మీ ఇంట్లో ఈ సంకేతాలు కనిపిస్తే వాస్తు దోషం ఉన్నట్లే! ఇలా వదిలించుకోండి

Vastu

వాస్తు శాస్త్రం అనేది ఇంట్లోని అనేక సమస్యలకు పరిస్కారం చూపిస్తుంది. ఇంటి నిర్మాణం, వస్తువుల అమరిక, ఇలా అనేక విషయాల గురించి వివరిస్తుంది. ఏ వస్తువు ఎక్కడ ఉంటే జీవితం సాగిపోతుందో తెలియజేస్తుంది. వాస్తు శాస్త్రం ఇంటికి సంబంధించిన నియమాలను వివరిస్తుంది. వీటిని పాటిస్తే జీవితం సంతోషంగా ఉంటుందని నమ్ముతారు. అయితే, చాలా మంది వాస్తు నియమాలను పాటించకపోవడం వల్ల సమస్యలను ఎదుర్కోవాల్సి వస్తుంది. వాస్తు దోషాలను తెలుసుకునేందుకు కొన్ని మార్గాలు ఉన్నాయి.

మీ ఇంట్లో ఏవైనా వాస్తు దోషాలు ఉన్నాయో లేవో తెలుసుకోవడానికి ఉపయోగించే కొన్ని సంకేతాలను వాస్తు శాస్త్రం వివరిస్తుంది. మీ ఇంట్లో ఈ సంకేతాలను మీరు గమనించినట్లయితే.. వాటిని విస్మరించకుండా, వాటిని సరిద్దుకోవడానికి అవకాశం ఉంటుంది.

వాస్తు దోష సంకేతాలు

ఇంట్లో వివరించలేని బాధ వాస్తు దోషానికి సంకేతంగా చెప్పవచ్చు. కష్టపడి పనిచేసినా విజయం లేకపోవడం కూడా వాస్తు దోషానికి సంకేతంగా పరిగణించవచ్చు. ఇంట్లో నిరంతర అనారోగ్యం, ఆర్థిక సమస్యలు కూడా వాస్తు దోషానికి సంకేతాలు కావచ్చు. లీకయ్యే కుళాయి ఆర్థిక నష్టాలను, వాస్తు దోషాలను సూచిస్తుంది.

ఇంట్లో ఈశాన్యంలో టాయిలెట్లు ఉండటం వల్ల కూడా వాస్తు దోషం రావచ్చు. సహజ కాంతి లేని ఇంటి మూలల్లో ప్రతికూల శక్తి నివాసం ఉండి, వాస్తు దోషాలకు దారితీస్తుంది. ఇంకా, ఇంటి చుట్టూ, ప్రధాన ద్వారం వద్ద వస్తువులు, ఇతర వ్యర్థ పదార్థాలు చిందరవందరగా ఉండటం కూడా వాస్తు దోషాలకు కారణమవుతుంది.

వాస్తు దోషాల నివారణ

వాస్తు దోషాలు తొలగించేందుకు ఇంట్లో వాస్తు శాంతి పారాయణ చేయాలి
సాయంత్రం సమయంలో కర్పూరం వెలిగించి ఇంటి చుట్టూ తిప్పాలి
సాయంత్రం వేళల్లో ఇంటి ప్రధాన ద్వారా దగ్గర, తులసి దగ్గర నెయ్యి దీపం వెలిగించాలి.
ఇల్లు శుభ్రంగా, గాలి వచ్చేలా చూడాలి.
ఈ చర్యలను పాటించడం వల్ల ఇంట్లో వాస్తు దోషాలు తొలగిపోయి పాజిటివ్ ఎనర్జీ పునరుద్ధించవచ్చని విశ్వాసం.

Note: ఈ వార్తలోని సమాచారం వాస్తుశాస్త్రం, మత విశ్వాసాలపై ఆధారపడి ఉంది. దీనిని TV9 ధృవీకరించదు.