దక్షిణాఫ్రికా స్టార్ ఫేసర్ కగిసో రబడా టెస్ట్ క్రికెట్ చిత్రలో అరుదైన ఘనత సాధించాడు. టెస్టుల్లో 300 వికెట్ల మైలురాయిని చేరిన ఈ సఫారీ ఫాస్ట్ బౌలర్.. బంతుల పరంగా అతి వేగంగా ఈ ఘనతను సాధించిన బౌలర్గా ప్రపంచ రికార్డు నెలకొల్పాడు. టెస్ట్ క్రికెట్లో 11,817 బంతుల్లో రబడా 300 వికెట్లు సాధించాడు. ఇప్పటి వరకు పాకిస్థాన్ మాజీ ఫేసర్ వకార్ యూనిస్ పేరిట ఈ ప్రపంచ రికార్డ్ ఉంది. పాక్ దిగ్గజ ఫేసర్ వకార్ యూనిస్ 12,602 బంతుల్లో 300 టెస్ట్ వికెట్లు సాధించాడు. దక్షిణాఫ్రికా, బంగ్లాదేశ్ జట్ల మధ్య ఢాకా స్టేడియంలో జరిగిన జరుగుతున్న తొలి టెస్ట్ మ్యాచ్లో రబడా సోమవారంనాడు (అక్టోబర్ 21) ఈ రికార్డును తన పేరిట తిరగరాశాడు.
దక్షిణాఫ్రికాకు చెందిన డేల్ స్టెయిన్ 12,605 బంతుల్లో 300 టెస్ట్ వికెట్లు సాధించగా.. ఆ దేశానికి చెందిన మరో దిగ్గజ ఫేసర్ అలన్ డొనాల్డ్ 13,672 బంతుల్లో ఈ ఘనత సాధించాడు. వెస్టిండీస్కు చెందిన మార్షల్ 13,728 బంతుల్లో 300 టెస్ట్ వికెట్ల క్లబ్లో చేరాడు.
టెస్ట్లో రబడా 300వ వికెట్ సాధించిన క్షణం..
KAGISO RABADA – THE FASTEST TO GRAB 300 TEST WICKETS IN TERMS OF BALLS…!!! 🥶pic.twitter.com/XlYpgijE5s
— Mufaddal Vohra (@mufaddal_vohra) October 21, 2024
వేగంగా 300 టెస్ట్ వికెట్లు సాధించిన బౌలర్లు..
1. 11,817 బంతులు – కగిసో రబడా (దక్షిణాఫ్రికా)
2. 12,602 – వకార్ యూనిస్ (పాకిస్థాన్)
3. 12,605 – డేల్ స్టెయిన్ (దక్షిణాఫ్రికా)
4. 13,672 – అలన్ డొనాల్డ్ (దక్షిణాఫ్రికా)
5. 13,728 – మాల్కోమ్ మార్షల్ (వెస్టిండీస్)
అలాగే సౌతాఫ్రికా తరపున టెస్టుల్లో 300 వికెట్లు పూర్తి చేసుకున్న ఆరో బౌలర్ గా రబడా రికార్డుల్లోకెక్కాడు. ముష్ఫికర్ రహీమ్ ను ఔట్ చేయడం ద్వారా 300 వికెట్ల క్లబ్లో చేరిన రబడా.. ఆ తర్వాత లిటన్ దాస్ వికెట్తో తన వికెట్ల సంఖ్యను 301కు పెంచుకున్నాడు. 2015లో భారత్పై తొలి మ్యాచ్తో రబడా టెస్ట్ క్రికెట్ అరంగేట్రం చేశాడు.
టెస్ట్ క్రికెట్లో అత్యధిక వికెట్లు సాధించిన ద.ఆఫ్రికా బౌలర్లు వీరే..
439 వికెట్లు – డేల్ స్టెయిన్ (93 Tests)
421 – షాన్ పొలాక్ (108 Tests)
390 – మఖాయ ఎంతిని (101 Tests)
330 – అలన్ డొనాల్డ్ (72 Tests)
309 – మోర్న్ మోర్కల్ (86 Tests)
301 – కగిసో రబడా (65 Tests)*