కొత్త ఇయర్బడ్స్ రిలీజ్పై లీక్ ఇచ్చిన Nothing.. Ear (3) Pro ధర మాత్రం అదిరిపోతోందిగా
ప్రముఖ టెక్ సంస్థ Nothing మరో కొత్త ఆడియో డివైజ్‌తో మార్కెట్‌లోకి వచ్చేందుకు సిద్ధమవుతున్నట్లు తెలుస్తోంది. కంపెనీ సోషల్ మీడియాలో పోస్ట్ చేసిన పోకెమాన్ పాత్ర Kingdra టీజర్ ఇప్పుడు టెక్ వర్గాల్లో ఆసక్తిని పెంచుతోంది. ఈ టీజర్ రాబోయే Nothing Ear (3) Pro ఇయర్‌బడ్స్‌కు సంకేతమని ప్రచారం జరుగుతోంది. అయితే కంపెనీ ఇంకా అధికారికంగా ఈ వివరాలను ధ్రువీకరించలేదు.
Nothing తన ప్రత్యేకమైన పారదర్శక డిజైన్‌తో ఇప్పటికే గుర్తింపు తెచ్చుకుంది. ఇప్పుడు ప్రో మోడల్‌ను తీసుకొస్తుందనే వార్తలతో ఆడియో ప్రియుల్లో అంచనాలు పెరుగుతున్నాయి. ఈ ఇయర్‌బడ్స్‌లో మెరుగైన నాయిస్ క్యాన్సలేషన్, అధునాతన ఆడియో ఫీచర్లు, ఎక్కువ బ్యాటరీ బ్యాకప్ ఉండవచ్చని సమాచారం. ధర రూ.12,000 నుంచి రూ.15,000 మధ్య ఉండవచ్చని మార్కెట్ వర్గాలు అంచనా వేస్తున్నాయి.
Kingdra కోడ్నేమ్
Nothing తన కొత్త ఉత్పత్తుల అభివృద్ధి సమయంలో పోకెమాన్ పాత్రల పేర్లను కోడ్‌నేమ్స్‌గా ఉపయోగిస్తుంటుందని టెక్ వర్గాల్లో ప్రచారం ఉంది. ఇటీవల కంపెనీ వెబ్‌సైట్‌లో Nothing Ear (3) Pro పేరుతో పాటు Kingdra కోడ్నేమ్ ఉన్న సపోర్ట్ పేజీ కనిపించినట్లు నివేదికలు వెల్లడించాయి. ఆ తర్వాత ఆ పేజీ తొలగించినప్పటికీ, దాని స్క్రీన్‌షాట్లు ఆన్‌లైన్‌లో చక్కర్లు కొట్టాయి. తాజాగా Kingdra టీజర్ రావడంతో ఈ కొత్త ఇయర్‌బడ్స్‌పై ఊహాగానాలు మరింత పెరిగాయి.
ANC, బ్యాటరీ..
Nothing Ear (3) Proలో కంపెనీకి ప్రత్యేక గుర్తింపు తెచ్చిన పారదర్శక డిజైన్‌ను కొనసాగించే అవకాశం ఉంది. అలాగే బయటి శబ్దాలను తగ్గించే అడాప్టివ్ యాక్టివ్ నాయిస్ క్యాన్సలేషన్ (ANC), మెరుగైన ఆడియో నాణ్యత ఉండవచ్చని అంచనా. అయితే వీటి వివరాలను కంపెనీ ఇంకా వెల్లడించలేదు.
బ్యాటరీ విషయంలోనూ ఎక్కువ ప్లేబ్యాక్ సమయం, ఫాస్ట్ ఛార్జింగ్, వైర్‌లెస్ ఛార్జింగ్ సదుపాయాలు ఉండవచ్చని ప్రచారం జరుగుతోంది. ఇవి అధికారికంగా ధ్రువీకరించాల్సి ఉంది. ధర రూ.12,000–రూ.15,000 మధ్య ఉండవచ్చనే అంచనాలు ఉన్నాయి. లాంచ్ తేదీ, పూర్తి స్పెసిఫికేషన్లపై Nothing నుంచి ప్రకటన రావాల్సి ఉంది. అప్పటివరకు ఈ వివరాలను అంచనాలుగానే చూడాలి.