Azadi Ka Amrit Mahotsav: మితిమీరిన దేశ భక్తి.. జాతీయ జెండాలపై ఎమ్మెల్యే ఫోటో.. నెటిజన్ల ఫైర్
ఎమ్మెల్యేని ప్రసన్నం చేసుకోవడానికి అభిమాని బొడ్డు రవి కుమార్ ప్రమాదకరస్దాయిలో ఫ్లెక్సీలు, బ్యానర్లు ఏర్పాటు చేశారు. ఈ క్రమంలోనే..
Azadi Ka Amrit Mahotsav: 75వ స్వాతంత్ర్య దినోత్సవ వేడుకలు దేశవ్యాప్తంగా అట్టహాసంగా జరిగాయి. తెలంగాణ రాష్ట్ర వ్యాప్తంగా స్వాతంత్ర్య దినోత్సవ వేడుకలు అత్యంత ఘనంగా నిర్వహించారు. కానీ, కొన్నిచోట్ల మితిమీరిన దేశభక్తితో కొందరు అభిమానులు చెయ్యకూడని పనులు చేస్తున్నారు. ఇటీవల జాతీయ జెండాలో గులాబీ రంగు మిక్స్ చేసి పోస్టర్లు వేసిన ఘటన తీవ్ర కలకలం రేపింది. అది మరువక ముందే తాజాగా అటువంటిదే మరో సంఘటన చోటు చేసుకుంది. జాతీయ జెండా పై ఎమ్మెల్యే ఫోటోను ముద్రించిన ఘటన మరింత చర్చనీయాంశంగా మారింది.
హైదరాబాద్ కుత్బుల్లాపూర్లో మాత్రం జెండా పండగ సందర్బంగా ఓ ఎమ్మెల్యే ఫోటో వివాదాస్పదమవుతోంది. కుత్భుల్లాపూర్ ఎమ్మెల్యే ఫోటోలు జాతీయ జెండాలపై కనిపించటం తీవ్ర చర్చనీయాంశంగా మారింది. కుత్బుల్లాపూర్లోని పలు ప్రాంతాల్లో జాతీయ జెండాపై ఎమ్మెల్యే వివేకానంద ఫోటోలో ఉండటం విమర్శలకు తావిస్తోంది. ఎమ్మెల్యేని ప్రసన్నం చేసుకోవడానికి అభిమాని బొడ్డు రవి కుమార్ ప్రమాదకరస్దాయిలో ఫ్లెక్సీలు, బ్యానర్లు ఏర్పాటు చేశారు. ఈ క్రమంలోనే జాతీయ జెండాలో ఎమ్మెల్యే, అభిమాని ఫోటోలు చూసి జనాలు ఆశ్చర్యానికి గురవుతున్నారు.
కుత్బుల్లాపూర్ ఎమ్మెల్యే వివేకానందను అభిమానించే బొడ్డు రవికుమార్ అనే వ్యక్తి జాతీయ జెండాలపై ఓవైపు ఎమ్మెల్యే ఫోటోను, మరోవైపు తన ఫోటోను ముద్రించుకుని ఫ్లెక్సీలను ఏర్పాటు చేశారు. ఇది ఫ్లాగ్ కోడ్ ఆఫ్ ఇండియా యాక్ట్ 2002 నియమావళి ఉల్లంఘనగా తెలుస్తుంది. దీంతో సదరు ఫ్లెక్సీలను ఏర్పాటు చేసిన నాయకులపై చర్యలు తీసుకునే అవకాశం ఉంది. ఈ కారణంగా ఫ్లెక్సీలను ఏర్పాటు చేసిన నాయకులతోపాటు, సదరు ఎమ్మెల్యే కూడా చిక్కుల్లో పడాల్సి వచ్చింది. ఎదుర్కొంటున్నారు.
మరిన్ని తెలంగాణ న్యూస్ కోసం ఇక్కడ క్లిక్ చేయండి