Kids Smart Watch: వారెవ్వా.. ఏం ఫీచర్.. స్మార్ట్ వాచ్‌లోనే కెమెరా.. 4 జీ ఇన్‌బుల్ట్ సిమ్.. పిల్లల కోసమే ఇదంతా…

Noise Scout

ప్రముఖ స్మార్ట్ వాచ్ తయారీ సంస్థ నాయిస్.. చిన్న పిల్లల కోసం సరికొత్త స్మార్ట్ వాచ్‌ను రూపొందించింది. నాయిస్ స్కౌట్‌తో పేరుతో లాంచ్ చేసిన ఈ వాచ్ కచ్చితంగా వినియోగదారులను ఆకట్టుకుంటుందని కంపెనీ వర్గాలు ధ్రువీకరిస్తున్నాయి. జియో-ఫెన్సింగ్, బిల్ట్-ఇన్ సిమ్ కనెక్టివిటీ, ఎస్ఓఎస్ వంటి ఫీచర్లతో పిల్లలు ఆరుబయట అన్వేషించడానికి వీలు కల్పించేలా దీన్ని రూపొందించారు. నాయిస్ స్కౌట్‌తో, తల్లిదండ్రులు తమ పిల్లల కార్యకలాపాలను సులభంగా ట్రాక్ చేయవచ్చు. ఇది ఈ నెల ప్రారంభంలో నాయిస్ హెచ్‌ఆర్‌ఎక్స్ బౌన్స్ స్మార్ట్‌ వాచ్‌ను కంపెనీ విడుదల చేసింది. రూ.5999కు అమెజాన్, నాయిస్ వెబ్‌సైట్స్‌లో ఈ వాచ్ అందుబాటులో ఉంటుంది. ట్వింకిల్ పర్పుల్, రేసింగ్ బ్లాక్ రంగుల్లో ఈ వాచ్ పిల్లలను ఆకట్టుకునేలా డిజైన్ చేశారు. 1.4 అంగుళాల టచ్ స్క్రీన్ కలర్ డిస్‌ప్లే, అభిజ్ఞా అభివృద్ధిని ప్రోత్సహించే అంతర్నిర్మిత గేమ్స్, జ్ఞాపకాలను క్యాప్చర్ చేయడానికి కెమెరాను కలిగి ఉంది. ఇది స్పిల్స్, స్ప్లాష్‌ల కోసం కూడా ఐపీ 68 సర్టిఫికేట్ పొందింది. పిల్లలు వారి రోజువారీ పనులను చేసేలా రిమైండర్‌తో వస్తుంది. పళ్లు తోముకోవడం, హోంవర్క్ పూర్తి చేయడం వంటి 8 ముందే నిర్వచించిన కార్యకలాపాల కోసం సకాలంలో రిమైండర్‌లను కూడా సెటప్ చేయవచ్చు. పిల్లల హృదయ స్పందన రేటు, నిద్ర విధానాలను పర్యవేక్షించడానికి వివిధ ఆరోగ్య రిమైండర్‌లను అందిస్తుంది. కాలిక్యులేటర్, స్టాప్‌వాచ్, టైమర్, క్యాలెండర్ వంటి ఉపయోగకరమైన యుటిలిటీలను కూడా కలిగి ఉంది.

నాయిస్ స్కౌట్ ఫీచర్లు ఇవే..

• 1.4 అంగుళాల హెచ్‌డీ టీఎఫ్‌టీ ఎల్‌సీడీ స్క్రీన్ 240×240 రిజల్యూషన్
• 150+ క్లౌడ్ ఆధారిత వాచ్ ఫేస్‌లు
• 2 ఎంపీ ఇన్‌బుల్ట్ కెమెరా
• 4జీ వీడియో & వాయిస్ కాలింగ్
• యాక్సిలెరోమీటర్, జీపీఎస్ సెన్సార్లు
• 680ఎంఏహెచ్ బ్యాటరీ, 28 రోజుల స్టాండ్‌బై ఫీచర్ 
• అంతర్నిర్మిత మైక్, స్పీకర్
• మల్టీస్పోర్ట్ ట్రాకర్, అలారం క్లాక్, యాక్టివిటీ ట్రాకర్, క్యాలరీ ట్రాకర్, హార్ట్ రేట్ మానిటర్, అంతర్నిర్మిత గేమ్‌లు, స్కూల్ మోడ్ ఇవకా మరెన్నో
• ఎస్ఓఎస్ రిమైండర్ అలర్ట్, స్మార్ట్ నోటిఫికేషన్‌లు 
• నాయిస్ బడ్డీ యాప్ సపోర్ట్
• ఐపీ 68 వాటర్ రెసిస్టెంట్ 

మరిన్ని టెక్నాలజీ వార్తల కోసం..