IND vs ENG: ఇంగ్లాండ్తో వన్డే సిరీస్కు కింగ్ ఈజ్ బ్యాక్.. ఫిట్నెస్ అప్టేట్ ఇదిగో..?
Virat Kohli Fitness Report: విరాట్ కోహ్లీ జట్టులో ఉంటే వచ్చే జోషే వేరు. మైదానంలో అతని దూకుడు, పరుగుల వేట భారత జట్టుకు కొండంత బలాన్ని ఇస్తాయి. గాయం నుంచి కోలుకుని ఇంగ్లాండ్ వన్డే సిరీస్ ద్వారా కోహ్లీ మళ్లీ నీలి రంగు జెర్సీలో గర్జించాలని, టీమిండియాకు అద్భుత విజయాలను అందించాలని ఆశిద్దాం.
Virat Kohli Fitness Report: ఐపీఎల్ ఫైనల్ తర్వాత మైదానంలో కనిపించని రన్ మెషీన్ విరాట్ కోహ్లీ ఫిట్నెస్పై ఎట్టకేలకు ఒక క్రేజీ అప్డేట్ వచ్చింది. హ్యామ్స్ట్రింగ్ గాయంతో ఆఫ్ఘనిస్తాన్ వన్డే సిరీస్కు దూరమైన కింగ్ కోహ్లీ, ఇప్పుడు ఇంగ్లాండ్ టూర్కు అందుబాటులోకి రానున్నట్లు తెలుస్తోంది. ఈ వార్తతో ప్రపంచవ్యాప్తంగా ఉన్న కోహ్లీ అభిమానులు పండగ చేసుకుంటున్నారు.
గాయం నుంచి వేగంగా కోలుకుంటున్న రన్ మెషీన్..
ఐపీఎల్ 2026 సీజన్ ముగిసినప్పటి నుంచి విరాట్ కోహ్లీ క్రికెట్ అభిమానులకు దూరంగా ఉన్నాడు. గుజరాత్ టైటాన్స్తో జరిగిన ఉత్కంఠభరితమైన ఫైనల్ మ్యాచ్లో విరాట్ హ్యామ్స్ట్రింగ్ గాయానికి గురయ్యాడు. ఆ కారణంగానే ఆ తర్వాత జరిగిన ఆఫ్ఘనిస్తాన్ సిరీస్కు బీసీసీఐ అతనికి విశ్రాంతిని ఇచ్చింది. ప్రస్తుతం లండన్లో తన కుటుంబంతో గడుపుతున్న కోహ్లీ గాయం నుంచి చాలా వేగంగా కోలుకుంటున్నట్లు సమాచారం. లండన్ వీధుల్లో కొడుకు అకాయ్తో కలిసి దిగిన ఫోటోలు నెట్టింట వైరల్ అయిన సంగతి తెలిసిందే. ఇప్పుడు కోహ్లీ మళ్లీ బ్యాట్ పట్టి మైదానంలోకి అడుగుపెట్టేందుకు సిద్ధమవుతున్నాడు.
ఇంగ్లాండ్ సిరీస్కు కింగ్ కోహ్లీ రీఎంట్రీ ఫిక్స్?
భారత జట్టు వచ్చే నెల జులై 14 నుంచి 19 వరకు ఇంగ్లాండ్ పర్యటనలో మూడు వన్డేల సిరీస్ ఆడనుంది. ఈ సిరీస్ ప్రారంభం కావడానికి ఇంకా మూడు వారాలకు పైగా సమయం ఉంది. తాజా నివేదికల ప్రకారం కోహ్లీ కోలుకుంటున్న తీరు అద్భుతంగా ఉందని, ప్రణాళిక ప్రకారం అంతా సజావుగా సాగితే ఇంగ్లాండ్ సిరీస్ నాటికి అతను పూర్తిగా ఫిట్ అవుతాడని బోర్డు వర్గాలు చెబుతున్నాయి. విరాట్ త్వరలోనే బెంగళూరులోని బీసీసీఐ సెంటర్ ఆఫ్ ఎక్సలెన్స్కు చేరుకుని తన ఫిట్నెస్ పరీక్షలను పూర్తి చేసుకోనున్నాడు. అక్కడ క్లియరెన్స్ రాగానే ఇంగ్లాండ్ వన్డే సిరీస్ కోసం జట్టుతో చేరడం ఖాయంగా కనిపిస్తోంది.
లార్డ్స్ మైదానంలో కోహ్లీ విశ్వరూపం చూస్తామా?
ఈ ఏడాది మార్చి నుంచి మే వరకు జరిగిన ఐపీఎల్లో విరాట్ కోహ్లీ అద్భుతమైన ఫామ్ను కనబరిచాడు. ఒక శతకంతో సహా ఏకంగా 600కు పైగా పరుగులు సాధించి పరుగుల వరద పారించాడు. జనవరిలో న్యూజిలాండ్ సిరీస్ తర్వాత కోహ్లీ మళ్లీ వన్డే ఫార్మాట్ ఆడలేదు. దీంతో ఇంగ్లాండ్లోని బర్మింగ్హామ్, కార్డిఫ్, ప్రతిష్టాత్మక లార్డ్స్ మైదానాల్లో కింగ్ కోహ్లీ రీఎంట్రీ ఇచ్చి తన మార్క్ ఇన్నింగ్స్లతో ఇంగ్లీష్ బౌలర్లను ముప్పుతిప్పలు పెట్టాలని ఫ్యాన్స్ ఆశగా ఎదురుచూస్తున్నారు. మరో మూడు నాలుగు రోజుల్లో బీసీసీఐ ఇంగ్లాండ్ వన్డే సిరీస్ కోసం భారత జట్టును ప్రకటించే అవకాశం ఉంది.