టైప్ సీ ఛార్జర్లో C అంటే ఏంటో తెలుసా..? 99శాతం మందికి తెలియని ఆసక్తికరమైన నిజం ఇదే..
ఈ రోజుల్లో చిన్నపిల్లల బొమ్మల దగ్గరి నుంచి స్మార్ట్ఫోన్లు, లాప్టాప్ల వరకు అన్నింటికీ టైప్ సి ఛార్జరే వాడుతున్నాం. రోజుకు కనీసం రెండు మూడు సార్లైనా మనం ఈ కేబుల్ను చేత్తో పట్టుకుంటాం. కానీ అసలు ఈ టైప్ సి ఛార్జర్లో ఉండే C కి అర్థం ఏంటో మీకు తెలుసా? చాలామంది దీనికి పెద్ద ఫుల్ ఫామ్ ఉంటుందని అనుకుంటారు. కానీ అసలు నిజం ఏంటో తెలుసుకుందాం..
గతంలో ఫోన్ ఛార్జర్ అంటే సన్న పిన్ ఛార్జర్లే ఎక్కువగా కనిపించేవి. ఆ తర్వాత రకరకాల రూపాంతరం చెంది ఇప్పుడు టైప్ సీకి వచ్చాయి. ఈ టెక్ యుగంలో స్మార్ట్ఫోన్, లాప్టాప్, టాబ్లెట్, చివరికి చిన్నపిల్లల బొమ్మల వరకు దేనికి ఛార్జింగ్ కావాలన్నా టైప్ సి ఛార్జర్లే. మనం ప్రతిరోజూ ఈ టైప్ సి కేబుల్స్ను వాడుతుంటాం. అయితే అసలు ఈ టైప్ సి చార్జర్లో ఉండే C కి అర్థం ఏంటో ఎప్పుడైనా ఆలోచించారా? చాలామంది దీనికి ఏదో ఒక పెద్ద ఫుల్ ఫామ్ టుందని అనుకుంటారు. కానీ దీని వెనుక ఉన్న అసలు నిజం వేరే. టైప్ సి లోని C అనే అక్షరానికి ఎలాంటి ఫుల్ ఫామ్ లేదు. నిజానికి ఇది ఛార్జింగ్ టెక్నాలజీలో వచ్చిన మూడవ తరం జనరేషన్. దీనికంటే ముందు మొదటి జనరేషన్ను టైప్ ఏ అని, రెండవ జనరేషన్ను టైప్ బి అని పిలిచేవారు. ఆ క్రమంలోనే మూడవ తరం టెక్నాలజీకి టైప్ సి అని పేరు పెట్టారు. అంతేకాకుండా ఈ ఛార్జర్ కనెక్టర్ పిన్ ఆకారం కూడా ఇంగ్లీష్ అక్షరం C ని పోలి ఉంటుంది.
పాత ఛార్జర్ల పెద్ద సమస్యకు పరిష్కారం
గతంలో వాడిన టైప్ ఏ, టైప్ బి ఛార్జర్లలో ఒక పెద్ద తలనొప్పి ఉండేది. వాటిని కరెక్ట్ వైపు చూసి మాత్రమే పోర్టులో పెట్టాల్సి వచ్చేది. పొరపాటున తిరగతిప్పి పెడితే ఫోన్ పోర్టు లేదా కేబుల్ పాడైపోయేది. ఈ సమస్యను పరిష్కరించడానికి ఇంజనీర్లు టైప్ సి ని డిజైన్ చేశారు. దీనిని ఎటువైపు తిప్పి పెట్టినా ఛార్జింగ్ అవుతుంది. ఆపిల్ కంపెనీ తీసుకొచ్చిన లైట్నింగ్ కేబుల్ స్ఫూర్తితో దీనిని మరింత మెరుగుపరిచారు.
కేవలం చార్జింగ్ మాత్రమే కాదు.. అంతకు మించి..
టైప్ సి కేబుల్ కేవలం ఫోన్ ఛార్జ్ చేయడానికి మాత్రమే పరిమితం కాదు. పాత టెక్నాలజీతో పోలిస్తే ఇది అత్యంత వేగంగా పవర్ను ట్రాన్స్ఫర్ చేస్తుంది. అలాగే దీని డేటా ట్రాన్స్ఫర్ స్పీడ్ చాలా ఎక్కువ. ఇది సెకనుకు 10 Gbps లేదా అంతకంటే ఎక్కువ వేగంతో ఫైల్స్ను బదిలీ చేస్తుంది. దీని సాయంతో స్మార్ట్ఫోన్లను నేరుగా టీవీలు, మానిటర్లకు కూడా కనెక్ట్ చేసుకోవచ్చు.
టైప్ డి వస్తుందా?
రాబోయే రోజుల్లో టైప్ సి ని మించి టైప్ డి వచ్చే అవకాశాలు ప్రస్తుతానికైతే చాలా తక్కువ. ఎందుకంటే.. యూరోపియన్ యూనియన్ ఇప్పటికే అన్ని రకాల ఎలక్ట్రానిక్ పరికరాలకు టైప్ సి చార్జర్ను ఒకే ఒక యూనివర్సల్ ఛార్జర్గా మారుస్తూ చట్టం తెచ్చింది. పైగా టైప్ సి ఆకారం అలాగే ఉంచుతూనే, లోపల దాని వేగాన్ని, ఫీచర్లను శాస్త్రవేత్తలు నిరంతరం అప్గ్రేడ్ చేస్తున్నారు. కాబట్టి రానున్న రోజుల్లో చాలా కాలం పాటు ఈ టైప్ సి టెక్నాలజీనే రాజ్యమేలతుంది.