Video: 5 ఫోర్లు, 8 సిక్సర్లు.. 53 బంతుల్లోనే సెంచరీ.. వైభవ్కు ఛాలెంజ్ విసిరిన సొంత టీంమేట్..
Vaibhav Sooryavanshi vs Lhuan-dre Pretorius: వైభవ్కు సొంత టీంమేట్ నుంచే పోటీ మొదలైంది. రాజస్థాన్ రాయల్స్ సహచరుడు లువాన్-డ్రే ప్రిటోరియస్ నుంచి గట్టి పోటీ వచ్చింది. నమీబియాతో టీ20లో 53 బంతుల్లో 101 పరుగులతో తొలి అంతర్జాతీయ శతకం సాధించిన ప్రిటోరియస్, ఫుల్ మెంబర్ జట్టుపై పిన్న వయసులో సెంచరీ చేసిన ఆటగాడిగా నిలిచాడు.
Vaibhav Sooryavanshi: రాజస్థాన్ రాయల్స్ యువ సంచలనం వైభవ్ సూర్యవంశీకి మరో యువ ఆటగాడి నుంచి గట్టి పోటీ ఎదురుకానుందా..? అంటే అవుననే సంకేతాలు వినిపిస్తున్నాయి. రాజస్థాన్ టీం సహచరుడు, దక్షిణాఫ్రికా ఓపెనర్ లువాన్-డ్రే ప్రిటోరియస్ నమీబియాతో జరిగిన టీ20 మ్యాచ్లో కేవలం 53 బంతుల్లో 101 పరుగులతో తొలి అంతర్జాతీయ టీ20 శతకం సాధించాడు. ఈ ఇన్నింగ్స్లో 5 ఫోర్లు, 8 సిక్సర్లు బాది సత్తా చాటాడు. ప్రిటోరియస్ ధాటికి దక్షిణాఫ్రికా 20 ఓవర్లలో కేవలం 4 వికెట్లు కోల్పోయి 228 పరుగులు సాధించింది. అనంతరం నమీబియా జట్టు కూడా తగ్గేదేలే అంటూ గట్టి పోటీ ఇచ్చి 3 వికెట్లు కోల్పోయి 217 పరుగులకే పరిమితమైంది.
ప్రిటోరియస్ రికార్డ్ సెంచరీ..
20 ఏళ్ల ప్రిటోరియస్ ఈ శతకంతో ఫుల్ మెంబర్ టీంపై టీ20 అంతర్జాతీయ సెంచరీ చేసిన అత్యంత పిన్న వయస్కుడిగా రికార్డు సాధించాడు. అంతకుముందు ఈ రికార్డు అఫ్గానిస్థాన్కు చెందిన హజ్రతుల్లా జజాయ్ పేరిట ఉంది. ప్రిటోరియస్ 52 బంతుల్లోనే సెంచరీ పూర్తి చేశాడు.
ఎక్కువమంది చదివినది: 9 సిక్సర్లు, 10 ఫోర్లతో బుడ్డోడి అరాచకం.. దులీప్లో దుమ్మురేపిన వైభవ్ సూర్యవంశీ
నమీబియాతో మ్యాచ్లో ప్రిటోరియస్తో కలిసి కానర్ ఎస్టర్హైజెన్ కూడా భారీ ఇన్నింగ్స్ ఆడాడు. అతడు 40 బంతుల్లో 88 పరుగులు చేయడంతో తొలి వికెట్కు 156 పరుగుల భాగస్వామ్యం నమోదైంది. ఈ భాగస్వామ్యంతో దక్షిణాఫ్రికా భారీ స్కోరుకు బాటలు పడ్డాయి.
వైభవ్తో పోలిక ఎందుకు..?
The next big thing from South Africa? 🇿🇦
Catch all the action LIVE only on FanCode 📲#TriSeries #LhuanDrePretorius pic.twitter.com/UqoZVP2TYy
— FanCode (@FanCode) September 4, 2026
భారత్కు చెందిన 15 ఏళ్ల వైభవ్ సూర్యవంశీ కూడా తక్కువ వయసులోనే అంతర్జాతీయ క్రికెట్లో రికార్డులు సృష్టించాడు. జింబాబ్వేతో జూలైలో జరిగిన మూడో టీ20లో అతడు 49 బంతుల్లో 81 పరుగులు చేశాడు. ఆ ఇన్నింగ్స్లో 8 ఫోర్లు, 4 సిక్సర్లు ఉన్నాయి.
ఎక్కువమంది చదివినది: 27 ఫోర్లు, 27 సిక్స్లతో ఊచకోత.. 445 పరుగులతో వణుకు పుట్టించారుగా..!
ప్రిటోరియస్, వైభవ్ ఇద్దరూ రాజస్థాన్ రాయల్స్కు ఐపీఎల్లో సహచరులు. వైభవ్ అంతర్జాతీయ సెంచరీకి ఇంకా చేరుకోకపోగా, ప్రిటోరియస్ ఇప్పటికే ఆ మైలురాయిని అందుకున్నాడు. దీంతో ఫ్యూచర్ యువ బ్యాటింగ్ ట్యాలెంట్పై చర్చలో ఈ ఇద్దరి పేర్లు కలిసి వినిపిస్తున్నాయి.
మరిన్ని క్రీడా వార్తల కోసం ఇక్కడ క్లిక్ చేయండి..