SBI Digital Banking: డిజిటల్‌ బ్యాంకింగ్‌పై ఎస్‌బీఐ కస్టమర్లకు కీలక సూచనలు.. మోసాల నుంచి రక్షించుకోండిలా..!
SBI Digital Banking: ప్రస్తుతం కరోనా కారణంగా ఉద్యోగులు ఇంటి నుంచే పని చేయాల్సిన పరిస్థితి ఏర్పడింది. కరోనా కారణంగా బ్యాంకులు కూడా కస్టమర్ల మెరుగైన సేవలు..
SBI Digital Banking: ప్రస్తుతం కరోనా కారణంగా ఉద్యోగులు ఇంటి నుంచే పని చేయాల్సిన పరిస్థితి ఏర్పడింది. కరోనా కారణంగా బ్యాంకులు కూడా కస్టమర్ల మెరుగైన సేవలు అందిస్తున్నాయి. ఇంట్లో ఉండి కూడా ఆన్‌లైన్‌ ద్వారా బ్యాంకు సేవలు అందించే విధంగా చర్యలు చేపట్టాయి. డిజిటల్‌ బ్యాంకింగ్‌ సేవలు పెరిగాయి. ఈ కారణంగా కస్టమర్లు పలు మోసాలకు గురయ్యే ప్రమాదం ఉందని బ్యాంకులు హెచ్చరిస్తున్నాయి. దీంతో ప్రభుత్వం నుంచి బ్యాంకు వరకు ఇలాంటి మోసగాళ్లపై ఎప్పటికప్పుడు హెచ్చరికలు జారీ చేస్తూనే ఉన్నారు నిపుణులు. అయినప్పటికీ ఇప్పటికీ చాలా మంది వ్యక్తులు ఈ మోసగాళ్ల సర్కిల్‌లో నిరంతరం చిక్కుకుంటారు. వాస్తవానికి, మోసగాళ్ళు నిరంతరం కొత్త మార్గాలను అవలంబిస్తున్నారు, దీని ద్వారా ప్రజలు మోసపోతారు, అయినప్పటికీ ఈ కొన్ని సాధారణ విషయాలను జాగ్రత్తగా చూసుకోవడం ద్వారా వారి డబ్బును సురక్షితంగా ఉంచుకోవచ్చని ఎస్‌బీఐ (SBI) కస్టమర్లకు సూచిస్తుంది.
మొదటిసారి వెబ్‌సైట్‌ను శోధిస్తున్నప్పుడు..
అడ్రస్ బార్‌లో ఎల్లప్పుడూ మీ బ్యాంక్ ధృవీకరించబడిన URLని టైప్ చేసిన తర్వాతనే వెబ్‌సైట్‌కి వెళ్లండి. మొదటి సారి వెబ్‌సైట్‌ను శోధిస్తున్నప్పుడు, బ్యాంక్ పేరు, ఆర్థిక సంస్థ, కంపెనీ పేరు, లోగో మొదలైనవాటిని క్రాస్ చెక్ చేయండి. చిన్న సందేహం కూడా ఉంటే పేజీని మూసివేయండి. ఏదైనా సందేశం లేదా ఇమెయిల్ ద్వారా పంపిన లింక్‌లపై ఎట్టి పరిస్థితుల్ఓల క్లిక్ చేయవద్దు. అలాంటి లింక్‌లు మిమ్మల్ని నేరుగా మోసగాళ్ల ఉచ్చులోకి నెట్టివేస్తాయి.
మీ కంప్యూటర్ రక్షించుకోవడం..
మీ గాడ్జెట్, కంప్యూటర్‌లో యాంటీ వైరస్ ఉపయోగించండి. మీ మొబైల్ ఫోన్, కంప్యూటర్‌ను ఎప్పటికప్పుడు స్కాన్ చేస్తూ ఉండండి. మీ సిస్టమ్‌లో పొరపాటున వైరస్ ప్రవేశించకుండా జాగ్రత్త పడండి.
చేయకూడనివి..
తెలియని వ్యక్తుల నుండి వచ్చిన ఫైల్‌లను డౌన్‌లోడ్ చేయవద్దు . తెలియని యాప్‌లకు దూరంగా ఉండండి. స్కాన్ చేయకుండా కంప్యూటర్ లేదా మొబైల్‌లో ఏదైనా డౌన్‌లోడ్ చేయవద్దు.
పాస్వర్డ్ విషయంలో..
క్రమం తప్పకుండా మీ పాస్‌వర్డ్‌లను మార్చుకోండి. ఖచ్చితంగా ప్రత్యేకమైన పాస్‌వర్డ్‌లను రూపొందించండి. అదే సమయంలో బ్యాంక్ ఖాతాలలో మొబైల్ నంబర్‌ను అప్‌డేట్‌గా ఉంచుకోండి. తద్వారా వన్ టైమ్ పాస్వర్డ్ పొందడంలో ఇబ్బంది ఉండదు. అలాగే, ఎవరైనా మీ ఖాతా నుండి డబ్బును విత్‌డ్రా చేయడానికి ప్రయత్నిస్తున్నట్లయితే, మీరు వెంటనే దాని గురించి తెలుసుకుని అప్రమత్తంగా ఉండాలి. అలాగే ఎట్టి పరిస్థితుల్లోనూ మీ పాస్‌వర్డ్‌ను ఎవరికీ వెల్లడించవద్దు ఎస్‌బీఐ హెచ్చరిస్తోంది. ఏ బ్యాంక్ ఉద్యోగి మిమ్మల్ని పాస్వర్డ్ లేదా OTP సమాచారాన్ని అడగరని గుర్తించుకోవాలని సూచించింది.
ఇంటర్నెట్ వినియోగ మోడ్
మీ చివరి లాగిన్ తేదీ, సమయాన్ని ఎల్లప్పుడూ గుర్తుంచుకోండి. లాగిన్ చేస్తున్నప్పుడు, మునుపటి లాగిన్‌ను తనిఖీ చేయండి. మీకు తెలియకుండానే మీ ఖాతా తెరవబడిందో లేదో చూడండి. మీ బ్యాంక్ ఖాతాకు లాగిన్ చేయడానికి లేదా లావాదేవీల కోసం కంప్యూటర్ గానీ, ల్యాప్‌టాప్లు గానీ ఉచిత Wi-Fi సైబర్ కేఫ్, పబ్లిక్ Wi-Fiని ఉపయోగించడం మానుకోండి.
ఇవి కూడా చదవండి: