Telangana: ఉపాధి హామీ పనులు చేస్తుండగా బయటపడిన అద్భుతం.. రామ నామంతో మార్మోగిన ఆ ప్రాంతం..
మంచిర్యాల జిల్లాలో ఆసక్తికర ఘటన వెలుగు చూసింది. ఉపాధి హామీ పనులు చేస్తుండగా పురాతన రామలక్ష్మణ విగ్రహాలు బయటపడ్డాయి. ఈ ఘటన జిల్లాలోని జన్నారం మండలం తపాలపూర్ చెక్ పోస్ట్ సమీపంలో వెలుగు చూసింది. ఇందుకు సంబంధించిన వివరాలు ఇలా ఉన్నాయి. స్థానిక ప్రజలు ఉపాధి హామీ పనుల్లో భాగంగా తపాలపూర్ చెక్ పోస్ట్ సమీపంలో
మంచిర్యాల జిల్లాలో ఆసక్తికర ఘటన వెలుగు చూసింది. ఉపాధి హామీ పనులు చేస్తుండగా పురాతన రామలక్ష్మణ విగ్రహాలు బయటపడ్డాయి. ఈ ఘటన జిల్లాలోని జన్నారం మండలం తపాలపూర్ చెక్ పోస్ట్ సమీపంలో వెలుగు చూసింది. ఇందుకు సంబంధించిన వివరాలు ఇలా ఉన్నాయి. స్థానిక ప్రజలు ఉపాధి హామీ పనుల్లో భాగంగా తపాలపూర్ చెక్ పోస్ట్ సమీపంలో పనులు చేస్తున్నారు. కొందరు కూలీలు గడ్డపారతో తవ్వకాలు జరుపుతుండగా.. వింత ఆకారం కనిపించింది. ఏంటా అని మట్టిని తవ్వి చూడగా.. పురాతన రామలక్ష్మణ విగ్రహాలు కనిపించాయి. వెంటనే విషయాన్ని మిగతా వారికి చెప్పారు. అందరూ ఆ రామలక్ష్మణ విగ్రహాలను వెలికి తీశారు. అక్కడే నీటితో అభిషేకం చేశారు. పసుపు, కుంకుమ, పూలు పెట్టి పూజలు చేశారు. కొబ్బరికాయలు కొట్టారు. విషయాన్ని గ్రామాధికారులకు తెలియజేయగా.. వారు వచ్చి పరిశీలించారు.
కాగా, ఈ రామలక్ష్మణ విగ్రహాలు.. 1999లో తిమ్మాపూర్ రామాలయం నుంచి దొంగిలించిన విగ్రహాలుగా భావిస్తున్నారు స్థానిక ప్రజలు. విగ్రహాలు లభ్యమైన చోటే రామాలయం కట్టాలని స్థానికులు డిమాండ్ చేస్తున్నారు. అయితే, తవ్వకాల్లో లభ్యమైన ఈ విగ్రహాలను పరీశీలించాల్సి ఉంటుందని, ఇవి ఎప్పటివనేది నిర్ధారించాల్సి ఉంటుందని రెవెన్యూ అధికారులు చెబుతున్నారు. మరి ఎలాంటి నిర్ణయం తీసుకుంటారనేది వేచి చూడాలి.
బయటపడిన పురాతన విగ్రహాలు ఇవే..
Ramlaxman Idols
విగ్రహాలకు పూజలు చేస్తున్న భక్తులు..
మరిన్ని తెలంగాణ వార్తల కోసం ఈ లింక్ క్లిక్ చేయండి..