IPL 2022: ట్రెండ్ మారింది.. టాప్ 4 జట్ల విజయాల నుంచి ముంబై, చెన్నై‌ ఓటముల వరకు.. కారణం ఏంటో తెలుసా?

Ipl 2022 Top Fast Bowlers

టీ20ని బ్యాట్స్‌మెన్ గేమ్‌గా పరిగణిస్తారనడంలో సందేహం లేదు. భారీ సిక్సర్లు ఓవైపు, ఎడాపెడా బౌండరీలు బాదేస్తూ మరోవైపు.. ఈ పొట్టి ఫార్మాట్‌లో బ్యాట్స్‌మెన్స్ సందడి చేస్తుంటారు. అయితే, ఎక్కువ సమయాల్లో టీ20 క్రికెట్‌(T20 Cricket)లో పటిష్ట బ్యాటింగ్ ఉన్న జట్టుకే విజయావకాశాలు ఎక్కువగా ఉన్నాయని అంటున్నారు. అయితే, ఈ ఫార్మాట్ బౌలర్లకు ముప్పుగా తయారైందని అప్పుడప్పుడూ వార్తలు వినిపిస్తూనే ఉన్నాయి. కానీ, కొందరు బౌలర్లు మాత్రం, తమ అద్భుతమైన టెక్నిస్స్‌తో సత్తా చాటుతూ, బ్యాటర్లకు చుక్కులు చూపిస్తుంటారు. దీంతో తక్కువ స్కోర్‌కే జట్టంతా పెవిలియన్ చేరడం కూడా కనిపిస్తోంది. అఅయితే  ఐపీఎల్‌ 2022(IPL 2022)లో ఈ ట్రెండ్‌లో మార్పు కనిపిస్తోంది. పాయింట్ల పట్టికలో నంబర్ 1 స్థానంలో కొనసాగుతున్న రాజస్థాన్ రాయల్స్(RR) టాస్ ఓడిపోయిన తర్వాత వరుసగా 3 సార్లు బౌలర్ల ఆధారంగా స్కోర్‌ను కాపాడుకుంది. ఈసారి బౌలింగ్ కూడా పటిష్టంగా ఉన్న ఇలాంటి జట్లు కూడా ఐపీఎల్2022లో రాణిస్తున్నాయి. ముఖ్యంగా, 145/kmph కంటే ఎక్కువ వేగంతో కూడిన ఫాస్ట్ బౌలర్లు, మిడిల్ ఓవర్లలో వికెట్లు తీసే మణికట్టు స్పిన్నర్లు ఉన్న ఆ జట్ల ప్రదర్శన అద్భుతంగా ఉందనడంలో సందేహం లేదు.

టాప్-4లో ఉన్న రాజస్థాన్ బౌలింగ్ ఆధారంగానే..

IPL-2022 ప్రయాణం సగానికి పైగా ముగిసింది. ఈమేరకు ఓసారి పాయింట్ల పట్టికను పరిశీలిస్తే, పైన పేర్కొన్న విషయాలు నిజమని ఒప్పుకోవాల్సి ఉంటుంది. సీజన్ వన్ తర్వాత రాజస్థాన్ తొలిసారి ఛాంపియన్ టీమ్‌లా ఆడుతోంది. దీని వెనుక బౌలర్ల పాత్ర కూడా చాలా ఉంది. రాజస్థాన్ తరపున ట్రెంట్ బౌల్ట్, ప్రసిద్ధ్ కృష్ణ లాంటి బౌలర్లతోపాటు, కుల్దీప్ సేన్ 145kmph+ వేగంతో బౌలింగ్ చేస్తూ బడా ఆటగాళ్ల వికెట్లు తీస్తున్నాడు. బెంగళూరుపై ఫాఫ్ డు ప్లెసిస్, మాక్స్‌వెల్ సహా 4 వికెట్లు తీయడం ద్వారా 145 పరుగుల లక్ష్యాన్ని RCB సాధించడానికి కుల్దీప్ కీలకంగా మారాడు.

దాదాపు ప్రతి సీజన్‌లో 500కు పైగా పరుగులు చేసిన కేఎల్ రాహుల్‌ను మ్యాచ్ తొలి బంతికే బౌల్డ్ చేసి ట్రెంట్ బౌల్ట్ తన సత్తాను నిరూపించుకున్నాడు. ముంబై ఇండియన్స్ జట్టులో అంతర్భాగంగా ఉన్న బోల్ట్.. ఇప్పుడు రాజస్థాన్ తరపున మ్యాచ్‌లు గెలుస్తున్నాడు. అతని బంతులు నిరంతరం 145/కిమీ వేగంతో దూసుకుపోతున్నాయి. మణికట్టు స్పిన్నర్‌గా, యుజ్వేంద్ర చాహల్ పోటీలో అత్యధిక వికెట్లు తీసిన బౌలర్‌గా నిలిచాడు. ఒక మ్యాచ్‌లో RR బ్యాటింగ్ చేయకపోతే, మంచు ఉన్నప్పటికీ బౌలర్లు స్కోరును కాపాడుకున్నారు.

దూసుకెళ్తోన్న లాకీ ఫెర్గూసన్..

ఇక నంబర్-2 జట్టు గుజరాత్ టైటాన్స్ గురించి మాట్లాడుకుందాం. గుజరాత్‌కు 150/కిమీ వేగంతో లాకీ ఫెర్గూసన్ రూపంలో బౌలర్ ఉన్నాడు. ఈ సీజన్‌లో అతని వేగవంతమైన బంతిని 153.9/కిమీ వేగంతో విసిరాడు. మహ్మద్ షమీ, అల్జారీ జోసెఫ్ కూడా అద్భుతమైన పేస్‌తో బౌలింగ్ చేస్తున్నారు. యంగ్ యశ్ దయాళ్ కూడా తన స్పీడ్‌తో ఆకట్టుకుంటున్నాడు.

మరోవైపు, రషీద్ ఖాన్‌లో ప్రపంచ స్థాయి మణికట్టు స్పిన్నర్ జట్టులో ఉన్నాడు. ఐపీఎల్‌లో రషీద్ ఖాన్ 100 వికెట్లు పూర్తి చేసుకున్నాడు. చాలా కాలంగా రషీద్‌ బౌలింగ్‌లో భారీ షాట్లు కొట్టలేకపోతున్నారు. ప్రపంచ అత్యుత్తమ స్పిన్నర్ లాకీ ఫెర్గూసన్‌తో జతకట్టడంతో గుజరాత్ జట్టు టాప్-4లో కొనసాగుతోంది.

స్పీడుతో ఐపీఎల్‌లో నిప్పులు కురిపిస్తోన్న ఉమ్రాన్..

మూడో స్థానంలో ఉన్న సన్‌రైజర్స్‌ హైదరాబాద్‌ కూడా పేస్‌ అటాక్‌లో అద్భుతంగా ఉంది. ఈ ఐపీఎల్‌లో అత్యంత వేగవంతమైన బౌలర్‌గా ఉమ్రాన్ మాలిక్ నిరూపించుకున్నాడు. అతను 145 కిమీ కంటే ఎక్కువ వేగంతో నిలకడగా బౌలింగ్ చేస్తున్నాడు. అతని ప్రతి మూడో బంతి కూడా 150/kmph వేగంతో వస్తోంది. దక్షిణాఫ్రికా ఫాస్ట్ బౌలర్ మార్కో యెన్సెన్ తన స్వింగ్, బౌన్స్‌తో ప్రత్యర్థి బ్యాట్స్‌మెన్ నడ్డి విరుస్తున్నాడు.

టి.నటరాజన్ వేసిన యార్కర్లు కూడా బ్యాట్స్ మెన్ ను ఇబ్బంది పెడుతున్నాయి. భువనేశ్వర్ కుమార్ పేస్ తక్కువగా ఉండవచ్చు. కానీ, అతని స్వింగ్ దాని ప్రభావాన్ని చూపుతోంది. కచ్చితమైన లైన్ లెంగ్త్ సహాయంతో భువీ కీలక బ్యాట్స్‌మెన్‌ను దెబ్బతీస్తున్నాడు. జట్టులో ప్రసిద్ధ మణికట్టు స్పిన్నర్ లేడు. కానీ, ఫాస్ట్ బౌలర్లు మ్యాచ్‌ను గెలవగలరని రుజువు చేస్తున్నారు.

దుష్మంత చమీరా, రవి బిష్ణోయ్ రూటే సపరేటు..

లక్నో సూపర్ జెయింట్స్ గురించి మాట్లాడితే, ఈ జట్టు విజయంలో బౌలర్లు కూడా కీలక పాత్ర పోషించారు. ఫాస్ట్ బౌలర్లు దుష్మంత చమీర, మొహ్సిన్ ఖాన్ మంచి పేస్ తో బౌలింగ్ చేస్తున్నారు. ముంబై ఇండియన్స్ లాంటి పెద్ద జట్టుపై కూడా చమీరా 4 ఓవర్లలో 14 పరుగులు మాత్రమే ఇచ్చాడు. ఈ 6 అడుగుల బౌలర్ 145/kmph వేగంతో పాటు రౌండ్ ఆర్మ్ యాక్షన్ కారణంగా ప్రమాదకరంగా మారుతున్నాడు. పేస్ కారణంగానే దిగ్గజ బ్యాట్స్‌మెన్‌లు కూడా భారీ షాట్లు ఆడకుండా కట్టడి చేస్తున్నాడు.

మణికట్టు స్పిన్నర్ రవి బిష్ణోయ్ తన వైవిధ్యంతో బ్యాట్స్‌మెన్‌ను ఇబ్బంది పెట్టడంలో నిలకడగా రాణిస్తున్నాడు. లక్నో బౌలింగ్ జట్టుకు బలహీనమైన లింక్‌గా పరిగణిస్తున్నారు. కానీ, సీజన్ ప్రారంభమైన తర్వాత, దానిలో పెద్ద మార్పు వచ్చింది. భారత టీ20 జట్టులో భాగమైన తర్వాత బిష్ణోయ్ బౌలింగ్ చాలా మెరుగుపడింది. లక్నో సూపర్‌ జెయింట్స్‌ దీని ప్రయోజనాన్ని పొందుతోంది.

ఎక్స్‌ప్రెస్ స్పీడ్ బౌలర్ల కొరతలో చెన్నై, ముంబై..

వికెట్ టేకర్ల కొరతతో ముంబై, చెన్నై పోరాడుతున్నాయి. బుమ్రా మునుపటిలా కచ్చితమైన యార్కర్లను అందించలేకపోయాడు. మరో ఎండ్ నుంచి సపోర్ట్ లేకపోవడం కూడా వారి ప్రదర్శనపై ప్రభావం చూపింది. ఈ సీజన్‌లో జోఫ్రా ఆర్చర్ అందుబాటులో ఉండి ఉంటే అది వేరేలా ఉండేది.

దీపక్ చాహర్ నిష్క్రమణతో చెన్నై స్ట్రైక్ బౌలర్‌తో సమస్యలతో సతమతమైంది. రషీద్ ఖాన్ కూడా క్రిస్ జోర్డాన్ బంతుల్లో ఒక ఓవర్‌లో 25 పరుగులు చేయడం ద్వారా మ్యాచ్ గమనాన్ని మారుస్తున్నాడు. 145kmph+ వేగంతో బౌలింగ్ చేసే బౌలర్లు లేకపోవడమే చెన్నై పేలవ ప్రదర్శనకు ప్రధాన కారణంగా నిలిచింది.

మరిన్ని ఐపీఎల్ వార్తల కోసం ఇక్కడ క్లిక్ చేయండి..

Also Read: GT vs SRH IPL 2022 Match Result: హైదరాబాద్‌ కొంపముంచిన మాజీ ప్లేయర్.. ఉత్కంఠ మ్యాచ్‌లో గుజరాత్‌దే విజయం..

DC Vs KKR IPL 2022 Match Prediction: ఢిల్లీని ఢీకొట్టేందుకు సిద్ధమైన కోల్‌కతా.. గత రికార్డులు ఎలా ఉన్నాయంటే..