Black Magic: వరంగల్లో వీడిన సతీష్ మిస్సింగ్ మిస్టరీ.. ఊపిరి పీల్చుకున్న కుటుంబ సభ్యులు.. అసలేం జరిగిందంటే..
Black Magic: వరంగల్లో సతీష్ మిస్సింగ్ మిస్టరీ వీడింది. వరంగల్ బస్లాండ్ వద్ద సతీష్ గుర్తించిన పోలీసులు.. అతన్ని అదుపులోకి తీసుకున్నారు.
Black Magic: వరంగల్లో సతీష్ మిస్సింగ్ మిస్టరీ వీడింది. వరంగల్ బస్లాండ్ వద్ద సతీష్ గుర్తించిన పోలీసులు.. అతన్ని అదుపులోకి తీసుకున్నారు. వరంగల్ జిల్లాలోని చెన్నారావు పేట మండలం ఉప్పరపల్లి గ్రామంలో చేతబడి వ్యవహారం తీవ్ర కలకలం రేపింది. ఈ నేపథ్యంలోనే గురువారం తెల్లవారు జామున సతీష్ అదృశ్యమయ్యాడు. అయితే, సతీష్ అదృశ్యంతో కుటుంబ సభ్యులు తీవ్ర ఆందోళన వ్యక్తం చేశారు. చేతబడుల నేపంతో సతీష్ను ఏమైనా చేసి ఉంటారని ఆందోళన వ్యక్తం చేశారు. దీంతో రంగంలోకి దిగిన పోలీసులు సతీస్ ఆచూకీ కోసం తీవ్రంగా గాలించారు.
చివరికి వరంగల్ బస్టాండ్ సమీపంలో ఉన్నట్లు సమాచారం అందుకున్న పోలీసులు.. అక్కడికి చేరుకుని సతీష్ను అదుపులోకి తీసుకున్నారు. దాంతో రెండు రోజుల ఉత్కంఠకు తెరపడినట్లయింది. మరోవైపు సతీష్ క్షేమంగా ఉన్నాడని తెలియడంతో అతని కుటుంబ సభ్యులు, గ్రామస్తులు ఊపిరి పీల్చుకున్నారు. ఇదిలాఉంటే.. సతీష్ను అదుపులోకి తీసుకున్న పోలీసులు.. అతను అదృశ్యం అవడానికి గల కారణాలపై ఆరా తీస్తున్నారు. చేతబడుల పుకార్లు, ఇతర అంశాల నేపథ్యంలో అన్ని కోణాల్లోనూ సతీష్ను పోలీసులు విచారిస్తున్నారు.
Also read: