Galaxy M35: సామ్సంగ్ నుంచి మరో బడ్జెట్ ఫోన్.. ఫీచర్లు ఎలా ఉండనున్నాయంటే
సామ్సంగ్ గ్యాలక్సీ ఎమ్35 స్మార్ట్ ఫోన్కు సంబంధించి కంపెనీ ఇప్పటి వరకు ఎలాంటి అధికారిక ప్రకటన చేయకపోయినప్పటికీ ఆన్లైన్లో కొన్ని ఫీచర్లు లీక్ అవుతున్నాయి. వీటి ప్రకారం.. ఈ స్మార్ట్ ఫోన్లో బ్లూటూత్ 5.3 కనెక్టివిటీ సపోర్ట్తో అందుబాటులోకి రానున్నట్లు తెలుస్తోంది. ఇక ఇందులో 25 వాట్స్ సపోర్ట్ చేసే బ్యాటరీని ఇవ్వనున్నారని సమాచారం. ఇక ధర విషయానికొస్తే..
సౌత్ కొరియాకు చెందిన ప్రముఖ ఎలక్ట్రానిక్ దిగ్గజం సామ్సంగ్ ఇటీవల వరుసగా స్మార్ట్ ఫోన్లను విడుదల చేస్తుంది. ఓవైపు ప్రీమియం మార్కెట్తో పాటు బడ్జెట్ మార్కెట్ను కూడా టార్గెట్ చేసుకొని ఫోన్లను విడుదల చేస్తుంది. ఈ క్రమంలోనే తాజాగా ఓ మిడ్ రేంజ్ బడ్జెట్ ఫోన్ను తీసుకొస్తోంది సామ్సంగ్. గ్యాలక్సీ ఎమ్ 35 పేరుతో ఈ ఫోన్ను లాంచ్ చేయనున్నారు. త్వరలోనే భారత మార్కెట్లోకి వస్తున్న ఈ స్మార్ట్ ఫోన్ ఫీచర్లు.? ధర వివరాలకు సంబంధించిన పూర్తి వివరాలు ఇప్పుడు తెలుసుకుందాం..
సామ్సంగ్ గ్యాలక్సీ ఎమ్35 స్మార్ట్ ఫోన్కు సంబంధించి కంపెనీ ఇప్పటి వరకు ఎలాంటి అధికారిక ప్రకటన చేయకపోయినప్పటికీ ఆన్లైన్లో కొన్ని ఫీచర్లు లీక్ అవుతున్నాయి. వీటి ప్రకారం.. ఈ స్మార్ట్ ఫోన్లో బ్లూటూత్ 5.3 కనెక్టివిటీ సపోర్ట్తో అందుబాటులోకి రానున్నట్లు తెలుస్తోంది. ఇక ఇందులో 25 వాట్స్ సపోర్ట్ చేసే బ్యాటరీని ఇవ్వనున్నారని సమాచారం. ఇక ధర విషయం గురించి ఎలాంటి అధికారిక ప్రకటన రాలేకపోయినప్పటికీ మిడ్ రేంజ్లో (సుమారు రూ. 20,00) ఉండొచ్చని అంచనా వేస్తున్నారు.
ఇక నెట్టింట వైరల్ అవుతోన్న సమాచారం ఆధారంగా ఈ స్మార్ట్ ఫోన్లో 6.6 ఇంచెస్తో కూడిన హెచ్డీ+ ఇన్ఫినిటీ-వీ డిస్ప్లేను అందించనున్నారని తెలుస్తోంది. అలాగే ఈ ఫోన్లో శక్తివంతమైన ఆక్టా-కోర్ ప్రాసెసర్ను ఇవ్వనున్నారు. ఇక కెమెరా విషయానికొస్తే ఈ స్మార్ట్ ఫోన్లో ట్రిపుల్ రెయిర్ కెమెరా సెటప్ను అందించనున్నారు. వీటిలో 13 మెగాపిక్సెల్స్తో కూడిన ప్రైమర్ కెమెరా, 5MP అల్ట్రా-వైడ్ కెమెరా, 2MP డెప్త్ సెన్సార్ కెమెరాను ఇవ్వనున్నారు. ఇక సెల్ఫీలు, వీడియో కాల్స్ కోసం 5 మెగపిక్సెల్స్తో కూడిన ఫ్రంట్ కెమెరాను అందించనున్నారు.
ఈ స్మార్ట్ ఫోన్లో 15 వాట్స్ ఫాస్ట్ ఛార్జింగ్కు సపోర్ట్ చేసే 5000 ఎమ్ఏహెచ్ బ్యాటరీని అందించనున్నారు. 128GB స్టోరేజ్ను అందించనున్నారు. కనెక్టివిటీ విషయానికొస్తే ఇందులో బ్లూటూత్ 5.0, యూఎస్బీ టైప్-C కనెక్టివిటీ, ఫింగర్ప్రింట్ సెన్సార్ వంటి ఫీచర్లను అందించారు. ఆండ్రాయిడ్ 10 ఆపరేటింగ్ సిస్టమ్తో పనిచేస్తుంది.
మరిన్ని టెక్నాలజీ వార్తల కోసం క్లిక్ చేయండి..