Video: గోమాతను రక్షించిన ఆస్ట్రేలియన్ కుర్రాడు! చేతికి గాయమైనా..
మన దేశంలో పర్యటిస్తున్న ఓ ఆస్ట్రేలియన్ యువకుడు కాలువలో చిక్కుకున్న ఆవును సాహసోపేతంగా రక్షించాడు. ఇండియాలో ఆవును గోమాతగా కొలిచే మనం కొన్నిసార్లు పట్టించుకోని పరిస్థితుల్లో, ఆ విదేశీయుడు తన ప్రాణాలను పణంగా పెట్టి మూగజీవిని కాపాడాడు. అతని ఈ మానవత్వపు చర్య సోషల్ మీడియాలో వైరల్ అయ్యి, ఎంతో ప్రశంసలు పొందుతోంది.
మన దేశంలో ఆవును చాలా మంది గోమాతగా కొలుస్తారు. కానీ కొన్నిసార్లు అవి ప్రమాదంలో ఉన్నా పట్టించుకోకుండా వెళ్లిపోతారు. కానీ, మన దేశం కాదు, మన మతం కాదు.. కానీ గోమాతను ప్రమాదం నుంచి రక్షించాడు ఓ ఆస్ట్రేలియన్ కుర్రాడు. మన దేశంలో పర్యటిస్తున్న ఆస్ట్రేలియన్ టూరిస్ట్ ఎంత రిస్క్ తీసుకొని ఆవును రక్షించిన వీడియో ప్రస్తుతం సోషల్ మీడియాలో వైరల్గా మారింది. ఆ వీడియోను స్వయంగా ఆ టూరిస్ట్ ఇన్స్టాగ్రామ్లో పోస్ట్ చేశాడు.
ఇండియాలో పర్యటిస్తున్న క్రమంలో అతనికి దూరం నుంచి ఓ దృశ్యం కనిపించింది. ఓ చిన్న కాలువలో పాపం ఆవు పడి ఉంది. వెనుక భాగం కాలువలో ఇరుక్కుపోయింది. దాంతో ఆ ఆవు అందులోంచి రాలేక నరకయాతన పడుతోంది. ఇది చూసిన టూరిస్ట్ వెంటనే స్పందించి.. దాన్ని మరో వ్యక్తి సాయంతో దాన్ని రక్షించాడు. ఆవును బయటికి తీస్తున్న సమయంలో అతని వేలికి గాయమైంది. దాన్ని పట్టించుకోకుండా ఓ మూగ జీవాన్ని రక్షించాననే సంతోషంతో కనిపించాడు. అతను చేసిన పనికి సోషల్ మీడియాలో ప్రశంసల వర్షం కురుస్తోంది.
మరిన్ని ట్రెండింగ్ వార్తల కోసం ఇక్కడ క్లిక్ చేయండి