IND vs SL, Asia Cup 2023 Final Highlights: లంకపై ఘన విజయం.. 8వ సారి ఆసియా విజేతగా రోహిత్ సేన..

ఆసియా కప్ ఫైనల్లో భారత్‌ ఘన విజయం సాధించింది. శ్రీలంక ఇచ్చిన 51 పరుగుల లక్ష్యాన్ని కేవలం 6.1 ఓవర్లోనే వికెట్ నష్టపోకుండా ఛేదించింది. శుభ్‌మన్ గిల్ 27, ఇషాన్ కిషన్‌ 23 పరుగులతో నిలిచాడు.

3 ఓవర్లకు టీమిండియా వికెట్లేమీ నష్టపోకుండా 32 పరుగులు చేసింది. గిల్ 18, ఇషాన్ 13 పరుగులతో నిలిచారు.

కొలంబోలోని ఆర్ ప్రేమదాస స్టేడియంలో భారత్-శ్రీలంక మధ్య ఆసియా కప్ ఫైనల్ మ్యాచ్ జరుగుతోంది. తొలుత టాస్ గెలిచి బ్యాటింగ్ ఎంచుకున్న శ్రీలంక జట్టుకు శుభారంభం లభించలేదు. సిరాజ్ ఊచకోతతో శ్రీలంక జట్టు 15.2 ఓవర్లలో 50 పరుగులకు ఆలౌట్ అయింది. దీంతో టీమిండియా ముందు 51 పరుగుల టార్గెట్ నిలిచింది.

13వ ఓవర్ మూడో బంతికి దునిత్ వెలలాగేను ఔట్ చేయడం ద్వారా హార్దిక్ పాండ్యా మరింత దెబ్బతీశాడు. భారత బౌలర్లు దూకుడుగా బౌలింగ్ చేస్తూ.. క్లియర్ ఆదిపత్యాన్ని ప్రదర్శిస్తున్నారు.

శ్రీలంక ఏడో వికెట్‌ పడిపోయింది. 12వ ఓవర్ రెండో బంతికి కుసాల్ మెండిస్‌ను సిరాజ్ అవుట్ చేశాడు. ఈ మ్యాచ్‌లో సిరాజ్‌కి ఇది ఆరో వికెట్. సిరాజ్ బౌలింగ్‌లో మెండిస్ అవుటయ్యాడు. 

శ్రీలంక జట్టు 10 ఓవర్లలో 6 వికెట్లకు 31 పరుగులు చేసింది. క్రీజులో కుశాల్ మెండిస్, దునిత్ వెల్లాలఘే ఉన్నారు.

10/6 కెనడా vs నెట్ కింగ్ సిటీ 2013
12/6 కెనడా vs శ్రీలంక, పార్ల్ 2003
12/6 శ్రీలంక vs భారత్, కొలంబో RPS 2023
13/6 శ్రీలంక vs సౌతాఫ్రికా, పార్ల్ 2012

కొలంబోలోని ఆర్ ప్రేమదాస స్టేడియంలో భారత్-శ్రీలంక మధ్య ఆసియా కప్ ఫైనల్ మ్యాచ్ జరుగుతోంది. తొలుత టాస్ గెలిచిన శ్రీలంక బ్యాటింగ్ ఎంచుకుంది. అయితే శ్రీలంకకు ఆరంభం బాగాలేదు. దీంతో ఆ జట్టు 7 ఓవర్లలో 6 వికెట్లకు 17 పరుగులు చేసింది. సిరాజ్ 5 వికెట్లు తీశాడు. అతను చరిత్ అసలంక, సదీర సమరవిక్రమ, పాతుమ్ నిస్సాంక, దసున్ షనకలను ఔట్ చేశాడు.

ఒకే ఓవర్లో సిరాజ్ నలుగురు లంక బ్యాటర్లను పెవిలియన్ చేర్చాడు. దీంతో టాస్ గెలిచిన లంకకు వరుసగా షాక్‌లు తగులుతూనే ఉన్నాయి. తన రెండో ఓవర్లో వికెట్ల ఖాతా ఓఫెన్ చేసిన సిరాజ్.. 4 వికెట్లు పడగొట్టాడు. దీంతో 4 ఓవర్లు ముగిసే సరికి 5 వికెట్లు కోల్పోయి 12 పరుగులు చేసింది.

టాస్ గెలిచి బ్యాటింగ్ చేస్తోన్న శ్రీలంలకు వరుసగా షాక్‌లు తగులుతూనే ఉన్నాయి. 3.1 ఓవర్లలో 2 వికెట్లు కోల్పోయి 8 పరుగులు చేసింది. బుమ్రా, సిరాజ్‌లు తలో వికెట్ పడగొట్టారు.

తొలి ఓవర్ మొదలైన వెంటనే శ్రీలంకకు బుమ్రా షాక్ ఇచ్చాడు. మూడో బంతికి పెరేరా కీపర్ రాహుల్‌కు క్యాచ్ ఇచ్చి పెవిలియన్ చేరాడు.

ప్రస్తుతం కొలంబోలో వర్షం తగ్గింది. పిచ్‌పై ఉన్న కవర్లను ఇప్పటికే తొలగించారు. అంపైర్లు 3.30కి పిచ్‌ను పరిశీలించిన తర్వాతే మ్యాచ్ ఎప్పుడు ప్రారంభం అవుతుందో చెప్పనునున్నారు.

టాస్ పడిన తర్వాత వర్షం మొదలైంది. దీంతో ఆట కొద్దిగా ఆలస్యంగా మొదలుకానుంది.

భారత్ (ప్లేయింగ్ XI): రోహిత్ శర్మ (కెప్టెన్), శుభ్‌మన్ గిల్, విరాట్ కోహ్లీ, కెఎల్ రాహుల్ (కీపర్), ఇషాన్ కిషన్, హార్దిక్ పాండ్యా, రవీంద్ర జడేజా, వాషింగ్టన్ సుందర్, జస్ప్రీత్ బుమ్రా, కుల్దీప్ యాదవ్, మహ్మద్ సిరాజ్.

శ్రీలంక (ప్లేయింగ్ XI): పాతుమ్ నిస్సాంక, కుసల్ పెరీరా, కుసల్ మెండిస్(కీపర్), సదీర సమరవిక్రమ, చరిత్ అసలంక, ధనంజయ డి సిల్వా, దసున్ షనక(కెప్టెన్), దునిత్ వెల్లలాగే, దుషన్ హేమంత, ప్రమోద్ మదుషన్, మతీషా పతిరణ.

టాస్ గెలిచిన శ్రీలంక సారథి తొలుత బ్యాటింగ్ ఎంచుకున్నాడు. దీంతో టీమిండియా ముందుగా బౌలింగ్ చేయనుంది. ఈరోజు కొలంబోలో 90 శాతం వర్షం కురిసే అవకాశం ఉంది.

భారత్-శ్రీలంక మధ్య జరిగే ఆసియా కప్‌లో ఎవరు గెలుస్తారు? ఇది తెలుసుకునే ముందు, ఫైనల్స్‌లో ఇరు జట్ల రికార్డు ఏమిటో తెలుసుకోవడం ముఖ్యం. భారత్, శ్రీలంక జట్లు ఇప్పటివరకు 19 ఫైనల్స్‌లో తలపడగా, అందులో 2 ఫైనల్స్ అసంపూర్తిగా ఉన్నాయి. భారత్ 9 గెలుపొందగా, శ్రీలంక 8 గెలిచింది. పోటీ కఠినంగా ఉందని అర్థం.

భారత కెప్టెన్ రోహిత్ శర్మకు ఈరోజు గొప్ప రోజు. ఇది ఆసియా కప్‌లో ఫైనల్‌ మాత్రమే కాదు, రెండు పెద్ద విజయాలను కూడా అందుకునే ఛాన్స్ ఉంది. మైదానంలోకి రాగానే రోహిత్ ఈ రెండు విజయాలు సాధిస్తాడు. ఈరోజు ఫైనల్ మ్యాచ్‌ ఆడుతున్న రోహిత్‌కి 250వ వన్డే కానుంది. అలాగే 450వ అంతర్జాతీయ మ్యాచ్‌ అవుతుంది.

సమాచారం ప్రకారం ప్రస్తుతం కొలంబోలో వాతావరణం స్పష్టంగా ఉంది. ఆకాశంలో అలాంటి మేఘాలు లేవు. కానీ, అసలు ఆందోళన సాయంత్రం మొదలు కానుంది. ఎందుకంటే వాతావరణ మూడ్ చెడగొట్టే అవకాశం ఉంది. ఏది ఏమైనప్పటికీ, ఫైనల్ మ్యాచ్‌పై వర్షం నీడ ఉందనే వార్తలు ఇప్పటికే వచ్చాయి. విశేషం ఏంటంటే.. ఈ టైటిల్ మ్యాచ్‌కు రిజర్వ్ డే కూడా ఉంచారు.

ఆసియా కప్ ఫైనల్స్‌లో అత్యధికంగా తలపడిన జట్లుగా భారత్, శ్రీలంక అగ్రస్థానంలో నిలిచాయి. కేవలం వన్డే ఫార్మాట్‌లో జరిగే ఆసియా కప్ గురించి మాట్లాడుకుంటే, భారత్, శ్రీలంకలు ఈసారి 8వ సారి తలపడనున్నాయి. చివరి 7 ఫైనల్స్‌లో భారత్ 4-3 ఆధిక్యంలో ఉంది. ఆసియా కప్‌లో ఓవరాల్‌గా భారత జట్టు 10వ ఫైనల్ ఆడుతుంది. 8 వన్డే ఫార్మాట్ ఫైనల్స్ కాకుండా, 2 టీ20 ఫార్మాట్ ఫైనల్స్ ఉన్నాయి.