WTC Final: టీమిండియాతో తలపడే ఆసీస్ టీమ్ ఇదే.. జట్టులో వార్నర్ కూడా.. ప్రకటించిన క్రికెట్ ఆస్ట్రేలియా..

Australia Team For Wtc

WTC Final: భారత్‌తో జూన్ నెలలో లండన్‌ వేదికగా జరిగే ప్రపంచ టెస్టు ఛాంపియన్‌షిప్ ఫైనల్‌కు క్రికెట్ ఆస్ట్రేలియా తమ జట్టును ప్రకటించింది. డబ్ల్యూటీసీ ఫైనల్ కోసం రెగ్యులర్ కెప్టెన్ పాట్ కమిన్స్ నేతృత్వంలో మొత్తం 17 మంది ఆటగాళ్లను ఎంపిక చేసింది ఆస్ట్రేలియా. డబ్ల్యూటీసీ ఫైనల్ తర్వాత ఇదే స్క్వాడ్‌ ఇంగ్లాండ్‌తో జరిగే యాషెస్ సిరీస్‌‌లో కూడ కనిపించనుంది. జూన్ 6 నుంచి 11 వరకు టీమిండియాతో డబ్ల్యూటీసీ ఫైనల్, అలాగే జూన్ 16 నుంచి ఇంగ్లాండ్‌తో యాషెస్ సిరీస్‌ను ఆసీస్ టీమ్ ఆడనుంది. ఇక ఆస్ట్రేలియా ఆల్ రౌండర్ మిచెల్ మార్ష్ పూర్తిగా ఫిట్‌గా తిరిగి జట్టులోకి వచ్చాడు. రెండు దేశాలలో ఆడేందుకు ప్రకటించిన స్క్వాడ్‌.. బౌలింగ్, బ్యాటింగ్ కోసం పూర్తిగా వారి అనుభవజ్ఞులైన ఆటగాళ్లతో నిండి ఉంది.

పాట్ కమిన్స్, మిచెల్ స్టార్క్, జోష్ హేజిల్‌వుడ్, స్కాట్ బోలాండ్ వంటి ఆటగాళ్లు WTC, యాషెస్ సిరీస్‌ల కోసం ఆసీస్ శిబిరంలో ఫాస్ట్ బౌలర్లుగా ఉన్నారు. వారితో పాటు టీమిండియాపై అరంగేట్రం చేసిన స్పిన్నర్ టాడ్ మర్ఫీ, వెటరన్ నాథన్ లియాన్‌ కూడా ఈ స్క్వాడ్‌‌లో భాగంగా ఉన్నారు. అదే విధంగా కెమెరూన్ గ్రీన్,  మిచెల్ మార్ష్ వంటి ఆల్ రౌండర్లు కూడా టీమిండియా, ఇంగ్లాండ్‌పై ధీటుగా ఆడేందుకు సిద్ధంగా ఉన్నారు.

జట్టులోకి తిరిగి వచ్చిన డేవిడ్ వార్నర్‌