IPL 2023: కోహ్లీ భవితవ్యం రోహిత్ శర్మ చేతిలో.. కీలకంగా మారిన ఆ మ్యాచ్.. ప్లే‌ఆఫ్స్ లెక్కలు ఇవిగో..

Mi Vs Rcb

IPL 2023: ఇండియన్ ప్రీమియర్ లీగ్‌లో 60 మ్యాచ్‌ల తర్వాత, ఇప్పటి వరకు ఏ జట్టుకు ప్లేఆఫ్‌లోకి ప్రవేశం దక్కలేదు. గుజరాత్ టైటాన్స్, చెన్నై సూపర్ కింగ్స్ తదుపరి 1 మ్యాచ్ గెలిస్తే ప్లేఆఫ్ స్థానం ఖాయం చేసుకుంటాయి. ఎందుకంటే 16 పాయింట్లతో ఉన్న గుజరాత్ టైటాన్స్ తదుపరి 2 మ్యాచ్‌ల్లో ఒకటి గెలిస్తే 18 పాయింట్లతో ప్లేఆఫ్‌లోకి ప్రవేశిస్తుంది. అలాగే 15 పాయింట్లతో ఉన్న CSK జట్టు 2 మ్యాచ్‌లలో ఒక మ్యాచ్‌లో గెలిస్తే 17 పాయింట్లకు చేరుకుంటుంది. దీనితో CSK 2వ లేదా 3వ స్థానంతో ప్లేఆఫ్‌లను నిర్ధారిస్తుంది.

అయితే ఇప్పుడు 3, 4 స్థానాల్లో కనిపించేందుకు 4 జట్ల మధ్య పోటీ నెలకొంది. అంటే 12 పాయింట్లు సాధించిన ఆర్సీబీ, పంజాబ్ కింగ్స్, ముంబై ఇండియన్స్, లక్నో సూపర్ జెయింట్స్ జట్లకు మరో 2 మ్యాచ్‌లు మిగిలి ఉన్నాయి. ప్రస్తుతం 14 పాయింట్లతో పట్టికలో 3వ స్థానంలో ఉన్న ముంబై ఇండియన్స్ వచ్చే 2 మ్యాచ్‌ల్లో గెలిస్తే 18 పాయింట్లతో ప్లేఆఫ్‌లోకి ప్రవేశించడం ఖాయం. వచ్చే 2 మ్యాచ్‌ల్లో ముంబై ఇండియన్స్ గెలిస్తే, RCB ప్లేఆఫ్‌కు మార్గం సుగమం అవుతుంది.

అంటే ముంబై ఇండియన్స్ తదుపరి మ్యాచ్‌లో లక్నో సూపర్ జెయింట్‌తో తలపడనుంది. ఇప్పటికే 13 పాయింట్లతో ఉన్న లక్నో తదుపరి 2 మ్యాచ్‌ల్లో గెలిస్తే మొత్తం 17 పాయింట్లతో ప్లేఆఫ్‌ను ఖాయం చేసుకోవచ్చు.

ముంబై ఇండియన్స్‌తో జరిగే మ్యాచ్‌లో లక్నో సూపర్‌జెయింట్‌ ఓడిపోతే అది ఆర్‌సీబీకి వరం లాంటిది. అంటే ప్రస్తుతం లక్నో జట్టు పాయింట్ల పట్టికలో 4వ స్థానంలో కొనసాగుతోంది. లక్నో తర్వాతి మ్యాచ్‌లో ముంబై ఇండియన్స్‌పై ఓడిపోతే, RCB SRHపై గెలిచి 14 పాయింట్లతో 4వ స్థానానికి చేరుకోవచ్చు. చివరి మ్యాచ్‌లో లక్నో సూపర్ జెయింట్స్ జట్టు గెలిచినా మొత్తం 15 పాయింట్లు మాత్రమే. అదే RCB తమ చివరి మ్యాచ్‌లో భారీ విజయం సాధిస్తే 16 పాయింట్లతో పాయింట్ల పట్టికలో 4వ స్థానానికి చేరుకుని ప్లేఆఫ్‌కు చేరుకోవచ్చు.

అంటే ఇక్కడ లక్నో సూపర్ జెయింట్‌పై ముంబై ఇండియన్స్ గెలవాలి. లక్నో సూపర్‌జెయింట్‌తో జరిగే మ్యాచ్‌లో ముంబై ఇండియన్స్ ఓడిపోతే, RCB, ముంబై మధ్య ప్లేఆఫ్ పోరు ఉంటుంది.

ప్లేఆఫ్ పోటీలో పంజాబ్ కింగ్స్ జట్టు, శిఖర్ ధావన్ జట్టు చివరి 2 మ్యాచ్‌లలో ఢిల్లీ క్యాపిటల్స్, SRH తో ఆడుతుంది. ఈ రెండు మ్యాచ్‌ల్లో పంజాబ్ కింగ్స్ గెలిస్తే మొత్తం 16 పాయింట్లతో పాయింట్ల పట్టికలో 4వ స్థానానికి చేరుకోవచ్చు. అయితే ఇక్కడ RCB జట్టు ప్లస్ పాయింట్ ఏమిటంటే, RCB లీగ్ దశలో గుజరాత్ టైటాన్స్‌తో చివరి మ్యాచ్ ఆడనుంది. బెంగళూరు వేదికగా జరిగే ఈ మ్యాచ్‌లో నెట్ రన్ రేట్ లక్ష్యాన్ని ఛేదించడం ద్వారా ఆర్‌సీబీకి ప్లేఆఫ్‌లోకి ప్రవేశించే అవకాశాలు ఎక్కువగా ఉన్నాయి.

ప్రస్తుత పరిస్థితుల్లో, లక్నో సూపర్‌జెయింట్‌పై ముంబై ఇండియన్స్‌కు విజయం అన్ని విధాలుగా RCB పాలిట వరం లాంటింది. ఇలా ఒక కోణంలో చూస్తే RCB జట్టు ప్లేఆఫ్ భవితవ్యం ముంబై ఇండియన్స్ చేతిలోనే ఉంది.

మరిన్ని క్రీడా వార్తల కోసం ఇక్కడ క్లిక్ చేయండి..