Sachin Tendulkar: సచిన్ టెండూల్కర్ రూ.100 కోట్ల లగ్జరీ ఇల్లు చూశారా.. ఏకంగా 50 కార్ల పార్కింగ్ తో..
Sachin Tendulkar Bandra home: క్రికెట్ దేవుడిగా పేరుగాంచిన సచిన్ టెండూల్కర్ ఇంట్లో పెళ్లి బాజాలు మోగనున్నాయి. సచిన తనయుడు అర్జున్ పెళ్లిచేసుకోబోతున్నాడు. ఈ క్రమంలో సచిన్ లగ్జరీ ఇల్లు సోషల్ మీడియాతో తెగ చక్కర్లు కొడుతోంది. ఈ 100 కోట్ల ఇంటి ఫొటోలు చూస్తే షాక్ అవ్వాల్సిందే..
Sachin Tendulkar Bandra home: భారత క్రికెట్ లెజెండ్ సచిన్ టెండూల్కర్ బాంద్రాలోని విలాసవంతమైన ఇల్లు అద్భుతమైన డిజైన్, విస్తీర్ణం, ప్రశాంతతకు ప్రతీకగా నిలుస్తోంది. సుమారు 6,000 చదరపు అడుగుల విస్తీర్ణంలో ఉన్న ఈ విల్లా ఆకర్షణీయమైన ఇంటీరియర్స్, విశాలమైన గార్డెన్, ప్రీమియం సౌకర్యాలతో సచిన్ ఐకానిక్ లైఫ్స్టైల్ను ప్రతిబింబిస్తుంది. ముంబై బాంద్రా వెస్ట్లోని పెర్రీ క్రాస్ రోడ్డుపై ఉన్న ఈ మూడు అంతస్తుల విల్లాకు రెండు బేస్మెంట్లు ఉన్నాయి. ప్రైవసీ, హై-ఎండ్ లివింగ్ అనుభూతిని కలిగించేలా ఈ ఇంటిని డిజైన్ చేశారు.
ఇంటీరియర్స్ ఆధునికతతో పాటు హాయిగా అనిపించే వెచ్చదనాన్ని కలిగిస్తాయి. బ్రౌన్ లెదర్ కుర్చీలు, టీక్ వుడ్ టేబుళ్లు, వైట్-బ్రౌన్ కలర్ థీమ్తో ఇంటంతా లగ్జరీ టచ్ కనిపిస్తుంది.
ఈ ఇంటిలో ప్రత్యేకంగా ఏర్పాటు చేసిన పూజా గది ఆధ్యాత్మిక కేంద్రంగా నిలుస్తోంది. అక్కడ దేవతల విగ్రహాలతో పాటు సచిన్ తన క్రికెట్ బ్యాట్ను కృతజ్ఞత సూచనగా ఉంచడం విశేషం. ఇది కుటుంబానికి ప్రశాంతమైన ఆధ్యాత్మిక వాతావరణాన్ని అందిస్తోంది.
విల్లాకు అనుబంధంగా అందమైన తోట ఉంది. పామ్ చెట్లు, పచ్చదనంతో నిండిన ఈ గార్డెన్లో చిన్న కొలను కూడా ఉండటం విశేషం. నగర హడావిడికి దూరంగా కుటుంబంతో ప్రశాంతంగా గడపడానికి ఇది ఒక ప్రైవేట్ రిలాక్సేషన్ స్పేస్లా పనిచేస్తుంది.
ఆరోగ్యకర జీవనశైలికి అనుగుణంగా ప్రత్యేక ఫిట్నెస్ ఏరియాను కూడా ఏర్పాటు చేశారు. పూర్తిస్థాయి వ్యాయామ పరికరాలతో ఉన్న ఈ జోన్లో సచిన్ సౌకర్యంగా వర్కౌట్ చేయవచ్చు. లగ్జరీతో పాటు ప్రాక్టికాలిటీకి ఇది చక్కటి ఉదాహరణ.
ఈ విల్లాలో ప్రత్యేక ఆకర్షణగా నిలిచేది మల్టీ-లెవల్ బేస్మెంట్. దాదాపు 50 కార్లను పార్క్ చేయగల సామర్థ్యంతో పాటు సచిన్కు ఉన్న విలువైన కార్ల కలెక్షన్ ఇక్కడ భద్రంగా ఉంచబడింది. భద్రత, సౌకర్యం, కార్లపై అతనికి ఉన్న ప్రేమ అన్నీ ఇందులో కలిసివుంటాయి.
2007లో రూ.39 కోట్లకు కొనుగోలు చేసిన ఈ ప్రాపర్టీ విలువ ప్రస్తుతం రూ.100 కోట్లకు పెరిగిందని సమాచారం. ముంబై రియల్ ఎస్టేట్ ధరలు ఎంత వేగంగా పెరుగుతున్నాయో దీనితో అర్థమవుతోంది. మూడు అంతస్తులు, రెండు బేస్మెంట్లు, విశాలమైన పేటియోతో ఈ ఇల్లు కుటుంబానికి తగినంత స్థలాన్ని అందిస్తోంది.
ఇంటీరియర్ డిజైన్ కోసం సచిన్ అదనంగా సుమారు రూ.25 కోట్లు ఖర్చు చేశాడని చెబుతున్నారు. ఆధునిక అందం, సౌకర్యం మధ్య సమతుల్యత సాధించేలా కస్టమైజ్డ్ డిజైన్స్, నాణ్యమైన మెటీరియల్స్తో ఈ ఇల్లు ఆకట్టుకుంటోంది. లివింగ్ ఏరియాలోని లెదర్ సీట్లు, టీక్ వుడ్ ఫర్నిచర్, వైట్-బ్రౌన్ డెకార్ కుటుంబ సభ్యులు, అతిథులకు విజువల్ ట్రీట్లా అనిపిస్తుంది.
మరిన్ని క్రీడా వార్తల కోసం ఇక్కడ క్లిక్ చేయండి..