SL vs IND: గాలేలో టీమిండియా విజయాన్ని తేల్చే టార్గెట్ అదే.. ఎన్ని పరుగులు చేయాలంటే..?
Sri Lanka vs India, 1st Test: శ్రీలంకతో జరుగుతూన్న తొలి టెస్ట్‌లో టీమిండియా విజయం సాధించే దిశగా దూసుకుపోతోంది. అయితే, మూడో రోజు ముగిసిన తర్వాత 178 పరుగుల ఆధిక్యంలో నిలిచిన భారత జట్టు లంక ముందు ఎంత టార్గెట్ ఉంచితే గెలుస్తారో తేలిపోయింది. ఆ లెక్కలు ఏంటో ఓసారి చూద్దాం..!
Sri Lanka vs India, 1st Test: శ్రీలంకతో జరుగుతోన్న తొలి టెస్ట్ మ్యాచ్‌లో భారత్ తొలి ఇన్నింగ్స్‌లో 178 పరుగుల ఆధిక్యం సాధించింది. దీంతో ఈ మ్యాచ్ గెలిచే అవకాశాలు గణనీయంగా పెరిగాయి. అయితే, మూడో రోజు ముగిసిన తర్వాత ఇప్పుడు అందరిలో కొన్ని ప్రశ్నలు మొదలయ్యాయి. అదేంటంటే, గాలేలో గెలవడానికి భారత జట్టు ఇంకా ఎన్ని పరుగులు చేయాలి? భారత జట్టు విజయాన్ని ఖాయం చేసే టార్గెట్ ఎంత? గాలేలో నాలుగో ఇన్నింగ్స్‌లో అత్యధిక స్కోరును ఎవరు ఛేజ్ చేశారు? ఈ ప్రశ్నలన్నింటికీ సమాధానం ఇప్పుడు తెలుసుకుందాం..
గాలేలో పటిష్ట స్థితిలో టీమిండియా..
తొలి ఇన్నింగ్స్‌లో 462 పరుగులు చేసిన శ్రీలంకను, టీమిండియా బౌలర్లు కేవలం 284 పరుగులకే ఆలౌట్ చేశారు. దీంతో టీమిండియా 178 పరుగుల ఆధిక్యాన్ని సాధించింది. ఇప్పుడు, గాలేలో గెలవడానికి టీమ్ ఇండియా ఇంకా ఎన్ని పరుగులు చేయాల్సి ఉంటుందో తెలుసుకుందాం. గాలేలో టీమిండియా తన ఆధిక్యాన్ని 400 పరుగులకు పెంచుకోగలిగితే, విజయం ఖాయంగా భావించవచ్చు. అంటే, రెండో ఇన్నింగ్స్‌లో టీమ్ ఇండియా 250 పరుగులు చేస్తే, ఓటమి దాదాపు అసాధ్యం అని లెక్కలు చెబుతున్నాయి.
గాలేలో అత్యధిక స్కోర్ ఛేదించిన టీం ఏదంటే?
గాలేలో అత్యధిక స్కోరును 2022లో పాకిస్థాన్ ఛేదించింది. ఆ మ్యాచ్‌లో పాకిస్థాన్‌కు 342 పరుగుల లక్ష్యాన్ని నిర్దేశించగా, అబ్దుల్లా షఫీక్ సెంచరీ పుణ్యమా అని పాక్ టీం ఆ లక్ష్యాన్ని సాధించింది. ఈ మైదానంలో శ్రీలంక చివరిసారిగా 2019లో న్యూజిలాండ్‌పై 268 పరుగులు చేసి విజయం సాధించింది.
గాలేలో భారత జట్టుకు అతిపెద్ద విజయం ఎప్పుడంటే?
గాలేలో పరుగుల పరంగా టీమిండియా అతిపెద్ద విజయాన్ని సాధించింది. 2017లో, గాలే అంతర్జాతీయ స్టేడియంలో టీమిండియా శ్రీలంకను 304 పరుగుల తేడాతో ఓడించింది. ఆ మ్యాచ్‌లో, టీమిండియా మొదటి ఇన్నింగ్స్‌లో 600 పరుగులు చేయగా, శ్రీలంక 291 పరుగులు చేసింది. ఆ తర్వాత శ్రీలంక రెండో ఇన్నింగ్స్‌లో 240 పరుగులు చేయగా, చివరి ఇన్నింగ్స్‌లో శ్రీలంక 245 పరుగులకే ఆలౌట్ అయింది.
మరిన్ని క్రీడా వార్తల కోసం ఇక్కడ క్లిక్ చేయండి.