BSNL: జియోతో బీఎస్ఎన్ఎల్ పోటీ పడనుందా? ఇప్పటి వరకు ఎన్ని టవర్లో తెలుసా?
ఇటీవల ఇతర టెలికాం కంపెనీలు తమ టారిఫ్లను పెంచిన తర్వాత బీఎస్ఎన్ఎల్ సబ్స్క్రైబర్ బేస్ పెరిగింది. ఈలోగా బీఎస్ఎన్ఎల్ తీసుకున్న చొరవ దాని ప్రజాదరణను పెంచుతుందని భావిస్తున్నారు. ముఖేష్ అంబానీకి చెందిన రిలయన్స్ కూడా పోటీని ఎదుర్కొనే అవకాశం ఉందని నిపుణులు అంటున్నారు..
ఇటీవల ఇతర టెలికాం కంపెనీలు తమ టారిఫ్లను పెంచిన తర్వాత బీఎస్ఎన్ఎల్ సబ్స్క్రైబర్ బేస్ పెరిగింది. ఈలోగా బీఎస్ఎన్ఎల్ తీసుకున్న చొరవ దాని ప్రజాదరణను పెంచుతుందని భావిస్తున్నారు. ముఖేష్ అంబానీకి చెందిన రిలయన్స్ కూడా పోటీని ఎదుర్కొనే అవకాశం ఉందని నిపుణులు అంటున్నారు.
బీఎస్ఎన్ఎల్ 14,500 అడుగుల ఎత్తులో 4G నెట్వర్క్ను అందించిన సంగతి తెలిసిందే. లడఖ్లోని మారుమూల ప్రాంతాలకు నెట్వర్క్ చేరుతోంది. ఇటువంటి ప్రాంతాల మధ్య 'కనెక్టివిటీ'ని పెంచుతోంది.
దేశవ్యాప్తంగా ఇప్పటివరకు 35,000కు పైగా 4జీ టవర్లను ఏర్పాటు చేసినట్లు కేంద్ర ప్రసార శాఖ మంత్రి జ్యోతిరాదిత్య సింధియా తెలిపారు.
జూన్ 2025 నాటికి లక్ష టవర్లను ఏర్పాటు చేయాలన్నది లక్ష్యం. ఇందుకు ప్రభుత్వం కూడా సహకరిస్తోంది. ఈ సంస్థకు ప్రభుత్వం 6000 కోట్ల ఆర్థిక సహాయం అందించింది. ఈ నెట్వర్క్ అరుణాచల్ ప్రదేశ్లోని మలాపు నుండి లడఖ్లోని ఫోబ్రాంగ్ వరకు విస్తరించి ఉంది.
ట్రాయ్ డేటా ప్రకారం, జూలై 2024లో బీఎస్ఎన్ఎల్కి 29.4 లక్షల మంది కొత్త సబ్స్క్రైబర్లు వచ్చి చేరారు. ఈ రోజుల్లో ఇతర కంపెనీల కస్టమర్ల సంఖ్య తగ్గింది. జూలై నెల నుండి బీఎస్ఎన్ఎల్ చందాదారుల సంఖ్య క్రమంగా పెరగడం ప్రారంభమైంది. జూలై మొదటి 15 రోజుల్లో 15 లక్షల మందికి పైగా బీఎస్ఎన్ఎల్ కనెక్షన్ తీసుకున్నారని అధికారులు చెబుతున్నారు. అప్పటి నుండి సంస్థ అభివృద్ధి చెందడం ప్రారంభించింది.