Gujarat Titans: గుజరాత్ టీంలో భారీ మార్పులు.. ఏకంగా 9మందికి వీడ్కోలు.. లిస్ట్‌ చూస్తే షాకే..?

Gujarat Titans

Gujarat Titans’ Retention and Release List Revealed: 2025 సీజన్‌లో పాయింట్ల పట్టికలో మూడవ స్థానంలో నిలిచి ప్లేఆఫ్‌లకు చేరుకున్న గుజరాత్ టైటాన్స్ జట్టు.. ఐపీఎల్ 2026 వేలానికి ముందు అంటే నవంబర్ 15న జగరబోయే రిటెన్షన్‌కు సిద్ధమైంది. కెప్టెన్ శుభ్‌మన్ గిల్, సాయి సుదర్శన్, రషీద్ ఖాన్ జట్టుకు ప్రధానాంశంగా ఉంటారని భావిస్తున్నారు. ఈ నేపథ్యంలో, తమ పర్స్ బ్యాలెన్స్‌ను నిర్వహిస్తూనే, జట్టును మరింత బలోపేతం చేయడానికి GT కీలక నిర్ణయాలు తీసుకోవాల్సిన పరిస్థితి ఏర్పడింది. పలు ట్రేడ్ పుకార్లు, కొందరు ఆశించినంతగా రాణించని ఆటగాళ్లపై దృష్టి సారించినందున, మినీ-వేలానికి ముందు ఫ్రాంచైజీ కొన్ని సాహసోపేతమైన నిర్ణయాలు తీసుకునే అవకాశం ఉంది.

కెప్టెన్ శుభ్‌మన్ గిల్ 2025లో 15 మ్యాచ్‌లలో 50 సగటు, 155.88 స్ట్రైక్ రేట్‌తో 650 పరుగులు చేసి జట్టుకు గుండెకాయలా నిలిచాడు. అతనితో పాటు, సాయి సుదర్శన్ స్థిరమైన ఫామ్, రషీద్ ఖాన్ మ్యాచ్ విన్నింగ్ స్పెల్స్ గుజరాత్ ప్రణాళికల్లో కీలకం. నమ్మదగిన బౌలర్లు మొహమ్మద్ సిరాజ్, కగిసో రబాడాలను కూడా రిటైన్ చేసుకునే అవకాశం ఉందని నివేదికలు సూచిస్తున్నాయి. తద్వారా జీటీ తమ వేలం వ్యూహంలో దేశీయ-విదేశీ ఆటగాళ్ల సమతుల్య మిశ్రమాన్ని కాపాడుకోవాలని చూస్తోంది.

ఇది కూడా చదవండి: ఫ్యాన్స్‌కు అదిరిపోయే న్యూస్.. 2027 ప్రపంచకప్ తర్వాత మరో ఐసీసీ టోర్నీలో ఆడనున్న కోహ్లీ, రోహిత్..?

గుజరాత్ టైటాన్స్‌కు సంబంధించి ట్రేడ్ విండోలో అనేక చర్చలు జరిగాయి. తమిళనాడు ఆల్‌రౌండర్ వాషింగ్టన్ సుందర్‌ను తిరిగి సొంతగడ్డకు తీసుకురావాలని చెన్నై సూపర్ కింగ్స్ (CSK) తీవ్ర ఆసక్తి చూపినట్లు నివేదికలు చెబుతున్నాయి. అయితే, ప్లేయర్ స్వాప్, ఆల్-క్యాష్ డీల్‌తో సహా చెన్నై నుంచి వచ్చిన అనేక ఆఫర్‌లను గుజరాత్ తిరస్కరించినట్లు సమాచారం. ప్రస్తుతానికి, సుందర్ గుజరాత్ జట్టులో ముఖ్యమైన భాగంగానే ఉన్నాడు.

ఇది కూడా చదవండి: SRH Retention List: కావ్యపాప తొక్కలో ప్లాన్.. డేంజరస్ ప్లేయర్‌కు గుడ్‌బై.. రిటైన్ లిస్ట్ ఇదే..?

గుజరాత్ టైటాన్స్ రిటైన్ చేసుకోబోయే, రిలీజ్ చేసే అవకాశం ఉన్న ఆటగాళ్లు (అంచనా)..

గుజరాత్ టైటాన్స్ ప్రాబబుల్ రిటైన్డ్ ప్లేయర్స్: శుభమాన్ గిల్, సాయి సుదర్శన్, జోస్ బట్లర్ , రషీద్ ఖాన్, వాషింగ్టన్ సుందర్, మొహమ్మద్. అర్షద్ ఖాన్, సాయి కిషోర్, షారుఖ్ ఖాన్, కగిసో రబడా, మహమ్మద్ సిరాజ్, ప్రసిద్ధ్ కృష్ణ, మానవ్ సుతార్, ఇషాంత్ శర్మ, రాహుల్ తెవాటియా, అనుజ్ రావత్, మహిపాల్ లోమ్రోర్.

గుజరాత్ టైటాన్స్ ప్రాబబుల్ రిలీజ్డ్ ప్లేయర్స్: కుసల్ మెండిస్, షెర్ఫేన్ రూథర్‌ఫోర్డ్, దసున్ షనక, గెరాల్డ్ కోయెట్జీ, గుర్నూర్ సింగ్ బ్రార్, కరీం జనత్, కుమార్ కుషాగ్రా, నిశాంత్ సింధు, జయంత్ యాదవ్.