Breaking News
  • అమరావతి: చంద్రబాబును నమ్మి భూములిచ్చి దళిత రైతులు మోసపోయారు. మా ప్రభుత్వ నిర్ణయంతో దళిత రైతులకు న్యాయంజరిగింది-ఎమ్మెల్యే ఆర్కే. దళిత రైతుల భూములను చంద్రబాబు తనవారికి కారుచౌకగా ఇప్పించారు. రాజధాని ప్రాంతంలో బినామీలుగా ఉన్న మంత్రులు, ఎమ్మెల్యేల చిట్టాను త్వరలో బయటపెడతాం-ఎమ్మెల్యే ఆర్కే.
  • ప్రకాశం జిల్లా: సింగరాయకొండ మండలం పాకల దగ్గర సముద్రంలో నలుగురు యువకుల గల్లంతు. ముగ్గురిని కాపాడిన మెరైన్‌ పోలీసులు. మరో యువకుడి కోసం కొనసాగుతున్న గాలింపు.
  • యానాంలో ప్రేమజంట అనుమానాస్పద మృతి. మృతులు కాట్రేనిపాడుకు చెందిన రమేష్‌. మలికిపురం మండలానికి చెందిన యువతిగా గుర్తింపు. పెద్దలు పెళ్లికి అంగీకరించలేదని ఈ నెల 9న ఇంటి నుంచి వెళ్లిపోయిన ప్రేమజంట. కేసు నమోదు చేసి దర్యాప్తు చేస్తున్న పోలీసులు.
  • శంషాబాద్‌ ఎయిర్‌పోర్ట్‌లో భారీగా బంగారం పట్టివేత. దుబాయ్‌ నుంచి వచ్చిన ప్రయాణికుడి నుంచి 14 కిలోల బంగారం స్వాధీనం. అదుపులోకి తీసుకుని విచారిస్తున్న కస్టమ్స్ అధికారులు. పట్టుబడ్డ బంగారం విలువ రూ.5.46 కోట్లు ఉంటుందని అంచనా.
  • అమరావతి: అసెంబ్లీకి వెళ్లకుండా మమ్మల్ని అడ్డుకున్నారు-చంద్రబాబు. అమాయకులపై ఎస్సీ, ఎస్టీ యాక్ట్‌ పెట్టి దాడులు చేస్తున్నారు. టీడీపీ హయాంలో ఇంగ్లీష్‌ మీడియాన్ని వైసీపీ నేతలు వ్యతిరేకించారు ఇప్పుడు ఇంగ్లీష్ మీడియం తెచ్చి రెండు నాలుకలధోరణి అవలంబిస్తున్నారు కొత్త చీఫ్‌ మార్షల్‌ దుర్మార్గంగా ప్రవర్తిస్తున్నారు-చంద్రబాబు.
  • గుంటూరు: ఎన్నికల్లో ఇచ్చిన హామీలను వైసీపీ నెరవేర్చలేదు. ఆర్టీసీ చార్జీలు పెంచి సామాన్యుడి నడ్డి విరిచారు-యరపతినేని. ఉల్లి ధరలు ఆకాశాన్ని అంటాయి-మాజీ ఎమ్మెల్యే యరపతినేని. నియోజకవర్గ పరిధిలో ఇసుక మాఫియా రెచ్చిపోతోంది. వైసీపీ కార్యకర్తలే ఇసుకను బ్లాక్‌ మార్కెట్‌లో అమ్ముతున్నారు-మాజీ ఎమ్మెల్యే యరపతినేని.

పశ్చిమ బెంగాల్‌లో జలప్రవాహం.. ప్రాణాలతో బయటపడ్డ విద్యార్థులు

Students Rescued From Heavy Rush Of Water Falls In West Bengal, పశ్చిమ బెంగాల్‌లో జలప్రవాహం.. ప్రాణాలతో బయటపడ్డ విద్యార్థులు

పశ్చిమబెంగాల్ పురోలియా పరిధిలోని జమ్ని వాటర్ ఫాల్స్‌ వద్ద వరదలో చిక్కుకున్న ముగ్గురు విద్యార్థులను పోలీసులు సురక్షితంగా రక్షించారు. ఒక్కసారిగా వరద పోటెత్తడంతో ప్రవాహం మధ్యలోనే విద్యార్థులు చిక్కుకున్నారు. దీంతో రంగంలోకి దిగిన పోలీసులు వీరిలో ముగ్గుర్ని రక్షించారు. మరో ఇద్దరిని రక్షించేందుకు శ్రమిస్తున్నారు. పురులియా జిల్లాలో ఉన్న అయోధ్య హిల్స్ సందర్శనకు అక్కడ స్థానిక కళాశాల విద్యార్థులు వచ్చారు. సరదాగా వీరంతా అయోధ్య కొండపై ఉన్న జమ్మి జలపాతం కొండ అంచుకు వెళ్లారు. సరదాగా గడుపుతున్న సమయంలో అనుకోకుండా వరద నీరు పోటెత్తింది. ప్రమాదాన్ని పసిగట్టిన విద్యార్థులు ఎత్తుగా ఉన్న రాక్ పైకి చేరుకున్నారు. సుమారు 3 గంటల పాటు నరకయాతన అనుభవించారు.