వైభవ్ సూర్యవంశీకి సర్‌ప్రైజ్ ఇచ్చిన టాటా.. మరో ఖరీదైన కారుతో బుడ్డోడి ఫోజులు చూశారా..!
Vaibhav Sooryavanshi Tata Sierra: టీమిండియా యువ సంచలనం వైభవ్ సూర్యవంశీ మరో ఖరీదైన కారును సొంతం చేసుకున్నాడు. ఐపీఎల్ 2026లో అద్భుత ప్రదర్శనతో సూపర్ స్ట్రైకర్ ఆఫ్ ది సీజన్ అవార్డు అందుకున్న అతడికి టాటా మోటార్స్ ఇచ్చిన మాట నిలబెట్టుకుంది. తాజాగా కుటుంబ సభ్యులతో కలిసి షోరూమ్‌కు వెళ్లిన వైభవ్ కొత్త టాటా సియెర్రా SUVతో ఫొటోలకు పోజులిచ్చాడు.
Updated on: Nov 09, 2026 | 12:58 PM
Vaibhav Sooryavanshi Tata Sierra: భారత క్రికెట్‌లో అతి చిన్న వయసులోనే సంచలనాలు సృష్టిస్తున్న వైభవ్ సూర్యవంశీ (Vaibhav Sooryavanshi) మరోసారి వార్తల్లో నిలిచాడు. కేవలం 15 ఏళ్ల వయసులోనే అంతర్జాతీయ క్రికెట్‌లోకి అడుగుపెట్టిన ఈ బీహార్ కుర్రాడు.. ఇప్పుడు తన కార్ల కలెక్షన్‌ను మరింత పెంచుకున్నాడు. ఐపీఎల్ 2026లో సూపర్ స్ట్రైకర్ ఆఫ్ ది సీజన్ అవార్డు సాధించినందుకు బహుమతిగా ప్రకటించిన టాటా సియెర్రా (Tata Sierra) SUVని తాజాగా అందుకున్నాడు. కుటుంబ సభ్యులతో కలిసి షోరూమ్‌కు వెళ్లి కొత్త కారుతో ఫొటోలు దిగాడు. ఈ ఫొటోలు సోషల్ మీడియాలో వైరల్ అవుతున్నాయి.
వైభవ్‌కు టాటా సియెర్రా గిఫ్ట్..!
ఐపీఎల్ 2026లో వైభవ్ తన విధ్వంసకర బ్యాటింగ్‌తో బౌలర్లకు చుక్కలు చూపించాడు. అతడి ఆటతీరుకు గుర్తింపుగా సూపర్ స్ట్రైకర్ ఆఫ్ ది సీజన్ అవార్డు లభించింది. ఈ సందర్భంగా టాటా సియెర్రా SUVని బహుమతిగా ప్రకటించారు. తాజాగా వైభవ్ తల్లిదండ్రులు, సోదరులతో కలిసి టాటా షోరూమ్‌కు వెళ్లి కారును అందుకున్నాడు. పసుపు రంగులో ఉన్న ఈ SUVతో దిగిన ఫొటోలు అభిమానులను ఆకట్టుకుంటున్నాయి.
ఎక్కువమంది చదివినది: SRH Retention List: కమిన్స్‌కు కావ్య మారన్ షాక్.. హైదరాబాద్ నుంచి ఆ 8 మంది ఔట్?
ఇప్పటికే మరో టాటా కారు కూడా..!
🚨 Vaibhav Sooryavanshi welcomes a new member to his family! ❤️
Vaibhav Sooryavanshi was spotted receiving his brand-new Tata Sierra SUV at the showroom alongside his family. He won the car for being named the Super Striker of the Season in IPL 2026.
A special Dhanteras and Diwali 2026 celebration! 🪔✨
A brand-new Tata Sierra in Vaibhav Sooryavanshi’s garage! ❤️
— Sonu (@Cricket_live247) November 8, 2026
వైభవ్‌కు కార్లు బహుమతిగా రావడం ఇదే మొదటిసారి కాదు. ఐపీఎల్ 2025లో సూపర్ స్ట్రైకర్ ఆఫ్ ది సీజన్ అవార్డు సాధించినందుకు అతడికి టాటా కర్వ్ EV (Tata Curvv EV) బహుమతిగా లభించింది. ఇప్పుడు మరో టాటా SUV అతడి కార్ల కలెక్షన్‌లో చేరింది.
ఐపీఎల్ 2026లో 776 పరుగుల విధ్వంసం..!
ఐపీఎల్ 2026లో వైభవ్ అద్భుతమైన ప్రదర్శన చేశాడు. మొత్తం 16 మ్యాచ్‌ల్లో 776 పరుగులు సాధించి టోర్నీలో అత్యధిక పరుగులు చేసిన ఆటగాడిగా నిలిచాడు. ఈ క్రమంలో ఆరెంజ్ క్యాప్ (Orange Cap) సొంతం చేసుకున్నాడు. అతడి ఖాతాలో 63 ఫోర్లు, 72 సిక్సర్లు ఉన్నాయి. ఐదు అర్ధ సెంచరీలతో పాటు ఒక సెంచరీ కూడా సాధించాడు. దూకుడైన బ్యాటింగ్‌తో ప్రత్యర్థి బౌలర్లకు సవాల్ విసిరాడు.
15 ఏళ్లకే అంతర్జాతీయ అరంగేట్రం..!
ఐపీఎల్‌లో అద్భుత ప్రదర్శనతో గుర్తింపు తెచ్చుకున్న వైభవ్‌కు భారత జాతీయ జట్టులోనూ అవకాశం లభించింది. జూలైలో ఇంగ్లండ్‌తో జరిగిన టీ20 సిరీస్‌లో అంతర్జాతీయ అరంగేట్రం చేశాడు. ఇప్పటివరకు 10 టీ20 అంతర్జాతీయ మ్యాచ్‌లు ఆడి 295 పరుగులు చేశాడు. ఇందులో రెండు అర్ధ సెంచరీలు ఉన్నాయి. ఇటీవల న్యూజిలాండ్‌తో జరిగిన మ్యాచ్‌లో కేవలం 19 బంతుల్లోనే 45 పరుగులు చేసి మరోసారి తన సత్తా చాటాడు.
ఎక్కువమంది చదివినది: 109 పరుగులే టార్గెట్.. 7 వికెట్లు పడినా భారత్ ఎలా గెలిచింది.. డీఎల్‌ఎస్ మెథడ్ పూర్తి లెక్క ఇదే..!
బీహార్ జట్టు కెప్టెన్‌గా కొత్త బాధ్యతలు..!
మైదానంలో పరుగుల వరద పారిస్తున్న వైభవ్‌కు మరో కీలక బాధ్యత కూడా దక్కింది. సయ్యద్ ముస్తాక్ అలీ ట్రోఫీ 2026లో బీహార్ సీనియర్ పురుషుల జట్టుకు కెప్టెన్‌గా నియమితుడయ్యాడు. తొలి రెండు మ్యాచ్‌ల్లో జట్టును నడిపించనున్నాడు. చిన్న వయసులోనే అంతర్జాతీయ క్రికెట్, ఐపీఎల్ విజయాలు, కెప్టెన్సీ బాధ్యతలు, ఖరీదైన కార్ల బహుమతులు.. ఇలా వైభవ్ సూర్యవంశీ ప్రయాణం క్రికెట్ అభిమానులను ఆశ్చర్యపరుస్తోంది.
మరిన్ని క్రీడా వార్తల కోసం ఇక్కడ క్లిక్ చేయండి..
