Virat Kohli: టీమిండియా ‘రాకీ భాయ్’.. కింగ్ కోహ్లీని తప్పించే దమ్ము ఎవ్వరికీ లేదు..
టీమిండియా మాజీ కెప్టెన్ విరాట్ కోహ్లీని జట్టును తొలగించే దమ్ము ఏ సెలెక్టర్కు లేదని పాకిస్థాన్ మాజీ కెప్టెన్ రషీద్ లతీఫ్ వెల్లడించారు.
టీమిండియా మాజీ కెప్టెన్ విరాట్ కోహ్లీని జట్టును తొలగించే దమ్ము ఏ సెలెక్టర్కు లేదని పాకిస్థాన్ మాజీ కెప్టెన్ రషీద్ లతీఫ్ వెల్లడించారు. గత కొన్నేళ్ళుగా విరాట్ కోహ్లీ ఫామ్లేమితో సతమతమవుతున్నాడు. వరుసగా ఫెయిల్యూర్స్ అవుతూ జట్టుకు భారం అయ్యాడు. దీంతో అతడి ఆటతీరుపై సర్వత్రా విమర్శలు వెల్లువెత్తాయి. కొంతమంది మాజీ ప్లేయర్స్ విరాట్కు విశ్రాంతినివ్వాలని సూచిస్తే.. మరికొందరు అతడ్ని టీం నుంచి తప్పించాలంటూ తమ అభిప్రాయాలను వ్యక్తం చేశారు. ఈ క్రమంలోనే తాజాగా ఓ ఇంటర్వ్యూలో మాట్లాడిన రషీద్ లతీఫ్.. కోహ్లీని జట్టు నుంచి తప్పించే దమ్మున్న సెలెక్టర్ ఇంకా పుట్టలేదని చెప్పారు.
మరోవైపు ఇంగ్లాండ్తో జరిగిన రెండో వన్డేలోనూ విరాట్ కోహ్లీ(16) నిరాశపరిచిన సంగతి తెలిసిందే. తక్కువ పరుగులకే పెవిలియన్ చేరాడు. ఈ క్రమంలోనే టీమిండియా మాజీ ఆటగాడు వసీం జాఫర్ కోహ్లీకి ఓ సలహా ఇచ్చాడు. ‘కొంతకాలం కోహ్లీ ఆఫ్ సైడ్ బంతులను ఆడకుండా ఉంటే మంచిది. ఎలాంటి బంతులు ఆడాలి. వేటిని వదిలేయాలి అనే విషయాన్ని కోహ్లీ తెలుసుకోవాలి’ అని జాఫర్ పేర్కొన్నాడు. కాగా, వెస్టిండీస్తో జరగబోయే 5 టీ20ల సిరీస్కు సెలెక్టర్లు కోహ్లీని ఎంపిక చేయలేదు. అతడికి విశ్రాంతిని కల్పించామని అన్నారు.