Video: వామ్మో.. సూపర్‌మ్యాన్‌కే సుస్సు పోయించావుగా.. కష్టమైన క్యాచ్ కోసం కళ్లుచెదిరే డైవింగ్.. వైరల్ వీడియో..
బంగ్లాదేశ్ ప్రీమియర్ లీగ్‌లో పాకిస్థాన్ వికెట్ కీపర్ బ్యాట్స్‌మెన్ మహ్మద్ రిజ్వాన్ అద్భుత క్యాచ్ పట్టి, సోషల్ మీడియాలో సంచలనం సృష్టిస్తున్నాడు.
పాకిస్థాన్ వికెట్ కీపర్ మహ్మద్ రిజ్వాన్ అద్భుతమైన బ్యాటింగ్‌తోనే కాదు.. వికెట్ కీపింగ్‌లోనూ పేరు తెచ్చుకున్నాడు. బంగ్లాదేశ్‌లో జరుగుతున్న బీపీఎల్‌లో మరోసారి తన అద్భుత వికెట్‌కీపింగ్ స్కిల్స్‌ను అభిమానులకు చూపించాడు. అతను పట్టుకున్న ఓ క్యాచ్ వీడియో సోషల్ మీడియాలో బాగా వైరల్ అవుతోంది. రిజ్వాన్ ఈ అద్భుతమైన క్యాచ్ వీడియోను చూసిన నెటిజన్లు సూపర్‌మ్యాన్ అని పిలుస్తున్నారు. మరికొందరు జిమ్నాస్ట్‌ అంటూ కామెంట్లు చేస్తు్నారు. ఈ మ్యాచ్‌లో అతను బ్యాట్‌తో అద్భుతంగా ఏమీ చేయలేకపోయాడు. కానీ, వికెట్ కీపింగ్‌తో జట్టు విజయంలో కీలక పాత్ర పోషించాడు.
రిజ్వాన్ బంగ్లాదేశ్ ప్రీమియర్ టీ20 లీగ్‌లో కొమిల్లా విక్టోరియన్స్ తరపున ఆడుతున్నాడు. శుక్రవారం ఈ జట్టు పాకిస్థాన్ స్టార్ బ్యాట్స్‌మెన్ నూరుల్ హసన్ సారథ్యంలోని రంగ్‌పూర్ రైడర్స్‌తో తలపడింది. మ్యాచ్‌లో రిజ్వాన్ జట్టు గెలిచింది. అయితే, అభిమానులు రిజ్వాన్ క్యాచ్ గురించి ఎక్కువగా చర్చించుకున్నారు.
రిజ్వాన్ స్టన్నింగ్ క్యాచ్..
keeper of the tournament in psl for the third year in a row ? pic.twitter.com/QNzGxP1Tqf
— rizzystan (@rizzystan2) February 10, 2023
రంగ్‌పూర్ జట్టు 177 పరుగుల లక్ష్యాన్ని ఛేదించింది. తొమ్మిదో ఓవర్‌కు ముస్తాఫిజుర్ బౌలింగ్‌లో షమీ హుస్సేన్‌ అవుట్ అయ్యాడు. ఆ ఓవర్ రెండో బంతికి షమీ కట్‌ చేసేందుకు ప్రయత్నించగా బంతి బ్యాట్‌ అంచుకు తగిలి వికెట్‌కీపర్‌కు దూరంగా వెళ్లింది. అయితే రిజ్వాన్ గాలిలో దూకి ఒంటి చేత్తో డైవింగ్ చేస్తూ క్యాచ్ పట్టుకున్నాడు. విక్టోరియా జట్టు మొత్తం సంబరాల్లో మునిగితేలుతున్న సమయంలో షమీ ఈ క్యాచ్‌ని చూసి ఆశ్చర్యపోయాడు. రిజ్వాన్ పట్టిన ఈ క్యాచ్ అభిమానులను సైతం ఆశ్చర్యపోయేలా చేసింది. దీంతో ఈ వీడియో కాస్త వైరల్‌గా మారింది.
మరిన్ని క్రీడా వార్తల గురించి ఇక్కడ క్లిక్ చేయండి..