Team India: విషాదకరమైన ముగింపు దిశగా ఆ స్టార్ ఓపెనర్ కెరీర్.. ఆ తుఫాన్ ఇన్నింగ్సే‌ కారణమా?

Team India

Shikhar Dhawan: బంగ్లాదేశ్‌తో జరిగిన మూడో వన్డేలో ఇషాన్ కిషన్ 210 పరుగులతో తుఫాన్ ఇన్నింగ్స్‌తో చెలరేగడంతో శిఖర్ ధావన్ జట్టులో స్థానం గురించి చర్చలు జోరందుకున్నాయి. బంగ్లాదేశ్‌తో జరిగిన వన్డే సిరీస్‌లో ధావన్ పూర్తిగా విఫలమయ్యాడు. మూడు మ్యాచ్‌ల్లో మొత్తం 18 పరుగులు మాత్రమే చేశాడు. ధావన్ మొదటి మ్యాచ్‌లో 7, రెండవ మ్యాచ్‌లో 8, మూడవ, చివరి మ్యాచ్‌లో 3 పరుగులు మాత్రమే చేశాడు. చివరి వన్డేలో బరిలోకి దిగిన ఇషాన్ కిషన్ వేగవంతమైన డబుల్ సెంచరీ రికార్డును కలిగి ఉన్నాడు.

2023లో ప్రపంచకప్ ఆడడమే తన ఏకైక లక్ష్యం అని శిఖర్ ధావన్ ఇంతకుముందు చాలాసార్లు చెప్పుకొచ్చాడు. కానీ, ఇప్పుడు అది చాలా తప్పు అని తేలేలా ఉంది. ఎందుకంటే ఇషాన్ కిషన్, శుభ్‌మన్ గిల్ వంటి ఆటగాళ్లను టీమ్ మేనేజ్‌మెంట్ వదిలిపెట్టడం అంత సులభం కాదు.

లంక సిరీస్‌తోొ తేలనున్న భవితవ్యం..

టీ20 ప్రపంచకప్‌లో జట్టులో భాగమైన వికెట్ కీపర్ కం బ్యాట్స్‌మెన్ దినేష్ కార్తీక్ కూడా అలాగే భావించాడు. క్రిక్‌బజ్‌తో మాట్లాడుతూ, రాబోయే శ్రీలంక సిరీస్ ధావన్‌కు ఎంతో కీలకమైనదని చెప్పుకొచ్చాడు. ఇషాన్ కిషన్‌ను టీమ్ మేనేజ్‌మెంట్ ఎలా విడుదల చేస్తుందనేది ఆసక్తికరంగా మారింది.

ప్రస్తుతం శుభ్‌మన్ గిల్ కూడా రాణిస్తున్నాడు. రోహిత్ శర్మ వస్తే వీరిలో ఒకరు బెంచ్‌పైనే కూర్చోవ్వాల్సిందే. అది ధావన్ కూడా కావచ్చు. ఇలానే జరిగితే, ధావన్ కెరీర్‌కు విచారకరమైన ముగింపు కావచ్చని అంటున్నారు. అయితే కొత్త సెలెక్టర్ ఈ ప్రశ్నలకు సమాధానాలు వెతకాల్సి ఉంటుందని ఆయన చెప్పుకొచ్చాడు.

ఓపెనింగ్ స్థానంలో పెరిగిన పోటీ..

మరో ఆసక్తికరమైన విషయమేమిటంటే, శుభ్‌మన్ గిల్ జట్టులో భాగమైతే, అతను ఓపెనింగ్ చేస్తాడని, ఎందుకంటే అతను గత కొంతకాలంగా ఓపెనింగ్ బరిలోనే కనిపిస్తున్నాడు. ఇషాన్ కిషన్‌కు అవకాశం వచ్చిన వెంటనే, అతను దానిని సద్వినియోగం చేసుకున్నాడు. ప్రస్తుతం శిఖర్ ధావన్‌ని జట్టులోకి తీసుకోవడం కాస్త కష్టమేనని తెలుస్తోంది.

రాబోయే మూడు నెలల పాటు టీమ్ ఇండియా బిజీ షెడ్యూల్‌ని కలిగి ఉంది. ఈ జట్టు మొదట శ్రీలంక తర్వాత న్యూజిలాండ్‌, చివరగా ఆస్ట్రేలియాతో ఐపీఎల్‌తో స్వదేశీ సిరీస్‌లను ఆడనుంది.

మరిన్ని క్రీడా వార్తల కోసం ఇక్కడ క్లిక్ చేయండి..