Viral Video: ఇదేంది మాస్టారూ! ఎంతసేపు డబ్బుల మీదేనా.. కెమెరా ఉన్నది చూస్కోండి సారూ!

Bribe

అవినీతి.. అవినీతి.. అవినీతి. ఎక్కడ చూసినా అవినీతే. సర్టిఫికెట్‌ కావాలన్నా లంచమే.. లోను కావాలన్నా లంచమే.. ఇల్లు కట్టుకోవాలన్నా లంచమే. లంచాలకు మరిగిన అవినీతిపరులు.. అడ్డంగా దోచుకుంటున్నారు. కొందరు టేబుల్‌ కింది నుంచి తీసుకుంటే.. మరికొందరు బాహాటంగానే చేతులు చాపుతున్నారు.. అవినీతికి ఏ మాత్రం తీసిపోమని చాటుతున్నారు.

ఇదిగో ఇక్కడ చూశారా.. గ్రీన్‌ కలర్‌ షర్టులో ఉన్న వ్యక్తిని చూశారా. ఇతను ఓ పంచాయతీ రాజ్‌ శాఖలో పనిచేసే హౌజింగ్‌ అసిస్టెంట్‌ సవితాదేవి భర్త రాకేష్‌ కుమార్‌. భార్య సవితాదేవి ఆఫీసుకు వచ్చే వారి నుంచి లంచాలను డిమాండ్‌ చేయడం.. వాటిని ఇతను బయట వసూలు చేయడం. బీహార్‌లోని ఔరంగాబాద్‌లో.. ఓ వ్యక్తి తాను కూడా హౌజింగ్‌ స్కీం కింద ప్రయోజనం పొందాలనుకున్నాడు. ఆ అధికారి లంచం అడగడంతో.. ఎలాగైనా వారిని పట్టించాలనుకున్నాడు. ఓ చోటకు వస్తే డబ్బులిస్తా అనడంతో.. ఆ అధికారి తన భర్తను పంపించింది. అప్పటికే అక్కడ తన ఎవరికీ తెలియకుండా ఓ మిత్రుడిని ఉంచాడు. అధికారి భర్త రాగానే వీడియో తీయాలని చెప్పగా.. ఇదిగో ఇలా డబ్బులు లెక్కపెట్టి ఇస్తుండగా.. మొత్తం రికార్డు చేశాడు. ఆ అవినీతి అధికారి తీరు, ఆమె భర్త బాగోతాన్ని అందరికీ తెలిసేలా సోషల్‌ మీడియాలో షేర్‌ చేశాడు.. అంతే.. ఔరంగాబాద్‌లో ఇప్పుడీ అవినీతి దంపతులు హాట్‌టాపిక్‌గా మారారు.