ఒలింపిక్స్‌లో భారత్ కు గ్రేట్ డే.. జూలై 27న 7 క్రీడల్లో పోటీ.. క్వాలిఫయింగ్ రౌండ్ లో పివి సింధు సహా పలువురు దిగ్గజాలు..

పారిస్ ఒలింపిక్స్ 2024లో ఆర్చరీ ర్యాంకింగ్ రౌండ్‌తో భారత బృందం జర్నీ ప్రారంభమైంది. జూలై 25న పురుషుల ఆర్చరీ జట్టు నుంచి ధీరజ్ బొమ్మదేవర, తరుణ్‌దీప్‌ రాయ్‌, ప్రవీణ్‌ జాదవ్‌ పాల్గొన్నారు. మహిళల జట్టుకు చెందిన దీపికా కుమారి, అంకితా భకత్, భజన్ కౌర్ తమ ప్రతిభను చూపించారు. ఈ ఈవెంట్‌లో రెండు జట్లూ టాప్-4లో నిలిచి క్వార్టర్ ఫైనల్స్‌కు అర్హత సాధించాయి. అయితే ఆర్చరీ వ్యక్తిగత ఈవెంట్‌లో ప్రదర్శన ఆశించిన స్థాయిలో లేదు. అయితే ఒలింపిక్స్ లో అసలు ఆట రేపటి నుంచి (జూలై 27) ప్రారంభం కానుంది. జూలై 27వ తేదీన భారత జట్టు ఒలింపిక్ రంగంలోకి అడుగుపెట్టనుంది. ఎక్కువ మంది క్వాలిఫికేషన్ రౌండ్ లేదా స్టేజ్ రౌండ్‌లో పాల్గొననున్నారు. అదే సమయంలో షూటింగ్ ఈవెంట్‌లో భారత్ పతకం కోసం ఆడనుంది.

ఏ ఆటలో ఏ ఆటగాళ్ళు పాల్గొంటారంటే..

భారత అథ్లెట్లు జూలై 27వ తేదీ శనివారం రోజున మొత్తం 7 క్రీడల్లో పాల్గొననున్నారు. మొదటి ఈవెంట్ బ్యాడ్మింటన్ ఉంటుంది. ఈ గేమ్‌లో పురుషుల డబుల్స్‌లో సాత్విక్‌సాయిరాజ్ రంకిరెడ్డి, చిరాగ్ శెట్టి జోడీ, మహిళల డబుల్స్‌లో అశ్విని పొన్నప్ప, తానీసా క్రెస్టో జోడీ బరిలోకి దిగనుంది. బ్యాడ్మింటన్‌ పురుషుల సింగిల్స్‌లో ఎస్‌ఎస్‌ ప్రణయ్‌, లక్ష్యసేన్‌లు పోటీపడనున్నారు. టోక్యో ఒలింపిక్స్‌లో పతకం సాధించిన పీవీ సింధు మహిళల సింగిల్స్‌లో పోటీపడనుంది. ఈ మ్యాచ్‌లన్నీ గ్రూప్ దశలో ఉంటాయి. భారత కాలమానం ప్రకారం మధ్యాహ్నం 12 గంటల నుంచి జియో సినిమా, స్పోర్ట్స్ 18లో భారత అథ్లెట్లు పోటీలను చూడవచ్చు.

షూటింగ్‌లో పతకం కోసం పోటీపడనున్న భారత్

బ్యాడ్మింటన్ తర్వాత రోయింగ్, షూటింగ్ పోటీలు ప్రారంభం కానున్నాయి. రోవింగ్ పురుషుల సింగిల్స్ స్కల్స్ హిట్స్ రౌండ్‌లో మధ్యాహ్నం 12.30 గంటల నుంచి బలరాజ్ పన్వార్ తన అదృష్టాన్ని పరీక్షించుకోనున్నాడు. ఈ సమయంలో 10 మీటర్ల ఎయిర్ రైఫిల్ మిక్స్‌డ్ టీమ్ క్వాలిఫికేషన్ రౌండ్ జరగనుంది. ఇందులో సందీప్ సింగ్, అర్జున్ బాబౌటా, రమితా జిందాల్, ఎలవెనిల్ వలరివన్ పాల్గొంటారు. ఈ క్రీడా పోటీ మధ్యాహ్నం 12.30 గంటలకు ప్రారంభంకానుంది. దీనిలో ఈ జట్టు అర్హత సాధిస్తే మధ్యాహ్నం 2 గంటల నుంచి జరిగే నెక్స్ట్ రౌండ్ కు చేరుకుంటారు. ఒకవేళ ఈ రౌండ్ లో అడుగు పెడితే ఎయిర్ రైఫిల్ మిక్స్‌డ్ టీమ్ భారత్ కు తొలి పతకాన్ని అందించే అవకాశం ఉంది.

ఇవి కూడా చదవండి

రుద్రాక్షను ఎప్పుడు ధరించాలి? శుభ సమయం?ప్రయోజనాలు ఏమిటంటే

సునీతావిలియమ్స్ ఇప్పట్లో భూమిపైకి రాదా? నాసా తాజాగా ఏంచెప్పిందంటే

ఈ సీజన్‌లో మసాలా గ్రీన్ టీ బెస్ట్ ఎంపిక.. రెసిపీ మీ కోసం..

12ఏళ్ల తర్వాత ఈ నక్షత్రంలోకి గురువు.. సంపద,కీర్తి ఈ 3 రాశుల సొంతం

ఒలింపిక్స్‌లో భారత్‌కు తొలి పతకం దాదాపు ఖరారు

మధ్యాహ్నం 2 గంటల నుంచి 10 మీటర్ల ఈథర్ పిస్టల్ క్వాలిఫికేషన్ రౌండ్‌లో సరబ్‌జోత్ సింగ్, అర్జున్ చీమాలు పోటీ పడనున్నారు. ఈ ఈవెంట్ ముగిసిన అనంతరం రెండు గంటల తర్వాత రిథమ్ సాంగ్వాన్, మను భాకర్ సాయంత్రం 4 గంటల నుంచి 10 మీటర్ల ఎయిర్ పిస్టల్ మహిళల క్వాలిఫికేషన్ రౌండ్‌లో పోటీ పడబోతున్నారు.

టెన్నిస్, టేబుల్ టెన్నిస్‌ పోటీలు ఎప్పుడంటే

జూలై 27న టెన్నిస్, టేబుల్ టెన్నిస్ మ్యాచ్‌లు కూడా జరగనున్నాయి. టెన్నిస్ పురుషుల సింగిల్స్ తొలి రౌండ్‌లో సుమిత్ నాగల్ పాల్గొనున్నాడు. ఇక పురుషుల డబుల్స్‌లో రోహన్ బోపన్న , ఎన్ శ్రీరామ్ బాలాజీ పోటీపడనున్నారు. మధ్యాహ్నం 3 గంటల నుంచి ఈ మ్యాచ్‌లు జరగనున్నాయి.

టేబుల్ టెన్నిస్ పురుషుల సింగిల్స్‌లో శరత్ కమల్, హర్మీత్ దేశాయ్ పాల్గొనబోతున్నారు. మరోవైపు మహిళల సింగిల్స్‌లో మనిక బాత్రా, శ్రీజ ఆకుల పోటీపడనున్నారు. టేబుల్‌ టెన్నిస్‌ మ్యాచ్‌ లు సాయంత్రం 6.30 గంటల నుంచి జరగనున్నాయి.

మహిళల బాక్సింగ్‌

రాత్రి 7 గంటల నుంచి 54 కేజీల మహిళల బాక్సింగ్‌ విభాగంలో ప్రీతి పవార్ రౌండ్ 32లో పాల్గొననుంది. చివరగా రాత్రి 9 గంటలకు టోక్యోలో 41 ఏళ్ల ఎదురు చూపులకు పతకంతో తెర దించిన భారత పురుషుల హాకీ జట్టు గ్రూప్ బిలో న్యూజిలాండ్‌తో తలపడనుంది.

మరిన్ని క్రీడా వార్తల కోసం ఇక్కడ క్లిక్ చేయండి..