బ్యాటర్లందరికీ హెచ్చరిక.. ప్రపంచ క్రికెట్లోకి కొత్త యముడు! అసలైన విండీస్ విశ్వరూపం..
ఒకప్పుడు ప్రపంచ క్రికెట్ను శాసించిన వెస్టిండీస్ జట్టు ఇప్పుడు సాధారణంగా మారింది. అటువంటి పరిస్థితుల్లో యువ సంచలనం జేడెన్ సీల్స్ కేవలం 28 టెస్టుల్లోనే 100 వికెట్లు తీసి కొత్త ఆశలు రేకెత్తించాడు. వెస్టిండీస్ క్రికెట్ భవిష్యత్తుకు ఆయన ఒక ఆశాకిరణం. ఈ మైలురాయి సాధించడం ద్వారా, సీల్స్ గత వైభవాన్ని తిరిగి తీసుకురావడానికి దోహదపడే గొప్ప బౌలర్గా నిరూపించుకున్నాడు.
ప్రపంచ క్రికెట్లో వెస్టిండీస్ గతం గురించి తెలిసిన వాళ్లు చాలా తక్కువ. ఒకప్పుడు వెస్టిండీస్ అంటే మిగతా జట్లకు భయం. వాళ్ల బ్యాటింగ్, వాళ్ల బౌలింగ్.. తలచుకుంటునే వామ్మో అనుకునేవాళ్లు. వరల్డ్ కప్ అనే కాన్సెప్ట్ మొదలైన తర్వాత తొలి రెండు కప్పులు కొట్టింది వాళ్లే. విండీస్ బ్యాటర్లు కొడితే బాల్ సిక్స్ కాదు.. స్పేస్లోకి వెళ్లిందా అనిపించేది. వాళ్ల బౌలర్లు బౌలింగ్ వేస్తుంటే.. బంతులు గన్లో బుల్లెట్స్లా దూసుకొచ్చేవి. ఒకప్పుడు ప్రపంచ క్రికెట్ను ఒంటిచేత్తో డామినేట్ చేసిన చరిత్ర వాళ్లది. కానీ ఇప్పుడు పరిస్థితి వేరు. గతమెంతో ఘనం అన్న చందానా.. ఇప్పుడు ఓ సాధారణ జట్టులా మారిపోయింది. వెస్టిండీస్ పతనానికి కారణాలు చాలానే ఉన్నా.. ఇప్పటికీ ఆ జట్టులోకి అద్భుతమైన ఆటగాళ్లు వస్తూనే ఉన్నారు. కానీ టీమ్ సపోర్ట్ లేక, ఒక్కరే జట్టు భారాన్ని మోయలేక ఫ్రాంచైజ్ క్రికెట్ ఆడుకుంటున్నారు. అయితే అలాంటి వెస్టిండీస్ టీమ్లోకి ఒక అద్భుతమే దూసుకొచ్చింది. అతని పేరు జేడెన్ సీల్స్. కేవలం 28 మ్యాచ్ల్లోనే 100 వికెట్ల మైల్స్టోన్ అందుకున్నాడు. ఇప్పుడు అతని పేరు చెబితేనే ప్రపంచ క్రికెట్లోని హేమాహేమీ బ్యాటర్లు కూడా భయపడుతున్నారు.
ఆంటిగ్వాలోని సర్ వివియన్ రిచర్డ్స్ స్టేడియంలో శ్రీలంకతో జరుగుతున్న రెండో టెస్టు మొదటి రోజున, ఈ విండీస్ స్టార్ స్పీడ్స్టర్ తన ఏకైక వికెట్తో ఈ మైలురాయిని చేరుకున్నాడు. అతను ప్రత్యర్థి కెప్టెన్ ధనంజయ డి సిల్వాను 33 పరుగుల వద్ద అవుట్ చేయడంతో, ఆట ముగిసే సమయానికి సందర్శక జట్టు 338/5 స్కోరును చేరుకుంది. లహిరు ఉదార అద్భుతమైన 188 పరుగులతో ఆ రోజు ఆటలో ప్రధాన ఆకర్షణగా నిలవగా, సీల్స్ తన 17 ఓవర్లలో 1/72 వికెట్ తీశాడు.
100 WICKETS FROM JUST 28 TESTS FOR JAYDEN SEALES 🥹❤️
– The Machine of West Indies, he is the light of Windies fast bowling.pic.twitter.com/pbXJV2BBXI
— Johns. (@CricCrazyJohns) July 4, 2026
జూన్ 2021లో టెస్ట్ అరంగేట్రం చేసిన సీల్స్, టెస్టుల్లో వంద వికెట్లు పూర్తి చేయడానికి 28 టెస్టులు, 52 ఇన్నింగ్స్లు తీసుకున్నాడు. ఈ శతాబ్దంలో కనీసం 100 టెస్ట్ వికెట్లు తీసిన వెస్టిండీస్ బౌలర్లలో అతని 26.17 సగటు అత్యుత్తమమైనది. ఈ విషయంలో 30 కంటే తక్కువ సగటు ఉన్న మరో కరేబియన్ బౌలర్ కెమర్ రోచ్ (26.83) మాత్రమే. సీల్స్ టెస్టుల్లో మూడుసార్లు ఐదు వికెట్ల ప్రదర్శనలు నమోదు చేయగా, 2024 గయానా టెస్టులో 6/61 అతని అత్యుత్తమ గణాంకాలుగా నిలిచాయి. ఇదిలా ఉండగా సీల్స్ తీసిన 76 వికెట్లు 18 స్వదేశీ టెస్టుల్లోనే 20.96 అనే అద్భుతమైన సగటుతో వచ్చాయి. దేశీయ క్రికెట్లో ట్రినిడాడ్ అండ్ టొబాగోకు ప్రాతినిధ్యం వహించే సీల్స్, 2026 వెస్ట్ ఇండీస్ ఛాంపియన్షిప్లో 200 ఫస్ట్-క్లాస్ వికెట్లను పూర్తి చేశాడు. మొత్తంగా 58 మ్యాచ్లలో సుమారు 25 సగటుతో 201 వికెట్లు పడగొట్టాడు. ఇందులో ఎనిమిది నాలుగు వికెట్ల ప్రదర్శనలు, ఏడు ఐదు వికెట్ల ప్రదర్శనలు ఉన్నాయి.
మరిన్ని క్రికెట్ వార్తల కోసం ఇక్కడ క్లిక్ చేయండి