Whatsapp new feature: వాయిస్ మేసేజ్లను చదివేద్దామా..? వాట్సాప్లో అదిరిపోయే ఫీచర్
ప్రపంచ వ్యాప్తంగా ప్రజలు వినియోగించే మెసేజింగ్ యాప్ లలో వాట్సాప్ ముందు స్థానంలో ఉంటుంది. ఈ యాప్ లేని స్మార్ట్ ఫోన్ ఉందంటే నమ్మడం కష్టమే. అంతలా ప్రజలకు చేరువైందని అనడంలో ఎలాంటి సందేహం లేదు. మారుతున్న కాలానికి అనుగుణంగా వాట్సాప్ లో నిరంతరం అప్ డేట్లు చేస్తున్నారు. తద్వారా యూజర్లకు మెరుగైన సేవలు అందుతున్నాయి. ఈ నేపథ్యంలో కొత్తగా వాయిస్ మెసేజ్ టాన్స్కిప్ట్ ఫీచర్ ను ప్రారంభించారు. దాని వల్ల కలిగే ఉపయోగాలను తెలుసుకుందాం.
వాట్సాప్ ను యూజర్లు అనేక రకాలుగా ఉపయోగించుకోవచ్చు. ఫొటోలు, వీడియోలు, మెసేజ్ లతో పాటు వాయిస్ మెసేజ్ లను కూడా పంపించుకోవచ్చు. ఏదైనా విషయాన్ని టైప్ చేయడం కన్నా వాయిస్ రూపంలో పంపించడం చాలా సులువుగా ఉంటుంది. కానీ వాయిస్ బయటకు వినిపిస్తుంది కాబట్టి అది వినేవారు మాత్రం కొంచెం ఇబ్బంది పడతారు. ఇంట్లో ఉన్నప్పుడు పర్వాలేదు. కానీ సినిమా థియేటర్ లోనో, స్నేహితులతో ఉన్నప్పుడో, కార్యాలయంలో విధులు నిర్వర్తించే సమయంలోనూ, ట్రాఫిక్ లోనూ ఉంటే ఇబ్బందులు తప్పవు. ఈ సమస్యకు వాయిస్ మెసేజ్ టాన్స్కిప్ట్ ఫీచర్ పరిష్కారం చూపుతుంది. వాయిస్ ను టెస్ట్ రూపంలో మనకు కనిపించేలా చేస్తుంది.
2024 నవంబర్ లో ఈ ఫీచర్ ను వాట్సాప్ యాజమాన్యం ప్రకటించింది. ఇప్పడు ఆండ్రాయిడ్ వినియోదారులందరికీ అందుబాటులోకి వచ్చింది. త్వరలో ఐఓఎస్ వినియోగదారులూ వాడుకునే అవకాశం ఉంది. వాయిస్ మెసేజ్, దాని టెక్ట్స్ ట్రాన్క్రిప్ట్ రెండూ వాట్సాప్ నుంచి చాలా సురక్షితంగా నిర్వహించుకోవచ్చు. దీని ద్వారా ఇంగ్లిష్, స్పానిష్, పోర్చుగల్, రష్యన్ తో పాటు పలు భాషల్లో వాయిస్ సందేశాలను చదవటానికి అవకాశం ఉంది. అయితే హిందీకి అధికారిక మద్దతు లేదు. వాట్సాప్ ఫీచర్ ను మెరుగుపర్చడం, పెద్ద యూజర్ బేస్ ను తీర్చిదిద్దే ప్రయత్నంలో అనేక భాషలకు దీన్ని విస్తరించే అవకాశం ఉంది. కాబట్టి భవిష్యత్తులో హిందీలో కూడా అందుబాటులోకి వస్తుంది.
టాన్క్రిప్షన్ ఫీచర్ ను యాక్టివేట్ చేసుకునేందుకు వినియోగదారులు వాట్సాప్ సెట్టింగ్ ల మెనూ నావిగేట్ చేయాలి. చాట్స్ అనే దాన్ని ఎంపిక చేసుకుని. దానిలో వాయిస్ మెసేజ్ టాన్క్రిప్ట్ విభాగానికి వెళ్లాలి. దీంతో వారికి కొత్త ఫీచర్ అందుబాటులోకి వస్తుంది. అనంతరం అక్కడ చూపిన వాటిలో నచ్చిన భాషను ఎంపిక చేసుకోవాలి. అనంతరం యూజర్ తనకు వచ్చిన మెసేజ్ ను నొక్కి పట్టుకుని, మరిన్ని ఎంపికలను ఎంచుకుని, ఆపై ట్రాన్స్ క్రైబ్ ఎంపిక చేసుకోవడం ద్వారా వాయిస్ మెసేజ్ లను నచ్చిన భాషలో చదువుకోవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి