Viral News: తవ్వకాల్లో బయటపడ్డ 800 ఏళ్ల నాటి మమ్మీ.. ఒళ్లంతా తాళ్లతో చుట్టి.. చూస్తే మీరూ షాకే.!

ఎవ్వరికీ తెలియని ఎన్నో విషయాలు భూమిపై చాలానే ఉన్నాయి. వాటి కోసం పురావస్తు శాఖ అధికారులు ప్రపంచవ్యాప్తంగా...

Viral News: తవ్వకాల్లో బయటపడ్డ 800 ఏళ్ల నాటి మమ్మీ.. ఒళ్లంతా తాళ్లతో చుట్టి.. చూస్తే మీరూ షాకే.!
Skelton

ఎవ్వరికీ తెలియని ఎన్నో విషయాలు భూమిపై చాలానే ఉన్నాయి. వాటి కోసం పురావస్తు శాఖ అధికారులు ప్రపంచవ్యాప్తంగా అన్వేషణ కొనసాగిస్తున్నారు. ఇప్పటిదాకా చాలా వింతలూ-విశేషాలూ రహస్యంగానే మిగిలిపోయాయి. ఇదిలా ఉంటే.. తాజాగా దక్షిణ అమెరికాలోని పెరూ దేశంలో పురావస్తు శాఖ అధికారులు 800 ఏళ్ల నాటి మమ్మీని వెలికితీశారు. ఆ మమ్మీని భూగర్భంలో ఓ సమాధిలో పూడ్చిపెట్టారు. దాని నుంచి బయటికి తీసిన తర్వాత శాస్త్రవేత్తలు ఆ మమ్మీ పరిస్థితిని చూసి షాక్‌కు గురయ్యారు.

పురావస్తు శాస్త్రవేత్త పీటర్ వాన్ డాలెన్ లూనా మాట్లాడుతూ.. ఆ మమ్మీ అవశేషాలు.. దక్షిణ అమెరికాలో ఆండియన్ ప్రాంతంలోని పర్వతాల సమూహ సమీపంలో ఒకప్పుడు నివసించిన తెగకు చెందినవారిదిగా కనుగొన్నారు. ఈ మమ్మీని లిమా ప్రాంతంలో కనుగొన్నామని.. ఇది పురుషుడిదా లేదా స్త్రీదా అనేది తెలియాల్సి ఉందని అన్నారు.

ఆ మమ్మీ తాళ్లతో కట్టబడి ఉందని.. అలాగే ముఖానికి అడ్డంగా చేతులు పెట్టుకుందని అన్నారు. బహుశా అక్కడి అంత్యక్రియలు ఈ విధంగా జరిగి ఉండొచ్చునని డాలెన్ లూనా చెప్పారు. లిమా నగర శివార్లలో లభించిన భూగర్భ సమాధిలో ఈ మమ్మీ లభ్యమైందని ఆయన చెప్పారు. అదే సమయంలో సిరామిక్ వస్తువులు, కూరగాయల అవశేషాలు, రాతి పనిముట్లు కూడా మమ్మీతో పాటు సమాధిలో దొరికినట్లుగా ఆయన తెలిపారు. ప్రస్తుతం ఈ మమ్మీపై లోతుగా పరిశోధనలు చేస్తున్నామన్నారు. కాగా, ప్రపంచంలోనే ప్రసిద్ధ పర్యాటక ప్రాంతాల్లో పెరూ ఒకటి. పురాతన చారిత్రాత్మిక కట్టడమైన ‘మచు పిచ్చు’ ఇక్కడే ఉంది.

Click on your DTH Provider to Add TV9 Telugu