Video: సైమ్ అయూబ్‌కు దిమ్మతిరిగే షాకిచ్చిన అభిషేక్.. వైభవ్ పగ తీర్చేశాడుగా..

Abhishek Sharma

ఆసియా క్రీడలు 2026 (Asian Games 2026) పురుషుల క్రికెట్ ఫైనల్‌లో భారత ఓపెనర్ అభిషేక్ శర్మ (Abhishek Sharma) ఆగ్రహం వెంటనే బ్యాట్‌పై కనిపించింది. పాకిస్థాన్ బౌలర్ సైమ్ అయూబ్ (Saim Ayub) వేసిన బంతికి వైభవ్ సూర్యవంశీ (Vaibhav Sooryavanshi) రివర్స్ స్వీప్ ఆడే ప్రయత్నంలో వికెట్ కోల్పోయాడు. ఆ షాట్ ఎంపికపై అభిషేక్ అసంతృప్తి వ్యక్తం చేశాడు. వైభవ్ ఎక్కడ బంతిని ఆడాల్సిందో చేతి సంజ్ఞలతో సూచించాడు. అదే ఓవర్‌లో అభిషేక్ తన దూకుడైన బ్యాటింగ్‌తో పాకిస్థాన్‌కు గట్టి సమాధానం ఇచ్చాడు. అయూబ్ వేసిన నాలుగో బంతిని భారీ సిక్స్‌గా మలిచిన అతడు, ఆ ఓవర్‌లోని చివరి రెండు బంతులను వరుస బౌండరీలుగా బాదాడు. ఒక్క ఓవర్‌లో భారత్‌కు 15 పరుగులు రావడంతో వైభవ్ వికెట్ తర్వాత ఏర్పడిన ఒత్తిడిని వెంటనే తగ్గించాడు.

భారత్ ఇన్నింగ్స్ మూడో ఓవర్‌లో ఈ ఘటన జరిగింది. పాకిస్థాన్ కెప్టెన్ సాహిబ్‌జాదా ఫర్హాన్ (Sahibzada Farhan) తన రెండో ఓవర్ కోసం అయూబ్‌ను బంతి అందించాడు. అతడు వేసిన గుడ్ లెంగ్త్ బంతి పిచ్ అయిన తరువాత ఆఫ్ స్టంప్ వెలుపలికి మరింతగా తిరిగింది.

ఆ బంతిని వైభవ్ ధైర్యంగా రివర్స్ స్వీప్ ఆడే ప్రయత్నం చేశాడు. కానీ షాట్ సరిగ్గా కనెక్ట్ కాకపోవడంతో పాకిస్థాన్ వికెట్ కీపర్ ఉస్మాన్ ఖాన్ (Usman Khan) చేతికి క్యాచ్ వెళ్లింది. 15 ఏళ్ల వైభవ్ కీలక మ్యాచ్‌లో త్వరగా ఔట్ కావడంతో భారత ఇన్నింగ్స్‌కు ఎదురుదెబ్బ తగిలింది.

వికెట్ తీసిన వెంటనే అయూబ్ వైభవ్‌ను ఉద్దేశించి ‘బేబీసిటింగ్’ తరహా సెలబ్రేషన్ చేశాడు. ఈ దృశ్యం మ్యాచ్‌లో ప్రత్యేకంగా కనిపించింది. మరోవైపు అభిషేక్ మాత్రం యువ బ్యాటర్ షాట్ ఎంపికపై అసంతృప్తి వ్యక్తం చేశాడు. వైభవ్ బంతిని ఏ దిశలో ఆడాల్సిందో చేతితో చూపించాడు.

https://t.co/4hI0BnIRZh

— crictalk (@crictalk7) October 3, 2026

ఆ తరువాత అదే ఓవర్‌లో అభిషేక్ తన స్పందనను బ్యాట్‌తో చూపించాడు. అయూబ్ వేసిన నాలుగో బంతిని స్టాండ్స్‌లోకి పంపిన అతడు, తరువాతి రెండు బంతులనూ బౌండరీలకు తరలించాడు. వరుసగా మూడు బౌండరీలతో ఆ ఓవర్‌ను ముగించి భారత్ స్కోరుకు 15 పరుగులు జోడించాడు.

వైభవ్ వికెట్‌తో వచ్చిన నిరాశ ఎక్కువసేపు నిలవకుండా అభిషేక్ దూకుడు భారత ఇన్నింగ్స్‌లో వేగాన్ని తిరిగి తీసుకొచ్చింది. అయూబ్‌పై అతడి దూకుడు బ్యాటింగ్ మ్యాచ్‌లో ఆసక్తికర ఘట్టంగా మారింది.