Realme 16T 5G: భారీ బ్యాటరీతో వస్తున్న రియల్మీ ఫోన్! ఒక్కసారి ఛార్జ్ చేస్తే..
రియల్మీ 16T 5G మే 22న భారతదేశంలో విడుదల కానుంది. ఇందులో భారీ 8000mAh బ్యాటరీ, Dimensity 6300 చిప్సెట్, 45W ఫాస్ట్ ఛార్జింగ్, ఆకర్షణీయమైన డిజైన్ ఉన్నాయి. ఫ్లిప్కార్ట్, రియల్మీ స్టోర్లో లభ్యం. గేమింగ్, మల్టీటాస్కింగ్ కోసం రూపొందించబడిన ఈ స్మార్ట్ఫోన్, మిడ్రేంజ్ విభాగంలో బలమైన పోటీని ఇస్తుందని భావిస్తున్నారు.
ప్రముఖ స్మార్ట్ఫోన్ బ్రాండ్ రియల్మీ ఇండియా తన కొత్త రియల్మీ 16T 5G స్మార్ట్ఫోన్ను మే 22 మధ్యాహ్నం 12 గంటలకు భారత మార్కెట్లో విడుదల చేయనున్నట్లు ప్రకటించింది. ఇప్పటికే ఉన్న రియల్మీ 16, 16 Pro, 16 Pro+ మోడళ్లతో పాటు, ఈ ఫోన్ రియల్మీ 16 సిరీస్లో నాలుగో మోడల్గా రానుంది. ఈ పరికరం ఫ్లిప్కార్ట్, రియల్మీ అధికారిక ఆన్లైన్ స్టోర్లో అందుబాటులో ఉండనుంది. రియల్మీ 16T 5Gలో ప్రధాన ఆకర్షణ భారీ 8,000mAh టైటాన్ బ్యాటరీ. కంపెనీ ప్రకారం ఈ బ్యాటరీతో మూడు రోజుల వరకు సాధారణ వినియోగం సాధ్యమవుతుంది.
అలాగే 14.3 గంటల గేమింగ్, 34 గంటల సోషల్ మీడియా వినియోగం, 21.9 గంటల నావిగేషన్కు సపోర్ట్ ఇస్తుందని పేర్కొంది. 45W ఫాస్ట్ ఛార్జింగ్, బైపాస్ ఛార్జింగ్, వైర్డ్ రివర్స్ ఛార్జింగ్ వంటి ఫీచర్లు కూడా ఇందులో ఉన్నాయి. డిజైన్ పరంగా ఈ ఫోన్ ఫ్లాట్ బ్యాక్ ప్యానెల్, చతురస్రాకార కెమెరా మాడ్యూల్తో ఆకట్టుకుంటోంది. వెనుక భాగంలో డ్యూయల్ కెమెరాలు, LED ఫ్లాష్తో పాటు చిన్న సెల్ఫీ మిర్రర్ కూడా ఇవ్వబడింది. ఈ ఫోన్ స్టార్లైట్ బ్లాక్, స్టార్లైట్ రెడ్, బ్లూ రంగుల్లో అందుబాటులోకి రానుంది. కేవలం 8.8mm మందంతో ఇది స్లిమ్ డిజైన్ను కలిగి ఉంది.
ఇందులో మీడియాటెక్ Dimensity 6300 చిప్సెట్ను ఇందులో ఉపయోగించారు. గీక్బెంచ్ సమాచారం ప్రకారం, ఈ ఫోన్లో కనీసం 8GB RAM, Mali-G57 MC2 GPU ఉండనున్నాయి. Android 16 ఆధారంగా పనిచేసే ఈ పరికరం గేమింగ్, మల్టీటాస్కింగ్కు అనుకూలంగా ఉండనుంది. అయితే కెమెరా స్పెసిఫికేషన్లు, డిస్ప్లే వివరాలు, స్టోరేజ్ వేరియంట్లు, ధర వంటి అంశాలను కంపెనీ ఇంకా అధికారికంగా వెల్లడించలేదు. భారీ బ్యాటరీ, 5G కనెక్టివిటీ, స్టైలిష్ డిజైన్తో మిడ్రేంజ్ మార్కెట్లో ఈ ఫోన్ గట్టి పోటీ ఇవ్వనున్నట్లు టెక్ వర్గాలు భావిస్తున్నాయి.
మరిన్ని టెక్ వార్తల కోసం ఇక్కడ క్లిక్ చేయండి