ZIM vs SL: శ్రీలంక పర్యటనకు జింబాబ్వే జట్టు.. రెండు ఫార్మాట్లకు ఇద్దరు కెప్టెన్లు.. ఎవరో తెలుసా?

Zimbabwe Cricket Team

Zimbabwe Cricket Team Squad For Sri Lanka Tour: శ్రీలంక పర్యటనలో జింబాబ్వే జట్టు వన్డే, T20 మ్యాచ్‌ల సిరీస్‌ను ఆడనుంది. ఈ సిరీస్‌కు 15 మంది సభ్యులతో కూడిన జింబాబ్వే జట్టును ప్రకటించారు. వన్డే ఫార్మాట్‌లో క్రెయిగ్ ఇర్విన్ జట్టుకు నాయకత్వం వహించనున్నాడు. అదే సమయంలో టీ20 ఫార్మాట్‌లో జింబాబ్వేకు సికందర్ రజా కెప్టెన్‌గా కనిపించనున్నాడు. గత సంవత్సరం, క్రెయిగ్ ఇర్విన్ ఐర్లాండ్‌తో జరిగిన హోమ్ సిరీస్‌లో గాయపడ్డాడు. ఆ తర్వాత, క్రెయిగ్ ఇర్విన్ మైదానానికి దూరంగా ఉన్నాడు. కానీ, ఇప్పుడు దాదాపు 12 నెలల తర్వాత, క్రెయిగ్ ఇర్విన్ తిరిగి రావడానికి సిద్ధంగా ఉన్నాడు.

జింబాబ్వే, శ్రీలంక సిరీస్ షెడ్యూల్..

జింబాబ్వే-శ్రీలంక మధ్య మూడు వన్డేల సిరీస్ జరగనుంది. ఈ సిరీస్‌లో తొలి వన్డే జనవరి 6న జరగనుంది. ఆ తర్వాత జనవరి 8న సిరీస్‌లో రెండో వన్డే జరగనుంది. కాగా, సిరీస్‌లో మూడో, చివరి వన్డే జనవరి 11న జరగనుంది. ఆ తర్వాత టీ20 మ్యాచ్‌ల సిరీస్‌ జరగనుంది. జనవరి 14 నుంచి టీ20 సిరీస్ ప్రారంభం కానుంది. కాగా, టీ20 సిరీస్‌లో చివరి మ్యాచ్ జనవరి 18న జరగనుంది. అదే సమయంలో, జింబాబ్వే, శ్రీలంక మధ్య అన్ని మ్యాచ్‌లు కొలంబోలోని ఆర్‌ ప్రేమదాస స్టేడియంలో జరగనున్నాయి.

వన్డే సిరీస్ కోసం జింబాబ్వే జట్టు..

క్రెయిగ్ ఎర్విన్ (కెప్టెన్), ఫరాజ్ అక్రాన్, ర్యాన్ బర్ల్, జాయ్‌లార్డ్ గాంబి, ల్యూక్ జోంగ్వే, టకుద్జ్వానాషే కెటానో, టిన్షే కమున్హుకమావే, క్లైవ్ మదాండే, వెల్లింగ్టన్ మసకద్జా, తపివా ముఫుద్జా, టోనీ మున్యోంగా, బ్లెస్సింగ్ ముజార్‌టన్ రబానీ.

టీ20 సిరీస్ కోసం జింబాబ్వే జట్టు..

సికందర్ రజా (కెప్టెన్), బ్రియాన్ బెన్నెట్, ర్యాన్ బర్ల్, క్రెయిగ్ ఎర్విన్, జాయ్‌లార్డ్ గాంబి, ల్యూక్ జోంగ్వే, టినాషే కమున్హుకమ్వే, క్లైవ్ మదాండే, వెల్లింగ్టన్ మసకద్జా, కార్ల్ ముంబా, టోనీ మునియోంగా, బ్లెస్సింగ్ ముజారబానీ, ఐన్స్లీ నడ్లోవు, రిచార్ నడ్లోవు.

మరిన్ని క్రీడా వార్తల కోసం ఇక్కడ క్లిక్ చేయండి..