మీ AC కూలింగ్ తగ్గిందా? అయితే అర్జెంట్గా ఇవి చెక్ చేయించండి!
వేసవి రాకముందే AC సర్వీసింగ్ చేయించడం అత్యవసరం. ఇది మీ AC పనితీరును మెరుగుపరుస్తుంది, మెరుగైన కూలింగ్ అందిస్తుంది. అంతేకాకుండా, విద్యుత్ ఖర్చులను గణనీయంగా తగ్గిస్తుంది, యంత్రం ఎక్కువ కాలం మన్నికగా పనిచేయడానికి తోడ్పడుతుంది. సమస్యలను ముందుగానే పరిష్కరించడం వల్ల వేసవిలో ఇబ్బందులు పడకుండా, ఆనందంగా గడపవచ్చు.
వేసవి కాలం ప్రారంభమయ్యే సరికి ఇళ్లలో, కార్యాలయాల్లో ఎయిర్ కండిషనర్లు వినియోగం వేగంగా పెరుగుతుంది. అయితే చాలా మంది ఏసీ లో సమస్య వచ్చిన తర్వాత మాత్రమే సర్వీసింగ్ చేయిస్తారు. కానీ ముందుగానే రొటీన్ సర్వీసింగ్ చేయించడం వల్ల కూలింగ్ మెరుగ్గా ఉండటంతో పాటు విద్యుత్ ఖర్చు కూడా తగ్గుతుంది. నియమితంగా సర్వీసింగ్ చేయిస్తే ఏసీ పనితీరు మెరుగ్గా ఉంటుంది. ఇది గదిని వేగంగా చల్లబరుస్తుంది, పవర్ వినియోగం తగ్గిస్తుంది, యంత్రం ఎక్కువ కాలం పనిచేయడానికి సహాయపడుతుంది. వేసవి పూర్తిగా మొదలయ్యే ముందు సర్వీసింగ్ చేయించడం ఉత్తమం.
ఎయిర్ ఫిల్టర్ గాలి ప్రసరణను నియంత్రిస్తుంది. దుమ్ము, అలెర్జీ కారకాలను అడ్డుకుంటుంది. కాలక్రమేణా ఫిల్టర్లో ధూళి పేరుకుపోతే కూలింగ్ తగ్గుతుంది. అందుకే సర్వీసింగ్ సమయంలో టెక్నీషియన్లు ఫిల్టర్ను శుభ్రం చేసి అవసరమైతే మార్చుతారు. రిఫ్రిజిరెంట్ లేదా ఏసీ గ్యాస్ గాలిని చల్లబరచే ప్రధాన భాగం. ఇది తగ్గిపోతే ఏసీ సరైన కూలింగ్ ఇవ్వదు. టెక్నీషియన్ ప్రత్యేక గేజ్ ద్వారా ప్రెషర్ను పరీక్షించి లీకేజీ ఉంటే దాన్ని సరిచేసి గ్యాస్ను రీఫిల్ చేస్తారు.
కండెన్సర్ కాయిల్, ఎవాపొరేటర్ కాయిల్ వేడిని బయటకు పంపించే కీలక భాగాలు. వీటిపై దుమ్ము పేరుకుపోతే శీతలీకరణ నెమ్మదిస్తుంది. కాబట్టి ఈ కాయిల్స్ను శుభ్రం చేయడం చాలా ముఖ్యం. ఏసీ గాలిలోని తేమను తీసి నీటిగా మార్చుతుంది. ఈ నీరు డ్రెయిన్ పైప్ ద్వారా బయటకు వెళ్లాలి. పైప్లో మురికి లేదా ఆల్గే పేరుకుంటే నీరు లీక్ అయ్యే ప్రమాదం ఉంటుంది. సర్వీసింగ్ సమయంలో ఈ పైప్ను శుభ్రం చేస్తారు. సర్వీసింగ్ సమయంలో ఎలక్ట్రికల్ కనెక్షన్స్, కెపాసిటర్స్, థర్మోస్టాట్ ను కూడా పరీక్షిస్తారు. ఇవి సరిగా పనిచేస్తే ఏసీ స్థిరమైన ఉష్ణోగ్రతను ఉంచుతుంది.
అవుట్డోర్ యూనిట్ బయట ఉండటం వల్ల దుమ్ము, ఆకులు పేరుకుపోతాయి. ఇవి గాలి ప్రవాహాన్ని అడ్డుకుంటాయి. కాబట్టి యూనిట్ చుట్టూ ఉన్న ప్రాంతాన్ని శుభ్రంగా ఉంచడం అవసరం. వేసవి పూర్తిగా ప్రారంభమైన తర్వాత ఏసీ చెడిపోతే వెంటనే మరమ్మత్తు చేయించడం కష్టమవుతుంది. అందుకే వేసవి రాకముందే AC సర్వీసింగ్ చేయించుకోవడం మంచిది. ఇది మంచి కూలింగ్, తక్కువ విద్యుత్ బిల్లు, యంత్రానికి ఎక్కువ ఆయుష్షు ఇస్తుంది.
మరిన్ని టెక్ వార్తల కోసం ఇక్కడ క్లిక్ చేయండి