సాధారణ ప్రయాణికుడిలా మెట్రోలో జర్నీ చేసిన టీమిండియా దిగ్గజం.. ఎవరో తెలుసా?
Indian Cricket Legend Javagal Srinath Metro Journey Photo Viral: 551 అంతర్జాతీయ వికెట్లు.. నాలుగు ప్రపంచకప్లు.. 300కు పైగా వన్డే వికెట్లు.. ఇన్ని ఘనతలు సాధించిన దిగ్గజం ఇలా ఓ సాధారణ ప్రయాణికుడిలా కనిపించడంతో అభిమానులు ‘శ్రీనాథ్ సింప్లిసిటీకి హ్యాట్సాఫ్’ అంటూ ప్రశంసిస్తున్నారు.
Indian Cricket Legend Javagal Srinath Metro Journey Photo Viral: ఒకప్పుడు తన వేగంతో ప్రపంచంలోని స్టార్ బ్యాటర్లను హడలెత్తించిన భారత మాజీ పేసర్.. ఇప్పుడు మాత్రం సామాన్య ప్రయాణికుడిలా మెట్రోలో కనిపించి అభిమానులను ఆశ్చర్యపరిచాడు. అతడెవరో కాదు.. భారత క్రికెట్లో తనకంటూ ప్రత్యేక గుర్తింపు తెచ్చుకున్న జవగళ్ శ్రీనాథ్. ట్రాలీ బ్యాగ్తో బెంగళూరు మెట్రోలో ప్రయాణిస్తున్న ఆయన ఫొటో సోషల్ మీడియాలో వైరల్గా మారింది.
మెట్రోలో శ్రీనాథ్.. ఫ్యాన్స్ ఫిదా..!
బెంగళూరులోని ‘నమ్మ మెట్రో’లో జవగళ్ శ్రీనాథ్ సాధారణ ప్రయాణికుడిలా కనిపించారు. నీలం రంగు జీన్స్, లేత నీలం రంగు షర్ట్ ధరించిన ఆయన.. చేతిలో ట్రాలీ బ్యాగ్తో మెట్రోలో నిల్చున్నారు. చెవులకు ఇయర్బడ్స్ పెట్టుకుని తన ప్రయాణాన్ని ఆస్వాదిస్తున్నట్లు కనిపించారు.
ఎక్కువమంది చదివినది: IND vs SL: తప్పు చేశారు గంభీర్.. ఆ ఒక్కడికి చోటిచ్చి ఉంటే ఈజీగా గెలిచేవాళ్లు..!
ఆ సమయంలో ఓ అభిమాని శ్రీనాథ్ను గుర్తించి ఫొటో తీసుకున్నాడు. ఆ చిత్రాన్ని సామాజిక మాధ్యమాల్లో పోస్ట్ చేయడంతో అది కాస్తా వైరల్గా మారింది. స్టార్ క్రికెటర్ అయినప్పటికీ ఎలాంటి హంగూ ఆర్భాటం లేకుండా ప్రజా రవాణాలో ప్రయాణించడంపై అభిమానులు ప్రశంసలు కురిపిస్తున్నారు.
ఈ ఫొటో ఎప్పుడు తీశారన్న దానిపై స్పష్టత లేదు. అయితే ఇటీవల కాలంలో తీసినదిగానే కనిపిస్తోంది.
నాలుగు ప్రపంచకప్ల్లో భారత్కు ప్రాతినిధ్యం..
జవగళ్ శ్రీనాథ్ భారత క్రికెట్లో సుదీర్ఘకాలం సేవలందించిన గొప్ప పేసర్లలో ఒకరు. 1992, 1996, 1999, 2003 వన్డే ప్రపంచకప్లలో భారత జట్టుకు ప్రాతినిధ్యం వహించారు.
Meet Javagal Srinath
He is the only Indian fast bowler to capture over 300 wickets in One Day Internationals (finishing with 315 ODI wickets).
Test Record: He was the second Indian pace bowler (after Kapil Dev) to reach 200 Test wickets, concluding his Test career with 236… pic.twitter.com/rQqu1SMim8
— Farrago Abdullah Parody (@abdullah_0mar) August 28, 2026
ప్రపంచకప్ వేదికపై నాలుగు ఎడిషన్లలో కలిపి 44 వికెట్లు పడగొట్టారు. 1990లలో తన పదునైన పేస్, బౌన్స్తో ప్రత్యర్థి బ్యాటర్లను ఇబ్బందులకు గురిచేసేవారు.
అంతర్జాతీయ క్రికెట్లో 551 వికెట్లు..
శ్రీనాథ్ తన అంతర్జాతీయ కెరీర్లో మొత్తం 296 మ్యాచ్లు ఆడి 551 వికెట్లు సాధించారు. ఇందులో 13 సార్లు ఒక ఇన్నింగ్స్లో ఐదు వికెట్లు పడగొట్టడం, ఒకసారి మ్యాచ్లో 10 వికెట్లు సాధించడం విశేషం.
వన్డేల్లో శ్రీనాథ్ గణాంకాలు..
భారత్ తరఫున 229 వన్డేల్లో 315 వికెట్లు తీసిన శ్రీనాథ్.. 300కు పైగా వన్డే వికెట్లు సాధించిన ఏకైక భారత పేసర్గా నిలిచారు. వన్డేల్లో మూడు సార్లు ఐదు వికెట్ల ఘనత అందుకున్నారు.
టెస్టుల్లోనూ సత్తా..
శ్రీనాథ్ 67 టెస్టుల్లో 121 ఇన్నింగ్స్లు ఆడి 236 వికెట్లు సాధించారు. టెస్టుల్లో 10 సార్లు ఐదు వికెట్లు పడగొట్టారు. ఒక మ్యాచ్లో 10 వికెట్లు తీసిన ఘనత కూడా ఆయన ఖాతాలో ఉంది.
బౌలింగ్తో పాటు బ్యాటింగ్లోనూ శ్రీనాథ్ ఉపయోగకరమైన ఆటగాడే. అంతర్జాతీయ క్రికెట్లో ఆయన మొత్తం 1,892 పరుగులు సాధించారు.
రిటైర్మెంట్ తర్వాత కూడా క్రికెట్తోనే..
Many sharing this pic of Javagal Srinath traveling in metro and wondering how simple he is.
Yes, this guy is simple. I too noticed while he was running two three times in road a few years ago. At that time social media was not powerful.
Common in western countries, here rare… pic.twitter.com/GlFJ0SstGc
— Vivek (@Vivek_Investor) August 29, 2026
క్రికెట్కు వీడ్కోలు పలికిన తర్వాత కూడా శ్రీనాథ్ ఆటకు దూరం కాలేదు. ప్రస్తుతం ఆయన ఐసీసీ మ్యాచ్ రిఫరీగా బాధ్యతలు నిర్వర్తిస్తున్నారు. అంతర్జాతీయ మ్యాచ్లకు అధికారిగా వ్యవహరిస్తూ క్రికెట్తో తన అనుబంధాన్ని కొనసాగిస్తున్నారు.
సింప్లిసిటీకి మరో ఉదాహరణ..
స్టార్ క్రికెటర్లు సాధారణంగా బయటకు వచ్చినప్పుడు ప్రత్యేక వాహనాలు, భద్రతా సిబ్బందితో కనిపిస్తుంటారు. కానీ శ్రీనాథ్ మాత్రం అందుకు భిన్నంగా ప్రజా రవాణాను ఉపయోగించడం అభిమానులను ఆకట్టుకుంది.
బెంగళూరులోని జయనగర్లో నివసించే శ్రీనాథ్.. తన వ్యక్తిగత జీవితంలో ఎంతో సాదాసీదాగా ఉంటారని సన్నిహితులు చెబుతుంటారు. తాజాగా వైరల్ అవుతున్న మెట్రో ఫొటో మరోసారి ఆయన వ్యక్తిత్వాన్ని అభిమానులకు పరిచయం చేసింది.
మరిన్ని క్రీడా వార్తల కోసం ఇక్కడ క్లిక్ చేయండి..