Tata AIG: ప్రైవేట్ వెర్సస్ కమర్షియల్.. ఏ బీమాతో ఎలాంటి ప్రయోజనం చేకూరుతుంది..? పూర్తి వివరాలు..

Tata Aig Car Insurance

Private vs Commercial Car Insurance: కరోనా వచ్చి.. పోయిన దగ్గర నుంచి చాలామంది వ్యక్తులు తమ సొంత వాహనాల్లోనే వేర్వేరు ప్రదేశాలకు వెళ్లేందుకు మొగ్గు చూపుతున్నారు. ఆఫీస్‌ లేదా బయట ఊరికి టూర్ వెళ్లడానికైనా.. బైక్ లేదా కారును వినియోగిస్తున్నారు కొందరు. బైక్‌లు అటుంచితే.. కార్లు ఈ మధ్య ప్రతీ ఒక్కరి జీవితంలోనూ ఓ భాగమైపోయాయి. ఎందుకంటే.. వాటి ద్వారా ఫ్యామిలీ అంతటితోనూ ఎంచక్కా వేరే ఊర్లకు షికారుకు వెళ్లొచ్చు. అలాగే పిక్నిక్ చేయొచ్చు. ఇలా కార్లు కొనేందుకు ప్రతీ ఒక్కరికి అవసరాలు వేర్వేరు ఉండొచ్చు.

ఉదాహరణకు, ఓ వ్యక్తి ఒక చోట నుంచి వేరే చోటకు వ్యక్తిగత అవసరాల నిమిత్తం ప్రయాణించేందుకు కారును కొనుగోలు చేయవచ్చు. ఇంకొకరికి కారే జీవనోపాధి కావచ్చు. ఇలా కారును వినియోగం వ్యక్తిగతం(ప్రైవేటు) కావచ్చు లేదా కమర్షియల్ అవసరాలకు కావచ్చు. ఇక కారు ఇన్సూరెన్స్‌ను ఎంచుకోవడంలో ఇది కీలక పాత్ర పోషిస్తుంది.

ఇక దేశంలో ప్రతీ కారుకు థర్డ్-పార్టీ బీమా తప్పనిసరి. ఇక్కడ కొన్నిసార్లు థర్డ్-పార్టీ కారు ఇన్సూరెన్స్ ఒకటే సరిపోకపోవచ్చు.. సరైన మోటారు బీమా పాలసీని ఎంచుకోవడం కూడా తప్పనిసరి. ఇక కమర్షియల్ అవసరాలకు కారును నడుపుతున్నట్లయితే.. అది ప్రమాదాలకు కూడా ఎక్కువగా గురికావచ్చు. ఇలాంటి సమయంలో మనకు మరింత కవరేజీ అవసరం అవుతుంది కాబట్టి, ఇలాంటి కమర్షియల్ ఫోర్-వీలర్‌కు కమర్షియల్ వెహికల్ ఇన్సూరెన్స్ అనేది చాలా ముఖ్యం. ఇక ఇందుకు వ్యతిరేకంగా ఒక వ్యక్తి తన వ్యక్తిగత అవసరాల కోసం కారును ఉపయోగించుకుంటున్నట్లయితే.. ప్రైవేటు కారు ఇన్సూరెన్స్ అనేది అవసరం. ఇక ఇప్పుడు మీకు ప్రైవేటు కారు ఇన్సూరెన్స్, కమర్షియల్ కారు ఇన్సూరెన్స్‌కు సంబంధించిన తేడాలు ఏంటో తెలుసుకుందాం.

ప్రైవేట్ కారు ఇన్సూరెన్స్ అంటే ఏమిటి?

ప్రైవేట్ కారు బీమా పాలసీ అనేది మీ వ్యక్తిగత కారును కవర్ చేయగలిగే ఒక రకమైన బీమా. మీరు ఎప్పుడైతే సమగ్ర కారు బీమా పాలసీని కొనుగోలు చేసినప్పుడు, థర్డ్-పార్టీ లైబిలిటీ కింద, ప్రమాదాలు జరిగినప్పుడు గానీ, దొంగతనం జరిగినప్పుడు గానీ ఆర్థిక కవరేజీని పొందుతారు. మరికొన్ని పాలసీలు అయితే ఓనర్-డ్రైవర్ యాక్సిడెంటల్ కవరేజీని కూడా కవర్ చేస్తాయి. ఇక ప్రైవేటు కారు ఇన్సూరెన్స్ అయితే.. ఓనర్, వెహికిల్‌తో థర్డ్ పార్టీ లైబిలిటీ కింద పూర్తి కవరేజీ అందిస్తుంది.

కమర్షియల్ కారు ఇన్సూరెన్స్ అంటే ఏమిటి?

వాణిజ్య లేదా వ్యాపార కార్యకలాపాల కోసం ఉపయోగించే వాహనాలను కవర్ చేసే మోటారు బీమాను కమర్షియల్ కారు ఇన్సూరెన్స్ అని అంటారు. ఉదాహరణకు, ప్రయాణీకులను ఒక చోట నుంచి వేరే ప్రదేశానికి తీసుకెళ్లే టాక్సీలు లేదా క్యాబ్‌లకు.. ఈ వాణిజ్య కారు బీమా పాలసీ అవసరం. ఒకవేళ కారుకు ఏదైనా నష్టం జరిగితే.. అది నేరుగా కారు యజమాని వ్యాపారాన్ని ప్రభావితం చేస్తుంది. అందువల్ల ఈ రకమైన బీమా అనేది తప్పనిసరి.

ఈ కమర్షియల్ కారు ఇన్సూరెన్స్ కవరేజ్ అనేది కొన్ని రిస్క్‌లతో కూడుకున్నది. సాధారణంగా ఇలాంటి బీమా పధకం ఎలాంటి ప్రయోజనాలను అందిస్తుందో ఓసారి లుక్కేద్దాం..

1. ప్రమాదం కారణంగా కారుకు నష్టం జరిగినప్పుడు.. పాలసీదారుడు(యజమాని) వ్యాపారానికి ఆర్ధిక భద్రత లభిస్తుంది.

2. ప్రకృతి వైపరీత్యాలు, అగ్నిప్రమాదం లేదా దొంగతనం కారణంగా కారుకు డ్యామేజ్ జరిగినప్పుడు.. పూర్తి కవరేజ్ అందుతుంది.

3. డ్రైవర్‌కు వ్యక్తిగత ప్రమాద కవరేజ్ అందుతుంది.

4. ప్రయాణీకుల కవరేజ్ ఆప్షన్ అనేది కూడా లభిస్తుంది.

5. థర్డ్ పార్టీ ప్రాపర్టీ డ్యామేజ్ అలాగే శారీరిక గాయాలకు సంబంధించిన కవరేజ్ కూడా లభిస్తుంది.

టాటా ఏఐజీ లాంటి ప్రసిద్ది చెందిన బీమా ప్రొవైడర్ ద్వారా మీరు ఈ కమర్షియల్ కారు ఇన్సూరెన్స్‌ను సులభంగా పొందొచ్చు. కొనుగోలు, పునరుద్ధరణ ప్రక్రియ అంతా కూడా పారదర్శకంగా ఉంటుంది. అంతేకాకుండా బీమా సంస్థ మీ ప్రస్తుత కవరేజీని మెరుగుపరిచే విధంగా కొన్ని ఆకర్షనియమైన ఆఫర్లను కూడా అందిస్తుంది.

కమర్షియల్ కార్ ఇన్సూరెన్స్ Vs ప్రైవేట్ ఇన్సూరెన్స్

రెండు రకాల ఫోర్-వీలర్ ఇన్సూరెన్స్‌లు మీ కారుకు ఆర్థిక కవరేజీని అందిస్తున్నప్పటికీ, వివిధ పారామితులు రెండింటినీ వేరు చేస్తాయి.

దిగువ పట్టిక ప్రైవేట్ – వాణిజ్య కారు భీమా మధ్య వ్యత్యాసాన్ని చూపుతుంది చూడండి:

మీరు ఏ బీమా పాలసీని కొనుగోలు చేయాలి? ప్రైవేట్ లేదా కమర్షియల్ కార్ ఇన్సూరెన్స్?

మీ వాహనం కోసం మీరు తప్పనిసరిగా కొనుగోలు చేయాల్సిన బీమా పాలసీ అనేది.. వాహనం ఉపయోగించే విధానం, ప్రయోజనంపై ఆధారపడి ఉంటుంది. ఉదాహరణకు, మీరు మీ ఇంటి నుంచి మీ కార్యాలయానికి లేదా ఇతర సారూప్య కార్యకలాపాలకు వెళ్లడానికి మీ వ్యక్తిగత ఉపయోగం కోసం కారును కొనుగోలు చేసినట్లయితే, మీరు ప్రైవేట్ కారు బీమా పాలసీని కొనుగోలు చేయాలి.

మరోవైపు, మీరు రవాణా వ్యాపారంలో నిమగ్నమై ఉంటే వాణిజ్య బీమా పాలసీ ఉత్తమంగా ఉంటుంది. ఇందులో మీ వాహనం వ్యక్తులు లేదా వస్తువులను ఒక ప్రదేశం నుంచి మరొక ప్రదేశానికి రవాణా చేసే వాటికి కూడా బీమా ఉంటుంది.

మోటారు వాహనాల చట్టం 1988 ప్రకారం, వాణిజ్య వాహనాలను వ్యక్తిగత వినియోగం కోసం ఉపయోగించడం నిషేధించారు. మీరు మీ ప్రైవేట్ కారును వాణిజ్య ప్రయోజనాల కోసం ఉపయోగిస్తే భారీ జరిమానాలను విధిస్తారు. అందుకే వాణిజ్య వాహనాలను వ్యక్తిగత అవసరాలను ఉపయోగించొద్దు.

అయితే, మీరు మీ వాణిజ్య వాహనాన్ని ప్రైవేట్ వాహనంగా మార్చవచ్చు.. మీ వాహనం రకాన్ని (మోడల్) మార్చడానికి మీరు తప్పనిసరిగా RTO కార్యాలయాన్ని సందర్శించి, నిర్దేశిత రుసుమును చెల్లించడం ద్వారా ఒక నిర్దిష్ట ప్రక్రియను అనుసరించి మార్చుకోవచ్చు. RTO ద్వారా విజయవంతంగా మోడల్‌ను మార్చిన తర్వాత, మీరు ఒక ప్రసిద్ధ బీమా ప్రొవైడర్ ద్వారా అవసరమైన ప్రైవేట్ లేదా వాణిజ్య కారు బీమాను ఆన్‌లైన్‌లో కొనుగోలు చేయవచ్చు.

ఇలా నిర్ధారించుకోండి..

వాణిజ్య, ప్రైవేట్ బీమా పాలసీల మధ్య ప్రధాన వ్యత్యాసం వాహన వినియోగం, ప్రయోజనం మీద ఆధారపడి ఉంటుంది. ఈ కథనం వాణిజ్య కార్ల బీమా vs ప్రైవేట్ ఇన్సూరెన్స్ డిఫరెన్సియేటింగ్ ఫ్యాక్టర్స్ ను నిర్ధారిస్తుంది.. తద్వారా మీకు సమాచారంతో కూడిన నిర్ణయం తీసుకోవడంలో సహాయపడుతుంది. ఇంకా, ఫీచర్‌లు, ప్రయోజనాలు, ప్రీమియంల ఆధారంగా పాలసీలను పోల్చుతూ ఎల్లప్పుడూ మీకు బీమా విషయంలో సిఫారసు చేస్తుంది.