Pragya Singh Thakur: డ్యాన్స్ వేస్తూ హల్‌చల్ చేసిన ప్రగ్యా ఠాకూర్.. వాయింపు మొదలెట్టిన కాంగ్రెస్
కాంట్రవర్సీలకు కేరాఫ్‌ అడ్రస్‌గా నిలిచే బీజేపీ ఎంపీ ప్రగ్యా ఠాకూర్..వీడియోలు ఇటీవల వైరలవుతున్నాయి. కొంతకాలం క్రితం బాస్కెట్‌బాల్ ఆడుతున్న వీడియో వైరల్ అయ్యింది.
కాంట్రవర్సీలకు కేరాఫ్‌ అడ్రస్‌గా నిలిచే బీజేపీ ఎంపీ ప్రగ్యా ఠాకూర్..వీడియోలు ఇటీవల వైరలవుతున్నాయి. కొంతకాలం క్రితం బాస్కెట్‌బాల్ ఆడుతున్న వీడియో వైరల్ అయ్యింది. తాజాగా, ఓ పెళ్లికి హాజరైన ఎంపీ.. ఎంతో ఉత్సాహంగా డ్యాన్స్ చేస్తున్న మరో వీడియో బయటకు వచ్చింది. భోపాల్‌లో ఇద్దరు పేద యువతుల పెళ్లిళ్లకు హాజరైన ప్రగ్యా ఠాకూర్.. అప్పగింతల సమయంలో డీజే పెట్టించారు. అతిథులతో పాటు తాను సైతం స్టెప్పులేశారు. ఆరోగ్యపరమైన సమస్యల కారణంగా ఎప్పుడూ వీల్‌ఛైర్‌లోనే కన్పించే ఆమె..ఒక్కసారిగా బాస్కెట్‌బాల్ ఆడటం, డ్యాన్సులు చేస్తుండటం చూసి కొందరు షాక్‌కు గురవుతున్నారు. ఇక కాంగ్రెస్ ఐతే ఈ వీడియోలపై సెటైర్లు వేస్తోంది. మధ్యప్రదేశ్‌ కాంగ్రెస్ పార్టీ అధికార ప్రతినిధి నరేంద్ర సలూజా తనదైన శైలిలో వ్యంగ్యాస్త్రాలు సంధించారు. అనారోగ్య కారణాలతో కోర్టుకు హాజరుకాలేనని చెబుతున్న ఎంపీ.. ఇలా డ్యాన్స్‌లు చేయడం, బాస్కెట్‌బాల్ ఆడటం చాలా సంతోషంగా ఉందంటూ చురకలంటించారు. మాలేగావ్‌ పేలుళ్ల కేసులో నిందితురాలిగా ఉన్న ప్రగ్యా ఠాకూర్.. కోర్టు విచారణకు హాజరుకావడానికి అనారోగ్య కారణాలను సాకుగా చూపుతుంటారని ఆరోపిస్తున్నారు. ఏదేమైనా ఆమెను ఇలా చూస్తుంటే, అనారోగ్యం నుంచి పూర్తిగా కోలుకున్నట్లే అనిపిస్తోందంటూ ట్విట్టర్‌ వేదికగా విమర్శలు గుప్పించారు. మరోవైపు ప్రగ్యా ఠాకూర్ వచ్చి, ఆశీర్వదించడం తమకు ఎంతో సంతోషంగా ఉందంటూ హర్షం వ్యక్తం చేస్తున్నారు ఆ యువతులు. ఎంపీ సహాయం చేసుండకపోతే తమ కుమార్తెలకు పెళ్లిళ్లు జరిగేవి కావని.. ప్రగ్యా ఠాకూర్‌కు కృతజ్ఞతలు తెలిపారు.
ప్రగ్యా ఠాకూర్ డ్యాన్స్ చేసిన వీడియో దిగువన చూడండి..
हमारी भोपाल की सांसद बहन प्रज्ञा ठाकुर को जब भी बास्केट बॉल खेलते हुए , बग़ैर सहारे के चलते हुए या इस तरह ख़ुशी से झूमते हुए देखते है तो बड़ी ख़ुशी होती है…? pic.twitter.com/MR01Gumnun
— Narendra Saluja (@NarendraSaluja) July 7, 2021
Also Read: నిరుద్యోగులకు సీఎం కేసీఆర్ గుడ్ న్యూస్.. మొదటి దశలో 50,000 ఉద్యోగాల భర్తీ