఎన్ఏ పరీక్ష ఫలితాలను వెల్లడించిన హోస్ట్ జెరెమీ కైల్, పాల్, లీ నిజానికి అన్నదమ్ములని, ఇద్దరూ ఒకే తల్లికి జన్మించారని ప్రకటించారు. ఈ వార్త విన్న వెంటనే స్టూడియోలో ఉన్న వారంతా షాక్కు గురయ్యారు.
తర్వాత తెలిసిన వివరాల ప్రకారం, పాల్ చిన్నతనంలోనే తన కుటుంబానికి దూరమై, మూడేళ్ల వయసులో దత్తతకు వెళ్లాడు. అందువల్ల తన అసలు కుటుంబం గురించి అతనికి ఎలాంటి సమాచారం లేదు. అదే కారణంగా లీ తన సొంత సోదరుడని కూడా అతనికి తెలియలేదు. ఈ నిజం బయటపడిన తర్వాత ఇద్దరూ తమ ప్రేమ సంబంధాన్ని వెంటనే ముగించారు. అయితే ఒకరినొకరు పూర్తిగా కోల్పోకుండా, ప్రేమికులుగా కాకుండా సోదరులుగా, మంచి స్నేహితులుగా జీవితాన్ని కొనసాగించాలని నిర్ణయించుకున్నారు. ప్రపంచవ్యాప్తంగా ఈ ఘటన అత్యంత ఆశ్చర్యకరమైన యాదృచ్ఛిక సంఘటనలలో ఒకటిగా ఇప్పటికీ చర్చనీయాంశంగా నిలిచింది.
మరిన్ని హ్యుమన్ ఇంట్రెస్ట్ వార్తల కోసం ఇక్కడ క్లిక్ చేయండి…